NEHEMIA 1:4 - Biblia Ilagho Jiboie Kwa Wandu Wose

⁴ Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

NEHEMIA 1:4 ပူးပေါင်းရင်းမြစ်များ

2 SAMUELI 12:16

Daudi ukakaia ukimvoya Mlungu kwa wundu ghwa uja mwana; ukangia chumbenyi, ukakaia ukilala andonyi na kufunga tumu kula kio.

2 WAZURI 22:19

na kwa kukaia kwaherie na kukusera imbiri kwapo ngelo koresikireghe sa iji nighorie aighu ya muzi ughu na wandu wake, seji wichaachelwa ni wuduu na njowe, kukarashua nguwo rako na kulila imbiri kwapo, nanimoni nakusikira; ini BWANA naghamba.

2 MALAGHO GHA NGELO 6:13

Solomoni orekoghe wabonya kiwayo cha shaba, cha meta iwi na pointi iwi wulacha, na meta iwi na pointi iwi wushapa, na wuighu ghwa meta imweri na pointi idadu, ukachiwika wazenyi; nao ukajoka na kukaia kimusi aighu yaro. Niko ukadunga ngokoro imbiri ya ikwanyiko jose ja Israeli, ukaghorua mikonu yake cha mlungunyi,

EZRA 1:2

“Koreshi mzuri wa Pashia waghora huwu: BWANA, uo Mlungu wa mlungunyi, waninekie kubonya nguma wurumwengunyi kose, nao wanilaghirie nimuaghie Hekalu Jerusalemu, iko Juda.

EZRA 10:1

Nao iji Ezra orekoghe ukilomba na kuhea, ukilila na kughwa imbiri ya Hekalu, izungu ibaa ja wandu wa Israeli womi na waka na wanake, wikamkwanyikia wikilila nandighi kwa kuwawa.

EZRA 9:3

Niendasikira maza iro, ngarashua nguwo rapo, na kukua iridia japo na sombe rapo; ngasea kidombo kwa wasi.

EZRA 9:5

Ngelo efunya kizongona cha luma lwa kenyi, nerewukieghe andu nerekoghe ngifunga tumu, na nguwo rapo rirashukie, ngaghwa ngokoronyi, na kuighorua mikonu yapo cha kwa BWANA Mlungu wapo,

NEHEMIA 2:20

Niko ngawitumbulia, “U Mlungu wa mlungunyi uchadisimisha. Isi de wadumiki wake, nesi dichawuka diaghe sena; ela inyo ndemne hachi ya kilambo chingi Jerusalemu, hata ndemmbwadie ifungu jingi ja mawiko ghake.”

NEHEMIA 2:4

Niko mzuri ukanikotia, “Da kwakunde wada?” Nao ngamlomba Mlungu wa mlungunyi,

ZABURI 102:15

Mbari zima richamuobua BWANA; Wazuri wose wa ndoenyi wichaobua wudimi ghwake.

ZABURI 136:26

Mfunyirenyi chawucha Mlungu wa mlungunyi; lukundo lwake lukatie lwadua kwa kala.

ZABURI 137:1

Dereserieghe kidombo mbai na mbai ya meda ya Babuloni; iji derekumbukieghe Sioni aho, dikalila.

DANIELI 10:2

Matuku agho, ini Danieli ngalila kwa njumwa idadu.

DANIELI 2:18

Ukawizera wilole wughoma ghwa Mlungu wa mlungunyi aighu ya ngasu ya ndodo iyo, eri uo na wangara wake wisetotesho chiaimweri na wandu wa hikima wa Babuloni.

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

JONA 1:9

Ukawizera, “Ini ne Muebrania nani nadamtasa BWANA, Mlungu wa mlungunyi uo ubonyere bahari na ndoe iomie.”

ZEFANIA 3:18

sa wandu wiko ndimenyi.” BWANA waghamba, “Wowa ghwako ghooboa iro bugha naghumeria, na kuinja agho masholio kuduesholelwa.

WAROMA 12:15

Boilonyi andwamweri na awo wiboilwagha, lilenyi andwamweri na awo wililagha.