MITALO 11:1 - Biblia Ilagho Jiboie Kwa Wandu Wose

¹ Nao wandu wikazoya kumzughunukia BWANA kwa wundu ghwa wasi ghwawo. Hata iji BWANA oresikireghe, ukajokwa ni machu, na kubonya modo ghuake aghadi kwawo; nagho ghukalungura andu kumu kambinyi.

MITALO 11:1 ပူးပေါင်းရင်းမြစ်များ

KUZOYA 38:10

Ilagho ijo orejibonyereghe jikamzamia BWANA, nao moni BWANA ukam'bwagha.

2 SAMUELI 11:27

Hata matuku gha ifwa ghiendasia, Daudi ukaduma, na Bathsheba ukaredwa ngomenyi kwake. Nao ukammbusa ukawuya mkake, nao ukava mwana wa womi. Ela ijo ilagho jerebonyeroghe ni Daudi jikamzamia BWANA.

2 WAZURI 1:12

Elija ukamtumbulia, “Ikakaia ne mundu wa Mlungu, modo ndeghusee kufuma mlungunyi, ghukumerie chiaimweri na wandu wako mirongo misanu.” Niko modo ghwa Mlungu ghukasea kufuma mlungunyi, ghukammeria chiaimweri na wandu wake mirongo misanu.

AYUBU 1:16

Nao ukighora woruwu, mdumwa umu ukacha ukighamba, “Lukuwa lwasea lukakora ng'ondi na wadumiki, lukawimeria putu; nani naafufunuka ini moni niekeri nichekughoria.”

ZABURI 106:18

Modo ghukabuka aghadi ya wanughi wawo, ghukawikora awo wandu wawiwi.

ZABURI 78:21

BWANA wendasikira, ukajokwa ni machu mabaa loli loli; ukawikaba wandu wa Israeli, machu ghake ghikawuka aighu yawo,

ZABURI 78:63

Wadawana wawo werebwaghiloghe wudenyi, na wai wawo wikasowa kulowolwa.

KUFUMA 16:7

Na luma lwa nakesho mchaghuwona wubaa ghwa BWANA, angu wasikira mazughunuko ghenyu mwam'bonyera. Isi deko kii hata mudizughunukie?”

KUFUMA 16:9

Musa ukamzera Haruni, “Zera ikwanyiko jose ja wandu wa Israeli wiche wikaie kimusi imbiri ya BWANA, angu wamerie kusikira mazughunuko ghawo.”

ISAYA 10:17

Mlungu, uo uko mwengere ghwa Israeli, uchawuya modo, Uo Mweli uchawuya modo, na kumeria minjwa na mindandangoma kwa ituku jimweri.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

KILILO CHA JEREMIA 3:39

Kwaki mdamu ulalamikagha iji wakabwa kwa wundu ghwa kaung'a rake?

EZEKIELI 20:36

Sa iji koni nerewitanyireghe weke ndeyo kireti cha isanga ja Misri, ni huwo koni nichaamtanya inyo. Ini Bwana MLUNGU naghamba.

WALAWI 10:2

Niko modo ghukasea kufuma kwa BWANA, ghukawikora wikafwa imbiri ya BWANA.

NAHUMU 1:5

Mighondi yasughusika imbiri ya BWANA. Mighondi mitini yasagha imbiri yake. Ndoenyi kwasughusika imbiri yake; wurumwengu na vose viko andenyi yaro wori vasughusika.

HABAKUKI 3:5

Saka izamie yawuyaera imbiri kwake, walaghira kifwa chimnughe nanyuma.

MITALO 10:33

Nao kufuma Sinai, wandu wikadamba charo cha matuku adadu; na Sanduku ya Ilaghano erekoghe yakiria kiimbiri matuku adadu kulolia wandu andu kohoresha.

MITALO 11:18

Nao kuwizere huwu, ‘Mkueleshe mmbeni kwa wundu ghwa kesho, kwa kukaia mchaja nyama. BWANA wasikire mkilila na kughamba wei mnekwa nani nyama muje, na kedi morekoghe nicha na ndighi iji morekoghe Misri. Kwa huwo BWANA uchamneka nyama muje.

MITALO 12:2

Wikaghamba, “A huwo Mlungu odeghora na Musa uekeri? Kwani ndeghorie na isi wori anguwada?” Nao BWANA ukasikira.

MITALO 14:2

Wandu wose wa Israeli wikawizughunukia Musa na Haruni, wikighamba, “Si nicha derefuyagha Misri angu aha eni kireti!

MITALO 14:22

mndungi wa awo wighuwonie wubaa ghwapo, na weke mwakilimbiti wapo niwibonyere Misri na aho kireti, nawo wikanitima agha mando ikumi wikilegha kulusikira lwaka lwapo,

MITALO 14:27

“Iji izungu ja wandu wawiwi jidua jikinizughunukia hata lii? Nasikire seji wandu wa Israeli, winizughunukiagha.

MITALO 14:28

Wizere huwu, ‘Naghema sa iji niko moyo agho malagho mwaghora ngisikira nicham'bonyera wokoni;

MITALO 16:11

Inyo mmanye mwaawuyalwa na BWANA; kwani Haruni nani, mumzughunukiagha?”

MITALO 16:35

Na modo ghukafuma kwa BWANA, ghukawikora awo wandu maghana awi na mirongo misanu werekoghe wikifukira marumba.

MITALO 17:5

Na mzata ghwa mundu nimsaghuagha, ghuchabusa malemba. Kwa chia iyo, nichanyamirisha mazughunuko gha wandu wa Israeli wawuyamzughunukia.”

MITALO 21:5

Nawo wikadeda kiwiwi aighu ya Mlungu na Musa wikighamba, “Kwaki koredifunyagha Misri na kudireda dichefuya kireti? Vindo ndeviko, machi ndeghiko, nesi dakoja ivi vindo va kisha.”

1 WAKORINTHO 10:10

Hata disakezughunuka, sa iji wamu wawo werebonyereghe; wikatoteshwa ni uja M'bwaghi.

WUKUMBUSO 25:18

Seji wemkabieghe chienyi, ingelo morekoghe mwasilwa kaavui na kufwa; wikabwagha wandu wose werekoghe na nyuma; hata ndeweremuobueghe Mlungu anduangi.

WUKUMBUSO 32:22

Nichajokwa ni machu sa lumu lwa modo nani nichakora kula kilambo ndoenyi. Ghuchasea hata Andu kwa Wafu, na kumeria miri ya mghondi.

WUKUMBUSO 9:22

“Wokoni moremshekerieghe BWANA ukajokwa ni machu aja Tabera, na Masa na Kibrothi-hataava.

WAEBRANIA 12:29

angu Mlungu odu, ni modo ghubirie, ghulunguragha.

JAKOBO 5:4

Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.

JUDA 1:16

Wandu awa ni wezughunuka, ndewikatwagha, winughagha bea rawo reni, widedagha malagho mabaa gha kukukasa, na kusesea-sesea wandu, wikupatire weni fwaida.