MITALO 12:2 - Biblia Ilagho Jiboie Kwa Wandu Wose

² Wikaghamba, “A huwo Mlungu odeghora na Musa uekeri? Kwani ndeghorie na isi wori anguwada?” Nao BWANA ukasikira.

MITALO 12:2 ပူးပေါင်းရင်းမြစ်များ

KUZOYA 29:33

Ukapata kifu sena, ukava mwana wa womi, nao ukaghamba, “Kwa kukaia BWANA wawona angu sikundo, niko wanineka uhu mwana wa womi sena.” Nao ukammbanga irina jake Simeoni.

2 SAMUELI 11:27

Hata matuku gha ifwa ghiendasia, Daudi ukaduma, na Bathsheba ukaredwa ngomenyi kwake. Nao ukammbusa ukawuya mkake, nao ukava mwana wa womi. Ela ijo ilagho jerebonyeroghe ni Daudi jikamzamia BWANA.

2 WAZURI 19:4

Kewada BWANA Mlungu wako wasikira agho malagho ghose ghaghorwa ni m'baa wa majeshi gha Ashuru, uo wadumwa ni mzuri wa Ashuru kumsholia Mlungu uko moyo, nao ughikemie agho malagho; kwa huwo lomba Mlungu kwa wundu ghwa agho masighariko gha wandu wedu.”

KUFUMA 4:14

Niko BWANA ukajokwa ni machu aighu ya Musa, ukaghamba, “Welee, mwanyinyu Haruni Mlawi ndeko aeni? Naichi angu uo wadima kudeda nicha; ola waawuyacha kukumara, nao uchaboilwa kukuwona.

KUFUMA 4:30

Haruni ukawighoria agho malagho ghose BWANA emzerieghe Musa; na Musa ukabonya weke mwakilimbiti imbiri ya wandu.

KUFUMA 5:1

Konyuma Musa na Haruni wikaghenda kwa Farao wikamzera, “BWANA, uo Mlungu wa Israeli waghora huwu, ‘Wisighe wandu wapo wighende, eri winibonyere ndima kireti.’”

KUFUMA 7:10

Niko Musa na Haruni wikaghenda kwa Farao na kubonya sa iji koni BWANA orewilaghirieghe. Haruni ukaikumba zobo yake andonyi imbiri ya Farao na wadumiki wake, nayo ikawuya choka.

MAKATANISHO 13:10

Kukujosa kwadareda marashano, ela awo wiwadagha mafundisho, weko na hikima.

ISAYA 37:4

Kewada BWANA Mlungu wako wameria kusikira malagho ghaghorwa ni Rabshake agho wadumwa ni bwana wake mzuri wa Waashuru, ghemsholia Mlungu uko moyo; nao ughikemie agho malagho ghake. Kwa huwo, kumlombe Mlungu kwa wundu ghwa masighariko gha wandu wisigharikie.’”

MIKA 6:4

Ini namredie kufuma isanga ja Misri; namkombue kufuma wuzumbenyi. Namdumie Musa, Haruni, na Miriamu umlongoze.

MITALO 11:1

Nao wandu wikazoya kumzughunukia BWANA kwa wundu ghwa wasi ghwawo. Hata iji BWANA oresikireghe, ukajokwa ni machu, na kubonya modo ghuake aghadi kwawo; nagho ghukalungura andu kumu kambinyi.

MITALO 11:29

Ela Musa ukamzera, “Kwawadwa ni iriso wulalo ghwa ini? Nawonagha nicha ngera Roho wa BWANA wadawiseria wandu wake wose wikaie walodi.”

MITALO 12:3

Uo Musa orekoghe mundu wa mboa nandighi kuchumba wandu wose werekoghe ndoenyi.

MITALO 16:3

Wikawikwanyikia Musa na Haruni, wikamzera, “Inyo mwaazidi! Kwa kukaia izungu jose ja wandu jaelie, na BWANA oko aghadi kwawo; idana mukujoseraki huwu aighu ya ikwanyiko ja BWANA?”

WAROMA 12:10

Kundanenyi mmbeni na mmbeni kwa lukundo lwa ngolonyi; kula mundu ndemtale mmbao kukaia wa imbiri kwa ishima.

WAROMA 12:3

Angu kwa ugho mvono ninekelo, namzera kula mundu uko aghadi konyu, usakekujosa uo moni kuchumba seji imfwanagha; ela ukutale karakara na seji Mlungu umnekie ijo irumirio.

WAFILIPI 2:14

Bonyenyi maza rose kuseko na mazughunuko hata nganyi ringi,

WAFILIPI 2:3

Msakebonya ilagho jingi kwa kukukunda mmbeni, angu kukunda wubaa ghwa duu; ela kwa kukusera, muwitale wambenyu kukaia wafwane kumchumba inyo.

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”