MITALO 19:8 - Biblia Ilagho Jiboie Kwa Wandu Wose

⁸ Mundu ukoragha iyo tagho, uchaoghosha nguwo rake na kukuoghosha na machi, nao uchatalwa kukaia useelie hata luma lwa kenyi.

MITALO 19:8 ပူးပေါင်းရင်းမြစ်များ

WALAWI 11:25

na uo ose uchaadwa kipande cha gharia yaro, suti uoghoshe nguwo rake, nao utalo useelie hata luma lwa kenyi.

WALAWI 16:28

Mundu uchaavikora suti uoghoshe nguwo rake nyuma ya kuvikora, na kukuoghosha uo moni na machi, ima ungie kambinyi.

WALAWI 17:15

Na uo ose uchaaja nyamandu ifue cheni, angu ibwaghilo ni mmbao, ukaiagha ni muisanga angu mghenyi wawuyakaia aghadi konyu, uchaoghosha nguwo rake, na kukuoghosha uo moni na machi; sena uchakaia useelie hata luma lwa kenyi.

MITALO 19:21

Sharia ihi ichakaia ya matuku ghose kwawo. Uo mundu umichiragha wandu wiseelie agho machi gheelesha uchaoghosha nguwo rake; na mundu ukaghiadada agho machi gheelesha uchakaia useelie hata luma lwa kenyi.

MITALO 19:7

Niko uo mkohani uchaoghosha nguwo rake, na kukuoghosha na machi, ima konyuma ungie kambinyi; nao uchatalwa kukaia useelie hata luma lwa kenyi.

MITALO 19:9

Na mundu mweli uchakwanya ivu ja iyo tagho, na kujiwika shighadi ya kambi andu kueleshero, jichawikwa kwa wundu ghwa izungu ja wandu wa Israeli jikaie jeboisa machi gheelesha na kuinja kaung'a.