MIKA 7:18 - Biblia Ilagho Jiboie Kwa Wandu Wose

¹⁸ Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

MIKA 7:18 ပူးပေါင်းရင်းမြစ်များ

KUZOYA 4:7

Welee, kukabonya nicha ndekurumirilwagha? Iji kusebonyere nicha, kaung'a eko aeni, nayo yawuyakulaliria mnyangonyi ikikulola, yaawuyakukunda; ela suti kuisime.”

1 WAZURI 8:23

ukaghamba, “Ee BWANA Mlungu wa Israeli, ndekuwadie Mlungu ungi uko sa oho mlungunyi aighu, hata andoenyi na kosi uo ukatishagha ilaghano jake na lukundo lwake lukatie kwa wadumiki wake awo wimnughagha kwa ngolo rawo rose.

2 MALAGHO GHA NGELO 30:9

Angu mkamghalukia BWANA, wanyinyu na wana wenyu wichafuilwa wughoma ni awo wiwidwae wunyika na kuwisigha wijiwurie iji isanga. Angu BWANA Mlungu onyu ni mucha na wa wughoma, mkamghalukia, ndechaammbikia mghongo.”

2 MALAGHO GHA NGELO 6:21

Kusikire kuvoya kwa mdumiki wako na kwa wandu wako Israeli iji wakalomba wikilangaya andu aha, ee, kusikire kufuma mlungunyi andu kukaiagha; na iji kwasikira, kufuye wughoma.

NEHEMIA 9:17

Wereleghieghe kusikira; wikaliwa agho ghose kuwibonyere; wikaliwa awo weke mwakilimbiti korewibonyereghe; wikakusaghuya kilongozi owiwunja Misri kwa lukaso lwawo, wipate kuwuya wuzumbenyi. Ela oho ko Mlungu wa wughoma, kuchuagha mvono na lukundo, kusebonyagha machu shwa-shwa. Wughoma ghwako ni m'baa, hata ndekorewileghieghe anduangi.

ZABURI 103:13

Sa iji koni ndee wana uwiwoniagha wana wake wughoma, niko koni BWANA uwiwoniagha wughoma awo wimuobuagha.

ZABURI 130:4

Ela kwadadifuya wughoma, dipate kukuobua oho.

ZABURI 35:10

Nani nichaghora kwa ngolo yapo yose, “Nani uko sa oho ee BWANA? Kwadamkira mnyonge na uo umchumbie ndighi, na uo usene kindo chingi, kwadamkira na uo umsokagha.”

ZABURI 65:3

kwa wundu ghwa kaung'a. Iji deresimiloghe mawiwi ghedu, koredifuyeghe wughoma.

ZABURI 65:4

Warasimilwa wandu kuwisaghuagha na kuwireda kaavui wikaieghe wazenyi kwako. Dichakatwa ni vilambo vicha va nyumbenyi kwako, iyo Hekalu yako ya wueli.

ZABURI 71:19

Hachi yako ee Mlungu, yavika koighu mawingunyi. Nani uko sa oho ee Mlungu, kubonyere malagho mabaa huwu?

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

ZABURI 86:5

Oho koko mucha kufuyagha wughoma ee BWANA; kwadua na lukundo lukatie kwa wose wikuwangiagha.

ZABURI 89:6

Nani uko mlungunyi udimagha kufwananishwa na BWANA? Nani wa awo wiko mlungunyi ufwanane nao?

ZABURI 89:8

Ee BWANA Mlungu wa majeshi, nani uko na ndighi sa oho ee BWANA; oho koko mloli kwa maza rose.

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

KUFUMA 34:9

Nao ukaghamba, “Ikakaia loli kuboilwagha ni ini ee BWANA, nakulomba kughendanye andwamweri nesi; awa ni wandu wighilikie loli, ela kudileke mawiwi ghedu na kaung'a edu; kurumirie kudiwusa dikaie wandu wako weni.”

