NEHEMIA 1:6 - Biblia Ilagho Jiboie Kwa Wandu Wose

⁶ Kunizighane BWANA na kusikira malombi ghapo ini mdumiki wako niwilombiagha kio na dime wadumiki wako, wandu wako Israeli. Narumiria angu isi wandu wa Israeli dabonyere kaung'a. Weke wawa wapo na ini dabonyere kaung'a.

NEHEMIA 1:6 ပူးပေါင်းရင်းမြစ်များ

1 WAZURI 8:30

Iji ini mdumiki wako na wandu wako Israeli dalomba dikilangaya andu aha, kusikire aho mlungunyi kwako kukaiagha, kudifuye wughoma.

1 WAZURI 8:47

wikaghaluka na kuhea wikivoya kwa ngolo wiko ahoeni wikiwona seji wibonyere kaung'a na wuwiwi.

2 MALAGHO GHA NGELO 28:10

Na idana mookunda kuwiwika wandu wa Juda na Jerusalemu aisi yenyu sa wazumba, womi na waka. Wele inyo mmbeni-lee, ndem'bonyere kaung'a kwa BWANA Mlungu onyu?

2 MALAGHO GHA NGELO 29:6

Weke aba weresowieghe wuloli, wikabonya mawiwi imbiri ya BWANA Mlungu odu; wereleghieghe kuzighana andu kwake kokaia, wikaghaluka na kummbikia mghongo.

2 MALAGHO GHA NGELO 6:40

Na idana ee Mlungu wapo, zighana, kudeghe madu ghako kwa ilombi jawuyalombwa aha.

EZRA 10:1

Nao iji Ezra orekoghe ukilomba na kuhea, ukilila na kughwa imbiri ya Hekalu, izungu ibaa ja wandu wa Israeli womi na waka na wanake, wikamkwanyikia wikilila nandighi kwa kuwawa.

EZRA 10:11

Idana rumirienyi makosa ghenyu imbiri ya BWANA Mlungu wa weke ndeyo, mpate kubonya lukundo lwake; mkutanye na waisanga na waka wenyu wa kighenyi.”

NEHEMIA 1:11

Degha kudu kwako kusikire malombi ghapo ini mdumiki wako na gha wadumiki wako wose wiboilwagha ni kujibonyera ishima irina jako; kunineke kusima, na ini mdumiki wako nifuilo wughoma ni m'baa wa isanga.” Ngelo iro, ni ini nerekoghe mnyoshi divei wa mzuri.

ZABURI 102:17

Uchawisikiria wandu wake wisighilo, na kusikira malombi ghawo.

ZABURI 106:6

Dabonyere kaung'a sa weke wawa; dakosere, dikabonya mawiwi.

ZABURI 130:2

Sikira kililo chapo BWANA. Sikiria lwaka lwa kuvoya kwapo.

ZABURI 32:5

Niko ngairumiria kaung'a yapo kwako, hata serechivisireghe kiwiwi chapo anduangi; nereghirumirieghe makosa ghapo imbiri kwako, kukanifuya wughoma kaung'a rapo rose.

ZABURI 34:15

BWANA wadawizighana wahachi, na kusikira kililo chawo.

ZABURI 55:17

Nadamlalamikia BWANA ngilila, nakenyi na nakesho na dimeghadi, nao wadanisikira.

ZABURI 88:1

Ee BWANA Mlungu wapo, nakulilia kio na dime ngilomba wutesia.

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

KILILO CHA JEREMIA 5:7

Weke wawa wabonyere kaung'a, nawo waidie; nesi daawuyapata wasi kwa wundu ghwa kaung'a rawo.

DANIELI 9:15

“Idana ee BWANA Mlungu odu, oho korewifunyireghe wandu wako kufuma isanga ja Misri kwa mkonu ghwa ndighi, na irina jako jikamanyika hata idime. Isi dabonyere kaung'a, dabonyere makosa.

DANIELI 9:20

Ngachuria kulomba, na kurumiria kaung'a rapo na ra wandu wapo Israeli. Ngamvoya BWANA Mlungu wapo uiaghe sena Hekalu yake ya wueli.

DANIELI 9:4

Ngamlomba BWANA Mlungu wapo, ngarumiria makosa gha wandu wapo ngighamba, “Ee BWANA, ko Mlungu m'baa oobolwa; kwadakatisha malaghano na lukundo lukatie kwa awo wikunde kuiwadia memu yako.

DANIELI 9:5

Isi dabonyere kaung'a na makosa; dabonyere kisha sena dikakulegha, dikaisigha memu yako na malaghiro ghako.

DANIELI 9:8

Isi dafwa waya ee Bwana, chiaimweri na wazuri wedu, na wabaa wedu, na weke aba wedu; angu dakubonyere kaung'a.

LUKA 18:7

Welee, na Mlungu nao ndechaawitanyira hachi wasaghulwa wake wimliliagha kio na dime anguwada? Loli uchamuka kuwitesia?

LUKA 2:37

Orekoghe na miaka mirongo wunyanya na inya, ukikaia muka ufulo ni mumi wake; nao orekoghe usefumagha Hekalunyi, ukitasa na kufunga tumu, na kulomba Mlungu kio na dime.

WAEFESO 2:3

Na isi diwose derekoghe na bea ra mumbi aghadi kwawo, dikinugha bea ra mumbi na ra maririkanyo; na kwa asili, derekoghe aisi ya machu gha Mlungu, karakara na wandu wose.

1 TIMOTHEO 5:5

Uo uko muka mkiwa loli, nao oosighwa uekeri, oowika isuwirio jake kwa Mlungu; nao wadadua ukivoya na kulomba Mlungu kio na dime.

2 TIMOTHEO 1:3

Namfunyira Mlungu chawucha, uo nimdumikiagha kwa nia ielie, seji werebonyereghe weke aba, ngelo nawuyakukumbuka tulituli andenyi ya malombi ghapo;

1 JOHANE 1:9

Dikarumiria kaung'a redu, Mlungu ni mloli na mhachi; nao uchadifuya wughoma kaung'a redu, na kudielesha wuwiwi ghodu ghose.

1 SAMUELI 15:11

“Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.