NEHEMIA 1:1 - Biblia Ilagho Jiboie Kwa Wandu Wose

¹ Agha ni malagho ghikatishiro ni Nehemia mwana wa Hakalia. Mori ghwa Kislevu, mwaka ghwa mirongo iwi, ngelo Artashasta orebonyagha nguma Pashia, ini Nehemia nerekoghe muzi m'baa ghwa Susa.

NEHEMIA 1:1 ပူးပေါင်းရင်းမြစ်များ

EZRA 10:9

Andenyi ya matuku adadu, ituku ja mirongo iwi na ja mori ghwa ikenda, wandu wose wikaiagha Juda na Benjamini wikasea kidombo a shighadi imbiri ya Hekalu ya Mlungu wikisughusika kwa wundu ghwa agho malagho mabaa na kwa wundu ghwa vua mbaa erekoghe ikinya.

EZRA 7:7

Wokoni ugho mwaka ghwa mfungade ghwa kubonya nguma kwa Mzuri Artashasta, wandu wamu wa Israeli werejokieghe Jerusalemu chiaimweri na wakohani wamu na Walawi, na wabori, na walindiri wa Hekalu, na wadumiki wa Hekalu.

NEHEMIA 10:1

Wandu wa imbiri kungiria sahihi ni m'bonyi nguma Nehemia mwana wa Hakalia, na Zedekia.

NEHEMIA 2:1

Mori ghwa Nisani, mwaka ghwa mirongo iwi ghwa kubonya nguma kwa Mzuri Artashasta nerewadieghe divei ngamneka mzuri. Nani jingi sewoneka niko na wasi imbiri kwake sa ijo ituku.

NEHEMIA 5:14

Andenyi ya miaka yose ikumi na iwi, ngikaia m'baa wa isanga ja Juda, kufuma mwaka ghwa mirongo iwi ghwa kubonya nguma kwa Mzuri Artashasta hata mwaka ghwake ghwa mirongo idadu na iwi, ini hata kichuku chapo ndederewusireghe malipo gha vindo ivo veredifwaneghe, hasa ini sa m'baa wa isanga.

ESTA 1:2

Matuku ghaja, kifumbi chake cha nguma chedeeka Susa, nagho nigho muzi m'baa ghwa Pashia.

ESTA 3:15

Kwa nguma ya mzuri, itangazo iji jerefunyiroghe kwa wandu wose, andenyi ya muzi m'baa ghwa Susa, na watarashi wikajimarisha isangenyi kose kwa shwa-shwa. Mzuri na Hamani wikasea kidombo kunywa, ela wandu wa muzi m'baa ghwa Susa, wikakambwa ni chongo.

DANIELI 8:2

Ngawona mawono seji neeka andenyi ya muzi m'baa Susa ghuko andenyi ya isanga ja Elamu, niko kimusi kaavui na Moda ghwa Ulai.

ZEKARIA 7:1

Ituku ja kana ja mori ghwa ikenda ghuwangwagha Kislevu, mwaka ghwa kana ghwa kubonya nguma kwa Mzuri Dario, BWANA oreghorieghe na ini Zekaria.