MIKA 6:16 - Biblia Ilagho Jiboie Kwa Wandu Wose

¹⁶ Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

MIKA 6:16 ပူးပေါင်းရင်းမြစ်များ

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

1 WAZURI 9:8

Hekalu ihi ichawuya kifungu cha ighacho. Kula mundu uchaaida chienyi uchaaturukia na kushinika ukikotia, ‘Kwaki BWANA ujibonyere iji isanga na ihi Hekalu huwu?’

2 WAZURI 16:3

ela ukanugha mabonyo gha wazuri wa Israeli. Na kuchumba oremfunyireghe mwana wake ukaie kizongona chekora kwa milimu karakara na mizango izamie ya iro mbari ra wandu BWANA orewiwingieghe imbiri ya wandu wa Israeli.

2 WAZURI 21:3

Kwa kukaia oreaghieghe sena andu kotasira milimu mighondinyi korenoneloghe ni ndee Hezekia, ukaagha madhabahu kwa wundu ghwa Baali, na kubonya fwana ra ghuja mlungu ghwa waka Ashera wori, sa iji Ahabu mzuri wa Israeli orebonyereghe, ukatasa nyerinyeri na kuridumikia.

2 MALAGHO GHA NGELO 22:4

Ukabonya mawiwi imbiri ya BWANA, sa iji koni wandu wa nyumba ya Ahabu werebonyereghe; angu ndee uendafwa, wandu wa nyumba ya Ahabu niwo werekoghe wanjama wake, nawo wikamshekeria kunoneka.

2 MALAGHO GHA NGELO 34:25

Kwa kukaia wanisighie na kuifukiria milungu mizima marumba, hata wikanibonya nijoko ni machu kwa iro kazi wiribonyere; nichakaba Jerusalemu kwa machu mabaa ghisehoagha.

ZABURI 1:1

Warasimilwa uo mundu usenughagha njama ra wawiwi, usebonyagha sa wakaung'a hata kukaia na wungara na wandu wemsholia Mlungu.

ZABURI 44:13

Kwadibonyere dikaie wesekwa ni wambedu, kudemwa sare na kumenywa ni awo wiko mbai-mbai yedu.

ZABURI 44:14

Kwadibonyere dikawuya wandu wetanilwa aghadi ya mbari zima; nawo wadisughusira vongo kwa lumenyo.

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

ISAYA 9:16

Awa wawuyawilongoza awandu, waawuyawilaghasha chia; na awo wilongozwagha, waawuyatota.

JEREMIA 19:8

Na muzi ughu nichaghubonya ghuzomelo na kushinikilwa ni kula mundu uidagha, kwa wundu ghwa uko kunoneka kwaro.

JEREMIA 25:18

Jerusalemu na mizi yose ya Juda na wazuri wawo na wabaa wawo wikanywa; wipate kuwuya wuduu, wa kumenywa, kusekwa na wa kuwasirwa njowe seji koni iko linu.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 51:51

Nenyo mwaghamba, ‘Isi daawuyafushwa waya, angu dimenyero na kufushwa waya; kwa kukaia wandu wa kighenyi wachee, na kungia andenyi ya andu kwa wueli, andenyi ya Hekalu.’

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.

KILILO CHA JEREMIA 5:1

Kumbuka agho ghidipatire ee BWANA; zighana kuwone seji disowelo ishima.

EZEKIELI 39:26

Wichaliwa ghuja waya ghwawo na ugho wuwiwi werenibonyereghe ingelo wachakaia nicha isangenyi jawo, kuseko na mndungi owikumba wowa.

DANIELI 9:16

Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

HOSEA 12:14

Wandu wa Israeli wamvavirie BWANA nandighi, hata eewifwana wifo kwa makosa ghawo. BWANA uchawikaba kwa wundu ghwa masholio upatire kwa wundu ghwawo.

HOSEA 5:11

Israeli waawuyakorongeka; walaghashire isanga jerekoghe jake jeni, kwa kukaia orekoghe ukilola wutesia kwa wandu wisewadie kindo chingi.

MIKA 2:6

Wandu waawuyanizera, “Kusedichilie. Kusechileghe maza iri. Mlungu ndechaadibonya kiwiwi anduangi.

MIKA 6:13

Kwa huwo nazoya kubonya mipango ekunona na kukutotesha kwa wundu ghwa kaung'a rako.

WUFUNUO 2:20

Ela neko na ilagho na kumoni; kwaduanyagha na uo muka Jezebeli, uo ukuwangagha moni mlodi, nao waawuyafundisha na kuwikalia wadumiki wapo wikuzaisire kulaka, na kuja vindo vifunyiro kizongona kwa milimu.