MIKA 7:10 - Biblia Ilagho Jiboie Kwa Wandu Wose

¹⁰ Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

MIKA 7:10 ပူးပေါင်းရင်းမြစ်များ

2 SAMUELI 22:43

Nawikabie ngawifasha wikawuya sa teri ya ndoe; nerewifashireghe na kuwichandiria sa mazozo gha chienyi.

ZABURI 109:29

Washitaki wapo ndewiinjiro ishima, wiro waya ghwawo sa ikoti.

ZABURI 115:2

Kwaki iro mbari ridizeragha, “Mlungu onyu oko hao?”

ZABURI 18:42

Ngawifasha-fasha wikawuya sa teri idukwaghwa ni mbeo; ngawikumba noko sa mazozo gha chienyi.

ZABURI 35:26

Awo wiboilwagha ni wasi ghwapo, ndewifusho waya nakuvurughika vongo. Awo wikuwusiragha weni aighu yapo, ndewifusho waya na kunonelwa ishima.

ZABURI 42:10

Wamaiza wapo wanidukana na kunivavira sa kunibara maindi, wikinikotia ngelo rose, “Mlungu wako oko hao?”

ZABURI 42:3

Naawuyalila kio na dime, na mbori rawuya vindo vapo wandu wikinizera, “Mlungu wako oko hao?”

ZABURI 58:10

Mhachi uchaboilwa kuwona kisasi chikilipwa, maghu ghake ghicharogha bagha ya wawiwi ukighenda.

ZABURI 79:10

Kusakesigha iro mbari zima righambe, “Damsima Mlungu wawo oko hao.” Kudineke kuwona kukikaba iro mbari zima, kwa wundu ghwa kudia bagha ya wadumiki wako.

ZABURI 92:12

Wahachi wichadeghedeka sa mtende, na kuzoghua sa msida ghuko Lebanoni.

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ISAYA 41:25

“Namnyavurisha mndumu kufuma kaskazinyi, nao wamerie kucha; na umu kufuma mashariki andu iruwa jibukiagha, nao uchajiwangia irina japo kwa malombi. Uo uchawiwadia-wadia awo wibonyagha nguma karakara na mazozo, uchawiwadia-wadia sa iji koni mvimbi ufashagha wongo.

JEREMIA 49:15

Angu zighana BWANA uchakubonya kukaie mtini aghadi ya iro mbari, kumenyero aghadi yawo.

JEREMIA 51:24

BWANA waghamba, “Nichamlipa Babuloni na wandu waro ugho wuwiwi ghose wereghubonyereghe Jerusalemu imbiri ya meso ghako.

JEREMIA 51:51

Nenyo mwaghamba, ‘Isi daawuyafushwa waya, angu dimenyero na kufushwa waya; kwa kukaia wandu wa kighenyi wachee, na kungia andenyi ya andu kwa wueli, andenyi ya Hekalu.’

EZEKIELI 7:18

Wachulwa ni kiture, na kuwona waya; wakufunga weni nguwo ra magunia, na kuara vongo vawo kwa wasi.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

JOELI 2:17

Wakohani wimdumikiagha BWANA ghadi na ghadi ya madhabahu na mnyango ghongia Hekalunyi ndewilile na kughamba, “Kuwifuye wughoma wandu wako ee BWANA; kusakesigha wandu wa mbari zima widiseke na kudimenya wikighamba, ‘Oke Mlungu onyu oko hao?’”

OBADIA 1:10

“Kwa kukaia kwawisokie na kuwibwagha wanyinyu, awo wana wa Jakobo, kuchatoteshwa na kusowelwa ishima kwa kala na kala.

OBADIA 1:12

Ndekoredimagha kuboilwa ni kusokwa kwa wanyinyu werekoghe Juda. Ndekoredimagha kuboilwa ituku werenonwagha. Ndekoredimagha kuwiseka ngelo wiko andenyi ya wasi ghwawo.

MIKA 4:11

Mbari ra wandu wengi rakwanyika kulwa na oho. Waghamba, “Ni suti Jerusalemu itotesho! Dichawona muzi ughu ghukinonwa.”

MIKA 7:8

Kusakeboilwa aighu yapo ee m'maiza wapo; iji naghwa nichawuka; iji nakaia kirenyi, BWANA uchakaia mwengere ghwapo.

ZEFANIA 3:15

BWANA wamerie kuinja ikabo jenyu, wamerie kuwiwinga wamaiza wenyu wose; BWANA, uo mzuri wa Israeli oko andwamweri nenyo, ndemuwuyaaobua mawiwi ghangi sena anduangi.

ZEKARIA 10:5

Wandu wa Juda wichakaia wasimi sa masikari wifashagha wamaiza wawo a mazozonyi chienyi. Wichalwa na kuwisima wajoki farasi, angu BWANA oko andwamweri nawo.

MALAKI 1:5

Wandu wa Israeli wichawona agho na meso ghawo, nawo wichaghamba, “BWANA wawadie ndighi hata shighadi ya isanga ja Israeli.”

MALAKI 4:3

Ituku nichaakatisha agho, mchawifasha-fasha wawiwi aisi ya maghu ghenyu.

MATHAYO 27:43

Wamrumirie Mlungu, na kukuwanga ‘Mwana wa Mlungu.’ Oke Mlungu ndemkire idana ngera loli wamkunde.”

JOSHUA 7:9

Angu Wakanaani na waisanga wose wichasikira agho malagho; nawo wichadimaria chia rose na kudibwagha isi diwose! Da oho kuchabonya wada kulindia ishima ja ijo irina jako ibaa?”

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”