MIKA 7:2 - Biblia Ilagho Jiboie Kwa Wandu Wose

² Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

MIKA 7:2 ပူးပေါင်းရင်းမြစ်များ

ZABURI 10:9

na kulaliria sa shimba ikuvisire, upate kummbwada iji wangia mdeghonyi ghwake.

ZABURI 12:1

BWANA ditesie, ndekuwadie mndungi mucha uduagha. Wandu waloli ndewiduagha wandunyi anduangi.

ZABURI 12:2

Wiaghoriana tee weni na weni. Waja malagho gha mikalo, na kukaia na ngolo eja kuwi.

ZABURI 57:6

Wamaiza wapo weredeghieghe nyavu eniwada, ngakaia na wasi m'baa. Wakotere kina andu niidiriagha, ela wikachunuka weni andenyi yaro.

MAKATANISHO 1:11

Wikakuzera, “Choo diendelaliria mndumu dim'bwaghe! Ndedimmbwadie dimkabe mundu usewadie ikosa jingi.

MAKATANISHO 12:6

Madedo gha wawiwi ghadabwagha wandu, ela madedo gha wandu wecha ghadakira wandu.

ISAYA 3:5

Wandu wichakorongana weni na weni, kula mundu na mmbao, na kula mundu na mmbenyu; wandu wa irika ndewichaawitala waghosi, na awo wa ndonyi ndewichaawitala wabaa.

ISAYA 57:1

Mundu wa hachi waawuyatota, na mndungi ndetalagha; wandu wimuobuagha Mlungu waawuyafwa wurumwengunyi, na mndungi ndetambukilwagha. Kwa kukaia mundu wa hachi waafunywa wasinyi,

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

ISAYA 9:19

BWANA wajikora isanga kwa wundu ghwa machu ghake, na wandu wakaia sa mbande, hata ndekuwadie mndungi ummboniagha mruna wughoma anduangi.

JEREMIA 16:16

“Olenyi nichadumiria wawadi samaki wengi nawo wichawiwada awo wandu; konyuma nichadumiria wadiwi, nawo wichawidiwa awa wandu kula mghondi na kula mghondi mtini, hata na chukororonyi ra magho.

JEREMIA 5:16

Zaka yawo eeka sa kaburi iko iari; wandu waro wose ni awo wiko na ndighi.

JEREMIA 5:26

“Wandu wawiwi wawoneka aghadi ya wandu wapo, wadalaliria karakara na wadeghi wideghagha na kulaliria wikiwesera. Wadadegha mdegho na kuwada wandu.

JEREMIA 8:6

Nasikirie nao ngasikira, ela ndewiwadie wuloli ghungi. Mndungi ndewuehea wuwiwi ghwake, ughambe, ‘Nabonya wada huwu?’ Kula umu uaghenda kwa chia rake reni, kara kara na farasi ikimbiagha cha wudenyi.

KILILO CHA JEREMIA 4:18

Dikachuria kuweseria wutesia kufuma kwa mbari iserekoghe na wutesia ghungi, ndederedimieghe kufuma hata chienyi koni. Matuku ghedu ghedesia; kutua korekoghe kwavika.

EZEKIELI 22:12

Andenyi kwako wandu wamu wadatuwa wibwaghe wandu. Mwadaboilwa kuwivara wambenyu fwaida kwa kuwikoronga, nenyo mwaniliwa ini Bwana MLUNGU.

EZEKIELI 24:6

Bwana MLUNGU waghamba huwu, “Ni bugha kwa muzi ghwa wandu wibwagha wandu; ghoofwanana na nyungu iwadilo ni ngama nandenyi, ichue ngama iseoghoshero jingi. Funyenyi nyama kipande kipande kuseko na kusaghua.

HOSEA 5:1

“Sikirenyi agha inyo wakohani! Sikirenyi agha ee wandu wa Israeli! Sikirenyi inyo wandu wa kinyumba cha wuzuri! Kutanya uku ni aighu enyu; kwa kukaia mwamerie kuwuya mdegho kwa Mispa, nyavu ideghelo aighu ya Mghondi ghwa Tabori,

HOSEA 6:9

Wakohani weeka sa vitoi vilaliriagha mundu. Wadabwagha hata achienyi ya wueli eghenda Shekemu. Wadabonya maza iri rose mbiwi kwa kidali tu.

MIKA 2:8

BWANA watumbulia, “Inyo mwadawikaba wandu wapo seji ni wamaiza. Wandu wawuya kufuma wudenyi wikighesha wichakaia na sere mzinyi, ela wichasoka wandu makoti ghawo.

MIKA 3:10

Mwaawuyaagha Jerusalemu muzi ghwa Mlungu aighu ya msingi ghobwagha na kusowa hachi.

MIKA 3:2

Ela inyo mwadazamilwa ni ijo jiko icha, na kuchikunda icho chiko kiwiwi. Mwawisicha wandu wapo wiko wimoo sa mchinji na kukonua nyama maindinyi kwawo.

ZEKARIA 11:6

(BWANA waghamba, “Sichaakaia na wughoma ghungi na wandu wa isanga iji. Nichawika kula mundu aisi ya nguma ra m'baa wake. Wabaa wichakoronga ndoenyi, nani sichaakira ungi wawo na ndighi rawo anduangi.”)

MABONYO GHA WADUMI 24:9

Wayahudi wikawadana wikirumiria kukaia malagho agho ghose ni loli.

1 SAMUELI 24:11

Wona nga aba, kidambi cha nguwo yako hechi! Kuwone loli seji neredimagha kukubwagha, ela ngadumbua tu kidambi cha nguwo yako, eri kuwonemanya kukaia sina ilagho jingi na oho, hata nia ingi ekubonya kiwiwi. Ini sibonyere kaung'a ingi hata ngera oho kwawuyanidiwa kupate kunifunya irangi.

1 SAMUELI 26:20

Kwa huwo idana, kusakenibwagha andenyi ya isanga jiseko na Mlungu; kwaki mzuri wa Israeli uchaabwagha sawa sa ini? Kwaki kunidiwagha sa mundu udiwagha ngwale mighondinyi?”