MITALO 16:2 - Biblia Ilagho Jiboie Kwa Wandu Wose

² wikawadana na wandu maghana awi na mirongo misanu, wiko vilongozi va wandu wa Israeli wimanyikie loli loli, wikakunda kumtangala Musa.

MITALO 16:2 ပူးပေါင်းရင်းမြစ်များ

KUZOYA 6:4

Kufuma ngelo ija na konyuma, Wanefilimu werekoghe wikilowua wai wa wadamu, na kuva wana. Awo niwo wandu werekoghe mang'oni wikumikie matuku ghaja.

1 MALAGHO GHA NGELO 12:30

Wandu wa Efraimu, wikacha elfu mirongo iwi na wunyanya, mang'oni ghiwadie ndighi, ghikumikie kichukunyi mzawo.

1 MALAGHO GHA NGELO 5:24

Na wandu awa niwo werekoghe wabaa wa kichuku chawo. Eferi, Ishi, Elieli, Azrieli, Jeremia, Hodavia, na Jahdieli; mang'oni gha wuda, wandu wikumikie, wabaa wa kichuku chawo.

EZEKIELI 16:14

Sare ya kughoka kwako ikaera aghadi ya iro mbari ra wandu, kwa kukaia uko kughoka kwako korekoghe kukatie, kunughana na seji nerekuboisireghe. Ini Bwana MLUNGU naghamba.

EZEKIELI 23:10

Wandu awa weremrueghe nguwo na kumsigha duu, wikawiwada wana wake wa womi na wa waka, na kum'bwagha uo moni kwa lufu; na nyuma ya uko kutanywa kwake, ukawuya lughano kwa waka.

MITALO 1:16

Awa niwo wandu weresaghuloghe kufumanya na ijo izungu; werekoghe vilongozi va vichuku va weke wawa wawo, nawo ni wabaa wa mbari ya Israeli.

MITALO 12:1

Nao Miriamu na Haruni wikadeda kiwiwi aighu ya Musa kwa wundu ghwa kulowua muka Mkushi.

MITALO 16:35

Na modo ghukafuma kwa BWANA, ghukawikora awo wandu maghana awi na mirongo misanu werekoghe wikifukira marumba.

MITALO 26:9

na wana wake ni Nemueli, Dathani, na Abiramu. Uhu Dathani na Abiramu, niwo weni waja weresaghuloghe aghadi ya izungu, wikawadana na Kora, wikabonya nganyi na Musa na Haruni, wikimdedia BWANA kiwiwi,

MITALO 27:3

“Aba orefueghe kireti. Uo nderekoghe aghadi ya waja wandu werekwaneghe na Kora wikimtangala ela odefwa kwa kaung'a rake moni; nao nderewadieghe wana wa womi.