MITALO 17:3 - Biblia Ilagho Jiboie Kwa Wandu Wose

³ na mzata ghwa Lawi kughuandike irina ja Haruni. Kula kichuku chikaie na mzata ghumweri.

MITALO 17:3 ပူးပေါင်းရင်းမြစ်များ

KUFUMA 6:16

Lawi orekoghe na wadawana wadadu: Gershoni, Kohathi na Merari; niwo wabaa wa kivalwa cha Lawi. Lawi orekoghe na miaka ighana na mirongo idadu na mfungade.

KUFUMA 6:20

Amramu ukalowua mruna-ndee Jakobedi, nao ukamvaia Haruni na Musa. Amramu orekoghe na miaka ighana na mirongo idadu na mfungade.

JEREMIA 42:20

kukaia, mwakulaghashire nenyo mchakubwagha mmbeni. Morenidumieghe kwa BWANA Mlungu onyu, mkighamba, ‘Dilombie kwa BWANA Mlungu odu, na ijo jose kuchaazerwa ni BWANA Mlungu odu, nijo jeni dichaabonya.’

EZEKIELI 37:16

“Mwana wa mdamu, wada chenga cha mudi kuandike aighu yaro, ‘Kwa wundu ghwa Juda na wandu wa Israeli wikwanye,’ sena kuwade chenga cha mudi kizima kuchiandike aighu yaro, ‘Kwa wundu ghwa Josefu (ni chenga cha Efraimu) na wandu wa Israeli wose wikwanye;’

MITALO 17:2

“Ghora na wandu wa Israeli, wikuneke mizata ikumi na iwi, kula kilongozi cha kichuku chikaie na mzata ghwaro. Kula mzata kughuandike irina ja kichuku charo;

MITALO 17:4

Na oho kuiwike andenyi ya Hema ekwania imbiri ya Sanduku ya Ilaghano, andu nikwaniagha na oho.

MITALO 18:1

Nao BWANA ukamzera Haruni, “Makosa ghibonyekagha andenyi ya Hema ekwania, ghichakotelwa kwako na kwa wana wako, na kwa Walawi; ela makosa ghibonyekagha kwa wudumiki ghwa wukohani, ghichakotelwa kwako oho kuekeri, na wana wako.

MITALO 18:7

Ela oho na wana wako, mchabonya kazi ra wukohani madhabahunyi, na iro ra Andu kwa wueli kuchumbie. Wukohani ni inosi jenyu nimnekie na mndungi ukaghusoghodera, uchabwaghwa.”

MITALO 26:10

ima ndoe ikabarikagha na kuwimila chiaimweri na Kora. Ngelo iyo wandu werefueghe, na modo ghukawikora wandu maghana awi na mirongo misanu, nawo wikakaia maonyo kwa wazima.