MIKA 7:9 - Biblia Ilagho Jiboie Kwa Wandu Wose

⁹ Kwa kukaia nim'bonyere BWANA kaung'a nichaghirumaghia machu gha kubia kwake, hata unidederie na kunitanya. Uchanireda mwengerenyi, nani nichakuwona kukia kwake.

MIKA 7:9 ပူးပေါင်းရင်းမြစ်များ

2 SAMUELI 24:17

Daudi uendammbona uja malaika ototesha ukamzera BWANA, “Ola mkosa ni ini, ni ini nabonya kaung'a, ela awandu wabonya wada? Nakulomba kunikabe ini na nyumba ya aba.”

AYUBU 23:10

Elaima Mlungu waichi mighendo yapo; ukameria kunitima, nichawoneka nielie sa dhahabu.

AYUBU 35:14

Ni kuchumba saki iji kughambagha ndekuwuemmbona; na wei maza rako warimanya to, na kedi mwandu ghwako waghumanya to kummbeserie.

ZABURI 119:154

Kunidederie na kunikombua; kunikaishe moyo kunughana na ilaghiro jako.

ZABURI 37:6

Uchaibonya hachi yako iwoneke sa mwengere, na loli yako ichawoneka sa mwengere ghwa dime ghadi.

ZABURI 43:1

Kunitale kukaia na hachi ee Mlungu, kunidederie imbiri ya wandu wisekuichi; kunikire na wandu wa mikalo na awo wisewadie hachi.

ZABURI 7:6

Wuka kwa machu ghako ee BWANA, wuka kutangale lubio lwa wamaiza wapo. Wuka ee Mlungu wapo, kuwikie kutanya.

ZABURI 94:15

Hachi ichafunukulwa ni Watanyi, na wandu wa ngolo ndicha wichainugha.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

ISAYA 42:7

Kupate kutambua meso gha vitungure, na kufungua wafungwa wifume kifungonyi, na awo wiko kirenyi wipate kufunguka.

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ISAYA 51:22

BWANA, uo BWANA Mlungu wako ukudederiagha waghamba huwu, “Ola icho kikombe chawuyakutatarisha nameria kuchiinja mkonunyi kwako, ndekuchaanywa icho kikombe cha machu ghapo sena anduangi.

ISAYA 56:1

BWANA wawizera wandu wake huwu: “Wadienyi loli m'bonye hachi, angu kukia kwapo kuchacha kafwani; nako kuchafunukuka worinyi.

JEREMIA 10:19

Wandu wa Jerusalemu wikakema, “Ni bugha kodu kwa wundu ghwa kushoghonoka kodu! Chonda chedu ndechiboagha. Nesi dereririkanyeghe ughu ni wasi, didimagha kughurumaghia.

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

JEREMIA 51:10

BWANA waghamba, “Wandu wapo waghamba, ‘BWANA wamerie kudidederia; nndokonyi dighore kazi ra BWANA Mlungu odu andenyi ya Jerusalemu.’”

KILILO CHA JEREMIA 1:18

“BWANA ni mhachi ni ini nimleghie. Nisikirenyi inyo wandu andu kose muko mmbone wasi ghwapo. Wandu wapo wa irika na wai wapo wadwalwa wunyika.

WALAWI 26:41

nani ngawilegha na kuwireda andenyi ya isanga ja wamaiza wawo; wikaghaluka ngolonyi kwawo na kukusera, hata wiboise makosa ghawo,

MALAKI 3:18

Niko aho mchaamanya kuwitambua awo wiko na hachi na awo wawiwi; aghadi ya uo unidumikiagha, na uo usenidumikiagha.”

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

2 TIMOTHEO 4:8

Na idana nawikilwa kirumbu cha hachi, icho nichaanekwa ni Bwana uo Mtanyi wa hachi jija Ituku; hata si ini moni niekeri anduangi, ela uchawineka awo wose wikundagha kuja kuwoneka kwake.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

1 SAMUELI 24:15

BWANA ndeditanye na kufunya hachi aghadi yapo na oho, uzighane nao unidederie, na kunikira kusenibonye kiwiwi.”

1 SAMUELI 25:39

Daudi uendaghorelwa kukaia Nabali wafue, ukaghamba, “BWANA ndekaso, uo wanilipia kisasi kwa wundu ghwa agho nibonyero ni Nabali; nao wanilindia ini mdumiki wake nisebonye kiwiwi; BWANA wammbunjira Nabali ugho wuwiwi ughubonyere aighu kwake moni.” Niko Daudi ukaduma momu ghomchumbia Abigaili, eri upate kumlowua.

1 SAMUELI 26:10

Nao Daudi ukaghamba, “Sa iji BWANA ukaiagha moyo, uchamkaba moni, angu ituku jake jefwa jivika, angu kewada ungie wudenyi nao ufue aho.

1 SAMUELI 3:18

Niko aho Samueli ukamghoria agho ghose oreghoreloghe ni BWANA, hata nderemvisireghe ilagho jingi anduangi. Nao Eli ukaghamba, “Uo ni BWANA, ndebonye sa iji koni wawona nicha moni.”