ISAYA 1:18

BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

ISAYA 33:24

Ndekuchaakaia na mndungi isangenyi ughoragha wei, “Neeka mkongo”; kwa kukaia wandu wichaakaia aho, wichalekelwa mawiwi ghawo.

ISAYA 38:17

Ola wasi ghwapo ghwaniredia mecha; kwa kunikunda, kwanilindirie nisechunuke andenyi ya kina cha kunoneka, kwa kukaia kwainjire kaung'a rapo rose kuseriwoneghe.

ISAYA 40:18

Idana, Mlungu kuchamfwananisha nani? Angu kwadima kughora wafwane wada?

ISAYA 40:25

Mlungu Mweli ufwananishwa nani? Oko ungi ufwanane nao?

ISAYA 43:25

Ini ne Mlungu, uo uinjagha makosa ghako kwa wundu ghwa irina japo, nani sichaarikumbuka kaung'a rako sena anduangi.

ISAYA 44:22

Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

ISAYA 57:10

Mwakusirishire ndighi mmbeni mkighenda, hata huwo ndemchesilwa ni ndighi mghambe, “Ni kazi ya duu,” ela mkakufungisha ndighi, hata ndemoresiriloghe anduangi.

ISAYA 57:16

Sichaasimana na wandu matuku ghose, hata sichaakaia na machu ngelo rose anduangi; angu mdamu wadima kudumbuka imbiri kwapo, uo uko na miruke icheni nereibonyereghe.

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

ISAYA 64:9

Kusebonye machu putu ee BWANA, hata kusakekumbuka mawiwi ghedu kwa kala. Zighana, kudimanye kukaia diwose isi deko wandu wako.

ISAYA 65:19

Jerusalemu ichaniboia, na wandu wapo wichaniboia; lwaka lwa kulila ndeluchaasikirika kwawo, hata kililo na wasi ghungi ndeghuchaakaia anduangi.

JEREMIA 3:12

Ukaniduma nighende nimzere Israeli huwu: “Wuya ee Israeli kuseko mloli, Sichaakuvaia machu sena, kwa kukaia ini ne wa wughoma, sichaakaia na machu kwa kala anduangi.

JEREMIA 3:5

ndekuchakaia na machu matuku ghose, hata ndekuchaazamilwa ni ini kwa kala na kala.’ Israeli, huwo niko kwawuyaghora, ela sena kwaawuyabonya wuwiwi ugho ghose kughudimagha.”

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

JEREMIA 32:41

Nichaboilwa kuwibonyera mecha, nani nichawimangisha andenyi ya iji isanga, kwa ngolo yapo yose na kwa roho yapo yose.

JEREMIA 33:8

Nani nichawielesha wuwiwi ghwa kaung'a yawo yose winibonyere, na kuwifuya wughoma kaung'a rawo rose na kuja kunilegha kwawo.

JEREMIA 38:8

Ebedi-meleki ukafuma aho ngomenyi kwa mzuri, ukaghenda na kumzera mzuri,

JEREMIA 50:20

Matuku agho na ngelo iyo, wandu wichalola wuwiwi andenyi ya Israeli wiisowe; wichalola kaung'a andenyi ya Israeli wighusowe; wichalola kaung'a andenyi ya Juda, nawo ndewichaaiwona, kwa kukaia nichawifuya wughoma awo nichaawisighara.”

JEREMIA 9:24

Ela uo ukukasagha ndekukase kwa ilagho iji: kukaia, wawuyaelelwa na kunimanya ini angu ne BWANA uo ubonyagha lukundo lukatie, loli na hachi ndoenyi; kwa kukaia ini nadaboilwa andenyi ya maza iro.”

