MIKA 6:2 - Biblia Ilagho Jiboie Kwa Wandu Wose

² Inyo mighondi muko misingi iduagha ya ndoenyi, sikirenyi seji BWANA uredagha mashitakio. BWANA washitakiana na wandu wake; uchasimana na Israeli.

MIKA 6:2 ပူးပေါင်းရင်းမြစ်များ

2 SAMUELI 22:16

Niko meda ya machi gha bahari ikawoneka, na misingi ya wurumwengu ikawoneka worinyi, kwa kukemelwa ni BWANA, na kuja kukumba miruke kwa mbua yake. Ukiwikemia wamaiza wake.

2 SAMUELI 22:8

“Niko ndoenyi kukaobua na kusughusika, na misingi ya mlungunyi ikanyavurika angu Mlungu orejokeloghe ni machu.

ZABURI 104:5

Kwaiwikie ndoenyi aighu ya misingi yaro, kukaimangisha gi isedimagha kunyavurika.

MAKATANISHO 8:29

iji orewikagha mwano ghwa bahari, eri machi gharo ghisechumbe andu kwaro, iji orebonyagha msingi ghwa ndoenyi.

ISAYA 1:18

BWANA waghora, “Choonyi idana dibonye njama; hata ngera kaung'a renyu ratinikie, richakaia ra chokwa sa theluji; hata ngera reeka ra ngundu sa bagha, richakaia ra chokwa sa pamba.

ISAYA 3:13

BWANA wakaia tayari kureda mashitakio ghake, wakaia tayari kuwitanya wandu wake.

ISAYA 43:26

“Kunikumbuke, nao kuche didede agho malagho; reda mashitakio ghako kupate kuwoneka ngera koko na hachi.

ISAYA 5:3

“Idana tanyenyi ee wandu mkaiagha Jerusalemu na Juda; namlomba mtanye aghadi ya ini na mbuwa yapo ya mizabibu.

JEREMIA 2:9

“Kwa huwo nichareda mashitakio ghapo aighu ya wandu wapo; nichareda mashitakio ghapo hata aighu ya weke wawa wawo.

JEREMIA 25:31

Mrurumo ghwake ghuchafunya lwaka hata kutua kwa ndoenyi, kwa kukaia BWANA oko na mwandu aighu ya iro mbari ra wandu, uchawitanya wandu wose, na kuwibwagha wawiwi kwa lufu.’”

JEREMIA 31:37

BWANA waghamba huwu: “Ikakaia idimikagha mlungunyi koighu kupimo, na misingi ya ndoenyi naisi idimagha kumanywa, niko kivalwa cha Israeli nichaachilegha putu kwa wundu ghwa agho ghose wibonyere.”

HOSEA 12:2

BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

HOSEA 12:3

Iji wawae Jakobo orekoghe kifunyi orewadieghe ghimbe ya mruna, na iji orewurieghe mundu m'baa, oresimaneghe na Mlungu.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

MIKA 6:1

Sikirenyi seji BWANA ughoragha aighu ya Israeli. Wuka ee BWANA kurede mashitakio ghako. Mighondi mibaa na mitini ndeisikire agho kughoragha.

WUKUMBUSO 32:22

Nichajokwa ni machu sa lumu lwa modo nani nichakora kula kilambo ndoenyi. Ghuchasea hata Andu kwa Wafu, na kumeria miri ya mghondi.

WUKUMBUSO 4:26

Nawanga mlungunyi na ndoenyi rishuhudie aighu yenyu idime, kukaia mchatota putu shwa wori andenyi ya ijo isanga kwawuyaruwuka Jordani kujiwada; ndemchaadua luma andenyi yaro, ela mchatoteshwa shwa wori.