MITALO 11:12 - Biblia Ilagho Jiboie Kwa Wandu Wose

¹² Kwani ni ini niwirudishire awandu wose? Ni ini nerewivaeghe hata kunizere wei niwidukeghe laghenyi kwapo seji mleli udukagha mwana uongagha, na kuwighenja ijo isanga korelaghirieghe kuchawineka weke ndee?

MITALO 11:12 ပူးပေါင်းရင်းမြစ်များ

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

1 WATHESALONIKE 2:7

Ela derekoghe wa mboa aghadi konyu, seji kuwonagha mleli ukiwilindia wana wake.

KUFUMA 13:5

BWANA ukameria kumreda isanga ja Wakanaani, Wahiti, Waamori, Wahivi, na Wajebusi, ijo orewighemieghe weke ndeyo kukaia uchawineka, isanga jinorie nandighi; mchakaia mkibonya wudumiki ughu andenyi ya ughu mori.

KUZOYA 50:24

Nao Josefu ukawizera waruna, “Ini neko kaavui na kufwa, ela Mlungu uchamchea na kumfunya isanga iji, umghenje jija isanga oremghenjereghe Abrahamu, Isaaka na Jakobo.”

KUZOYA 26:3

Kaia aeni aha sa mghenyi nani nichakaia andwamweri na oho na kukurasimia; kwa kukaia masanga agha ghose nichakuneka oho na kivalwa chako, nani nichakatisha ighemi japo nijibonyere na ndeyo Abrahamu.

WAGALATIA 4:19

Wana wapo nimkunde, nakaia na luwawo sa lwa muka ukumbagha lufu kwa wundu ghonyu, hata Kristo uumbike andenyi konyu.

JOHANE 10:11

“Ini nuo Mlisha mucha. Mlisha mucha wadafunya irangi jake kwa wundu ghwa ng'ondi.

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

ISAYA 49:15

“Welee, muka wadima kumliwa mwana wake wa nyodonyi, hata usemmbonie wughoma mwana wa kifu chake? Awo wadima kuliwa, ela ini sichaakuliwa jingi.

KUZOYA 13:15

angu isanga iji jose kujiwonagha, nichakuneka oho na kivalwa chako kwa kala na kala.

1 WAKORINTHO 4:15

Angu hata ngera moko na waleli wengi andenyi ya Kristo, ela ndemmbwadie weke ndeyo wengi anduangi. Angu ini nawurie ndeyo andenyi ya Kristo Jesu kwa chia ya Ilagho Jiboie.

KUZOYA 24:7

BWANA, uo Mlungu wa mlungunyi orenifunyireghe nyumbenyi kwa aba, na kufuma ijo isanga nivailo, sena uo oreghorieghe nani na kunilaghira ukighamba, ‘Kivalwa chako nichachineka isanga iji,’ uo uchamkirisha malaika wake imbiri kwako, na oho kuchampatira mwana wapo muka kufuma aho.

KUFUMA 13:11

“Iji BWANA wakureda isanga ja Wakanaani, seji orekughemieghe oho na weke ndeyo; nao ukuneke,

KUFUMA 33:1

BWANA ukamzera Musa, “Fuma andu aha, andwamweri na wandu korewiredieghe kufuma Misri, kuwighenje jija isanga neremlaghirieghe Abrahamu, Isaaka, na Jakobo ngighamba angu nichajineka kivalwa chake.

2 WAZURI 10:1

Ahabu orevaeghe wana wa womi mirongo mfungade aho Samaria. Niko Jehu ukaandika barua ukaiduma kwa wabaa wose wa muzi ghwa Samaria, na wareri wose wa wana wa Ahabu, ukighamba,

2 WAZURI 10:5

Niko uo m'baa orekoghe mzighaniri wa ngome, na uo orekoghe mlindiri wa muzi, chiaimweri na vilongozi vimu wikaduma malagho kwa Jehu wikighamba, “Isi de wadumiki wako, nesi dichabonya kula ilagho kuchaakunda dibonye. Ndedichaawika mzuri ungi, deekunda oho kubonye agha kughiwonagha ghaboie.”

KUFUMA 6:8

Nani nichamreda kwa ijo isanga nereghemieghe kumneka Abrahamu, Isaaka na Jakobo jikaie ifwa jenyu. Ini ne BWANA.’”

WUKUMBUSO 1:31

na kireti wokoni. Morewonieghe BWANA ukimduka seji mundu udukagha mwana wake andu kose moreidirieghe hata mkavika aha.’