MIKA 7:19 - Biblia Ilagho Jiboie Kwa Wandu Wose

¹⁹ Kuchadiwonia wughoma sena. Kucharifasha-fasha kaung'a redu aisi ya maghu, na kurikumba baharinyi imilie.

MIKA 7:19 ပူးပေါင်းရင်းမြစ်များ

2 SAMUELI 24:14

Nao Daudi ukamzera Gadi, “Nakaia na wasi m'baa; ni baa ningie mikonunyi kwa BWANA, angu uo uko na wughoma m'baa ela nisengie mikonunyi kwa mdamu.”

ZABURI 103:12

Wadadiinjira kaung'a redu rikaie kula nesi, sa mashariki na magharibi.

ZABURI 130:8

Uchawikira wandu wake Israeli na kaung'a rawo rose.

ZABURI 85:3

Kwasighie kubia kwako kose, kukahoresha machu ghako mabaa.

ISAYA 33:24

Ndekuchaakaia na mndungi isangenyi ughoragha wei, “Neeka mkongo”; kwa kukaia wandu wichaakaia aho, wichalekelwa mawiwi ghawo.

ISAYA 38:17

Ola wasi ghwapo ghwaniredia mecha; kwa kunikunda, kwanilindirie nisechunuke andenyi ya kina cha kunoneka, kwa kukaia kwainjire kaung'a rapo rose kuseriwoneghe.

ISAYA 43:25

Ini ne Mlungu, uo uinjagha makosa ghako kwa wundu ghwa irina japo, nani sichaarikumbuka kaung'a rako sena anduangi.

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

JEREMIA 33:8

Nani nichawielesha wuwiwi ghwa kaung'a yawo yose winibonyere, na kuwifuya wughoma kaung'a rawo rose na kuja kunilegha kwawo.

JEREMIA 50:20

Matuku agho na ngelo iyo, wandu wichalola wuwiwi andenyi ya Israeli wiisowe; wichalola kaung'a andenyi ya Israeli wighusowe; wichalola kaung'a andenyi ya Juda, nawo ndewichaaiwona, kwa kukaia nichawifuya wughoma awo nichaawisighara.”

KILILO CHA JEREMIA 3:22

Lukundo lwa BWANA lukatie ndelusiagha, na wughoma ghwake ndeghuwadie kutua kungi anduangi.

KILILO CHA JEREMIA 3:32

Wadima kudiredia wasi, ela kwa loli wadikunde putu.

EZEKIELI 18:22

Ndekuwadie ikosa jingi jake jichaakumbukwa, ja agho mawiwi ghose oreghibonyereghe, ela uchadua moyo kwa wundu ghwa hachi yake uibonyere.

EZEKIELI 39:29

hata sichaaleka kuwizighana sena, iji nadia Roho wapo kwa wandu wa Israeli. Ini Bwana MLUNGU naghamba.”

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

HOSEA 14:4

BWANA waghamba, “Nichawiwunja wandu wapo cha kwapo. Nichawikunda kwa ngolo yapo yose; hata sichaakaia na machu nawo sena anduangi.

ZEKARIA 3:4

Malaika ukawizera wambao werekoghe kimusi imbiri kwake, “Mruonyi iro nguwo rilue.” Ukamzera Joshua, “Ola nakuinjira kaung'a yako, nani nichakurusha nguwo ra zoghori mbaa.”

WAROMA 6:14

Angu kaung'a ndeichaabonya nguma aighu yenyu anduangi, kwa kukaia ndemduagha aisi ya Sharia, ela moko aisi ya mvono.

WAROMA 8:13

angu mkakaia moyo mkighenda seji mumbi ghukundagha mchafwa; ela mkaghibwagha mabonyo gha mumbi kwa Roho, mchakaia moyo.

WUKUMBUSO 30:3

BWANA Mlungu onyu uchamfuya wughoma. Uchammbunja mfume kwa iro mbari oremsaghisireghe, na kummbunjira mecha ghenyu sena.

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.

WUKUMBUSO 32:36

BWANA uchawivuvua wandu wake, ukawona wameria kusirilwa ni ndighi putu. Uchakaia na wughoma kwa awo wawuyamdumikia.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAEBRANIA 8:12

Angu nichawifuya wughoma makosa ghawo, na kaung'a rawo sichaarikumbuka sena anduangi.”

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.