EZEKIELI 18:23

Kwani naboilwagha ni kifwa cha mndungi mmbiwi? Waghamba Bwana MLUNGU. Kuchumba nandighi nakunde ughaluke na kusigha wuwiwi ghwake, ukaie moyo.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

EZEKIELI 33:16

Ndekuwadie ingi ya kaung'a rake oreribonyereghe ichaakumbukwa. Wabonyere agho ghiko gha loli na gha hachi, nao loli uchakaia moyo.

DANIELI 9:9

Oho Bwana Mlungu odu ko wa wughoma, kulekagha makosa, hata ngera dakuleghie.

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

HOSEA 14:5

Nichakaia kwa wandu wa Israeli, sa vua kwa ndoe iomie wichaghoka sa maua; wichadunga miri sa midi ya Lebanoni.

JOELI 2:32

Ela uo uchaalomba wutesia ghwa BWANA uchakia. Na seji BWANA ughambie, ‘Weko wamu andenyi ya Jerusalemu wichaafufufunuka, awo niwisaghue wichakaia moyo.’”

AMOSI 1:11

BWANA waghamba, “Wandu wa Edomu wabonyere kaung'a sena na sena; kwa wundu ugho nichawikaba. Werewiwingieghe waruna Waisraeli, hata ndewerewiwonieghe wughoma. Machu ghawo ndegherekoghe na kipimo, ghisesiagha.

AMOSI 7:8

Nao BWANA ukanizera, “Kwawuyawona kii Amosi?” Ngamtumbulia, “Naawuyawona kabiro.” Niko BWANA ukaghamba, “Ola naawuyatumia kabiro kuwonyera kukaia aghadi ya wandu wapo Israeli weekomeka sa wurigha, sichaawisigha nisewikabie anduangi.

AMOSI 8:2

Nao ukaghamba, “Kwawuyawona kii Amosi?” Nani ngatumbulia, “Naawuyawona kikapu cha matunda ghiwurue.” Niko BWANA ukanizera, “Kutua kwa wandu wapo Israeli kwameria kuvika; sichaawilekia sena anduangi.

JONA 4:2

Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

MIKA 2:12

“Ela nichamkwanya chiaimweri inyo wandu wa Israeli wisigharikie. Nichamtumbanya chiaimweri sa ng'ondi riwuyagha iranunyi. Isanga jenyu jichachulwa ni wandu sena, sa wungi ghwa ng'ondi riko mlambenyi.”

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

MIKA 5:3

Kwa huwo BWANA uchawikumba Waisraeli mikonunyi kwa wamaiza wawo, hata ivike ngelo ya uo uchamva uo mwana, na wamzawo wiko wubarishonyi kuwadanishwa na wambao.

MIKA 7:14

Lisha wandu wako kuwisaghue kumoni BWANA. Hata ngera wakaie wisasarikie noko cha kireti, jeko isanga jinorie jiwimare mbai mbai. Wisighe wije malisho ghinorie gha Bashani na Gileadi seji werebonyagha kala.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

MITALO 23:21

Uo ndewonie mzwana ghungi ghuzamie kwa Jakobo, hata kuwona wasi ghungi kwa Israeli anduangi. Uo BWANA Mlungu wawo oko andwamweri nawo, na mzuri m'baa wawuyaghora aghadi kwawo.

LUKA 15:32

Ni hachi putu kubonya maseko na kuboilwa, angu uhu mwanyinyu orekoghe ufue, nao hoyu oko moyo; orekoghe ulagharie, nao idana wawoneka.’”

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

WAROMA 11:4

Ela Mlungu wamtumbulie wada? “Neko na wandu elfu mfungade wisemdungie Baali ngokoro.”

WUKUMBUSO 33:26

Wandu wa Israeli, ndekuwadie mlungu ghungi ghuko sa Mlungu onyu, uidagha mlungunyi kwa wubaa ghwake, uidagha aghadi ya mawingu upate kumvuvua.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

WATANYI 10:16

Wikainja milungu ya kighenyi kufuma kwawo, wikamdumikia BWANA; nao ukawawa kwa wundu ghwa wasi ghwa Waisraeli.