NEHEMIA 1:5 - Biblia Ilagho Jiboie Kwa Wandu Wose

⁵ “Ee BWANA Mlungu wa mlungunyi, oho koko m'baa, nesi dadakuobua na ndighi. Kwadajimangisha ilaghano jako kwa awo wikundagha na kuiwadia memu yako.

NEHEMIA 1:5 ပူးပေါင်းရင်းမြစ်များ

1 WAZURI 8:23

ukaghamba, “Ee BWANA Mlungu wa Israeli, ndekuwadie Mlungu ungi uko sa oho mlungunyi aighu, hata andoenyi na kosi uo ukatishagha ilaghano jake na lukundo lwake lukatie kwa wadumiki wake awo wimnughagha kwa ngolo rawo rose.

1 MALAGHO GHA NGELO 17:21

Ndeiko mbari ingi ndoenyi iko sa wandu wako Israeli, awo korewikombueghe kufuma wuzumbenyi wikaie wako weni. Maza mbaa korewibonyereghe raeresha sare yako ndoenyi kose. Korewivuvueghe wandu wako kufuma Misri, kukariwinga mbari zima rerekoghe imbiri kwawo.

EZRA 1:2

“Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

NEHEMIA 2:4

Niko mzuri ukanikotia, “Da kwakunde wada?” Nao ngamlomba Mlungu wa mlungunyi,

NEHEMIA 4:14

Nerewonieghe kukaia wandu wakaia na wowa. Ngawuka na kuwizera vilongozi, na wabaa, na wandu wazima wose, “Msakewiobua wamaiza wedu. Kumbukenyi seji BWANA uko m'baa, oobosha, muwilue wanyinyu na wana wenyu wa womi, na wa waka, waka wenyu na mizi yenyu.”

NEHEMIA 4:8

Wikabonya njama echa kulwa na Jerusalemu na kungira fujo andenyi.

NEHEMIA 9:32

“Na idana ee Mlungu odu, koko m'baa na wa kudima! Kwadakatisha ilaghano jako kwa wuloli. Kufuma wazuri wa Ashuru wazoya kudikoronga, hata idana, kwawona datiririlo saki! Wadijishire wasi isi, na wazuri wedu na wabaa wedu, na wakohani wedu, na walodi wedu weke aba wedu na wandu wedu wose datiririlo. Kumbuka seji ditiririlo!

ZABURI 47:2

Angu BWANA, Uo-Uko-Aighu-Nandighi ni wa kuobolwa; ni mzuri m'baa ndoenyi kose.

ZABURI 76:8

Kwafunyire momu ghotanya kufuma mlungunyi, ndoenyi kukaobua na kunyama kima,

ZABURI 89:2

Lukundo lwako lukatie ni lwa kala na kala; wuloli ghwako ghooka ghumange sa mawingunyi.

ZABURI 89:3

Oho kwaghambie, “Namerie kubonya ilaghano na msaghulwa wapo, ngamghemia Daudi mdumiki wapo ngighamba:

ZABURI 89:8

Ee BWANA Mlungu wa majeshi, nani uko na ndighi sa oho ee BWANA; oho koko mloli kwa maza rose.

KUFUMA 20:6

ela nawibonyera lukundo maelfu gha wandu, awa winikundagha, na kuiwadia memu yapo.

WUKUMBUSO 7:12

“Mkaghisikira agho mafundisho na kughikatisha, BWANA Mlungu onyu uchajimazira ilaghano jake, na kukaia na lukundo lukatie konyu; sa iji orewighemieghe weke ndeyo.

WUKUMBUSO 7:21

Msakewiobua; BWANA Mlungu onyu oko aghadi konyu. Uo ni Mlungu m'baa oobosha.

WUKUMBUSO 7:9

Kwa huwo manyenyi kukaia BWANA Mlungu onyu, ni Mlungu; nao ni mloli umaziriagha ilaghano na kukaia na lukundo lukatie kwa awo wimkundagha na kuiwadia memu yake hata vivalwa elfu;