NEHEMIA 1:11 - Biblia Ilagho Jiboie Kwa Wandu Wose

¹¹ Degha kudu kwako kusikire malombi ghapo ini mdumiki wako na gha wadumiki wako wose wiboilwagha ni kujibonyera ishima irina jako; kunineke kusima, na ini mdumiki wako nifuilo wughoma ni m'baa wa isanga.” Ngelo iro, ni ini nerekoghe mnyoshi divei wa mzuri.

NEHEMIA 1:11 ပူးပေါင်းရင်းမြစ်များ

KUZOYA 24:42

“Niendavika kiriwenyi idime, nalombieghe sa huwu: ‘Ee BWANA Mlungu wa bwana wapo Abrahamu, ngera kwadaniboisira charo chapo,

KUZOYA 32:11

Kunikire nakulomba, kunikire nisekabo ni mwanidu, uo mwanidu Esau; angu namuobua na ndighi usechedibwagha isi diwose, wana na weke mae.

KUZOYA 32:28

Uja mundu ukamzera, “Ndekuchaawangwa Jakobo sena, ela kuchawangwa Israeli, angu kwasimana na Mlungu na wandu kukasima.”

KUZOYA 40:1

Nyuma ya maza iro, m'baa wa wadumiki wenyosha divei na m'baa wa waochi mikate, wikamkosera bwana wawo mzuri wa Misri.

KUZOYA 40:2

Mzuri ukazamilwa ni awo wabaa wa kazi wake wawi, m'baa wa wadumiki wenyosha divei, na m'baa wa waochi mikate.

KUZOYA 40:21

Ukammbunja m'baa wa wanyoshi divei kazinyi kwake, nao ukamneka mzuri kikombe mkonunyi kwake;

KUZOYA 40:23

Ela uja m'baa wa wanyoshi divei nderemkumbukieghe Josefu anduangi; oochamliwa.

KUZOYA 41:9

Nao uja m'baa wa wanyoshi divei ukamzera mzuri, “Nakumbuka makosa ghapo idime.

KUZOYA 43:14

Mlungu Uwadie-Ndighi-Rose, ndem'bonye uo mundu umfuye wughoma, ummbunjire Benjamini na uo mwanyinyu umu. Nani kamanya yaachakaia ni suti nisowekelo ni wana wapo, haya nisowekelo wokoni.”

2 MALAGHO GHA NGELO 6:40

Na idana ee Mlungu wapo, zighana, kudeghe madu ghako kwa ilombi jawuyalombwa aha.

EZRA 1:1

Mwaka ghwa imbiri ghwa kubonya nguma kwa Koreshi mzuri wa Pashia, BWANA orejikatishireghe ilagho jake ijo orejighorieghe kwa momu ghwa mlodi Jeremia. Ukam'bonya Koreshi mzuri wa Pashia, ufunye momu na kudumwa kwa maandiko andenyi ya wuzuri ghwake ghose ghupate kushomwa kwa lwaka kula andu seji inughagha,

EZRA 7:6

Uo Ezra, orejokieghe Jerusalemu kufuma Babuloni. Orekoghe mwalimu wa Sharia ukufudishire sharia ya Musa loli-loli, iyo BWANA Mlungu oreifunyireghe; mzuri ukamneka vose orelombieghe angu orekoghe na irasimio ja BWANA Mlungu wake.

NEHEMIA 1:6

Kunizighane BWANA na kusikira malombi ghapo ini mdumiki wako niwilombiagha kio na dime wadumiki wako, wandu wako Israeli. Narumiria angu isi wandu wa Israeli dabonyere kaung'a. Weke wawa wapo na ini dabonyere kaung'a.

NEHEMIA 2:1

Mori ghwa Nisani, mwaka ghwa mirongo iwi ghwa kubonya nguma kwa Mzuri Artashasta nerewadieghe divei ngamneka mzuri. Nani jingi sewoneka niko na wasi imbiri kwake sa ijo ituku.

NEHEMIA 2:8

Wokoni ngalomba barua kwa Asafu mlindiri wa msidu ghwa mzuri; eri unineke midi ebonya misumbati ya mbenge reghenda cha Hekalunyi, na reagha wurigha ghwa muzi, na nyumba iyo nichaakaia. Mzuri ukanineka malombi ghapo, angu Mlungu orekoghe chiaimweri nani.

ZABURI 106:46

Ukawibonya wakorongi wawo wiwiwonie wughoma.

ZABURI 130:2

Sikira kililo chapo BWANA. Sikiria lwaka lwa kuvoya kwapo.

ZABURI 61:5

Kwamerie kusikira maghemi ghapo ee Mlungu, kukanineka ifwa ja awo wikuobuagha oho.

ZABURI 86:6

Sikira malombi ghapo ee BWANA; sikira kililo cha kuvoya kwapo.

MAKATANISHO 1:29

Kwa kukaia morezamiloghe ni kumanya, mkalegha kumuobua BWANA.

MAKATANISHO 21:1

Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

JEREMIA 42:12

Nichammbonia inyo wughoma eri upate kummbonia wughoma, na kumsigha mkaie andenyi ya isanga jenyu jeni.’

MALAKI 3:16

Niko awo wandu wimuobuagha BWANA wikadedanya, na BWANA ukawisikiria; ukasikira malagho werekoghe wikighora imbiri kwake. Chuo cha wukumbuso ghwa awo weremuobuagha BWANA na kumneka ishima chikaandikwa.

WAEBRANIA 13:18

Mudilombie, angu isi deko na loli kukaia nia redu raelie, nesi dakunde kubonya maza rose kwa ishima.