MIKA 7:14 - Biblia Ilagho Jiboie Kwa Wandu Wose

¹⁴ Lisha wandu wako kuwisaghue kumoni BWANA. Hata ngera wakaie wisasarikie noko cha kireti, jeko isanga jinorie jiwimare mbai mbai. Wisighe wije malisho ghinorie gha Bashani na Gileadi seji werebonyagha kala.

MIKA 7:14 ပူးပေါင်းရင်းမြစ်များ

ZABURI 100:3

Manyenyi kukaia BWANA ni Mlungu, nuo orediumbieghe, nesi de wake; de wandu wake, na ng'ondi ra malisha ghake.

ZABURI 143:5

Nakumbuka matuku ghiidie; naghiririkanya ghose kubonyere naghikumbuka mabonyo ghako ghose.

ZABURI 28:9

Kira wandu wako ee BWANA, kujirasimie ifwa jako; kukaie mlisha wawo, kuwidukeghe matuku ghose.

ZABURI 95:7

Uo ni Mlungu odu, nesi de wandu wa malisha ghake, na ng'ondi urilindiagha. Mkasikira lwaka lwake idime,

KUFUMA 33:16

Angu ichamanyika wada ngera loli kwaboilwagha ni ini na wandu wako? Welee, si iji oho kwaghendanya nesi, siko aho dichaamanyika nicha ini chiaimweri na wandu wako, kwa wandu wose wiko ndoenyi anguwada?”

LUMBO 4:1

Kwaghokie kwaki huwu mkundwa! Meso ghako gheeghoka sa gha iringo a pazienyi kwako. Iridia jako jaawuyamichika sa iranu ja mburi, riseagha a lughongonyi lwa Gileadi.

ISAYA 27:13

Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

ISAYA 35:2

jichafunya mboi kwa wungi, na kuboilwa; jikizuma na kubora. Ijo ikara jichaghoka sa mighondi ya Lebanoni, na kuboa sa mbuwa ra Karmeli na Sharoni. Wandu wose wichaghuwona wubaa ghwa BWANA na ndighi ra Mlungu odu.

ISAYA 37:24

Kwadumie wadumiki wako winiseke ini BWANA, kukaghora wei kwajokie mighondinyi na magare ghako; kukajoka hata koigu Lebanoni, kukaghusha iyo misida yake milacha na iyo misumbesu yake iboie; kukajoka hata andu kwaro kwa ighu hata kondenyi msidunyi ghwake ghukambie.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 49:10

ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

ISAYA 65:10

Sharoni ichawuya andu kolishira ng'ondi, na Vololo ya Akori ichawuya andu kodimishira ng'ombe ra wandu wapo werenilolieghe.

JEREMIA 49:31

“Wukenyi mkabe iyo mbari yawuyakuhoresha na kukurumiria cheni; iyo isewadie mbenge hata mirigho ingi, iyo ikaiagha iekeri.

KILILO CHA JEREMIA 1:7

Wandu wa Jerusalemu wakumbuka kuboa kwa muzi ghwawo kwa kala ngelo wiko matirironyi. Ngelo werewadiloghe ni wamaiza, ndekorekoghe na mndungi owitesia. Wandu wiwisimie wikaseka kwa kughwa kwawo.

KILILO CHA JEREMIA 5:21

Diwunje kwako BWANA, diwunje kwako! Diwunjire wubaa ghodu ghwa kala.

EZEKIELI 36:11

Nichawibonya wandu na nyamandu richurikie aighu yenyu, naro richava na kuchurikia, nenyo mchakailwa ni wandu sa iji koni morekoghe imbiri; nani nicham'bonyera mecha kuchumba imbiri. Niko mchamanya kukaia ini ne BWANA.

WALAWI 27:32

Ifungu ja ikumi ja mfugho rose, na ja nyamandu riko aisi ya mlisha, ni ja BWANA.

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

OBADIA 1:19

“Wandu wa Juda ya kusinyi wichawusa Edomu; wandu wifumie kirimba cha mighondi ya magharibi, wichawusa isanga ja Wafilisti; Waisraeli wichawusa masanga gha Efraimu na Samaria; na wandu wa Benjamini wichawusa Gileadi.

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

ZEFANIA 3:13

Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”

ZEKARIA 10:10

Nichawireda kufuma Misri na Ashuru, na kuwivikisha mzinyi isangenyi kwawo koni. Nichawikaisha Gileadi na Lebanoni, na isanga jose jichachulwa ni wandu.

ZEKARIA 11:7

Awo wandu wereghueghe na kuuza ng'ondi wikaniandika kazi; ngawuya mlisha wa ng'ondi riendaabwaghwa. Ngawada vangu viwi; chimu ngachiwanga “Mvono” na chimu ngachiwanga “Wumweri.” Ngalisha ng'ondi.

MALAKI 3:4

Niko mafunyo ghichaafunywa ni wandu wa Juda na Jerusalemu ghichaam'boia BWANA sa kala.

MITALO 23:9

Angu nammbona niko koighu mighondinyi namzighana niko aighu ya mighondi mitini. Hawaja ni wandu wikaiagha wiekeri, hata ndewikutalagha weni andwamweri na mbari zima.

MITALO 32:1

Wandu wa kivalwa cha Reubeni na cha Gadi, werekoghe na izungu ibaa ja mfugho; nawo werezighanireghe wikawona angu isanga ja Jazeri na isanga ja Gileadi jafwane kwa mfugho.

MITALO 32:4

ijo isanga BWANA orejikabieghe imbiri ya izungu ja wandu wa Israeli, ni isanga ja mfugho; na isi wadumiki wako deko na mfugho.”

MATHAYO 2:6

‘Oho Bethlehemu wa Isanga ja Juda, ndekuko mtini putu aghadi ya vilongozi va Juda; kwa kukaia kwako uchafuma kilongozi, uchaawighenja wandu wapo Israeli.’”

JOHANE 17:16

Awo ndewiko wa wurumwengunyi, sa iji koni ini niseko wa wurumwengunyi.

WUKUMBUSO 33:28

Kwa huwo inyo kivalwa cha Jakobo mduo moyo kwa sere mkaie banana andenyi ya isanga ja viro na divei, andu mami gha mawingunyi ghinyosheragha ndoe.