MIKA 6:12 - Biblia Ilagho Jiboie Kwa Wandu Wose

¹² Wazuri wako wa mali waawuyasoka wakiwa na inyo mmbose mooka watee.

MIKA 6:12 ပူးပေါင်းရင်းမြစ်များ

ZABURI 120:2

Kunikire na wandu wa mikalo wighoragha tee ee BWANA.

ZABURI 35:20

Ndewidedagha malagho gha sere; ela wadadunga tee ra kula mbari aighu ya wandu wikundagha sere isangenyi.

ZABURI 78:36

Ela weremkalieghe kwa memu yawo, wikatumia chumi rawo kumghoria tee.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 5:7

Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

JEREMIA 9:8

Lumi lwawo ni sa iwanu jebwagha, lwatumilwa kudeda makalio; kula mundu uadeda malagho gha sere kwa mmbao, ela ngolonyi kwake uamlaliria.

HOSEA 7:1

“Ingelo nawuyakunda kuwiboisa wandu wapo Israeli, niko kaung'a rawo rifunukukagha na mabonyo ghawo kuwoneka. Waawuyakaliana weni na weni; waawuyabara nyumba na kuiwa, na kusoka wandu vilambo chienyi.

HOSEA 7:13

“Ni bugha kwawo! Wanileghie na kunisigha. Wichatoteshwa. Kumangu nawikombua ela waawuyanitasa icho kisha.

AMOSI 2:4

BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

AMOSI 6:4

Ni bugha konyu inyo mkuhoreshagha aighu ya mawuli gha mbembe ra chovu, na kukughorua aighu ya makochi, mkija nyama ra ng'ondi kufuma chaghenyi, na nyama ra ngache kufuma boronyi;

ZEFANIA 1:9

Ituku ijo, nichawikaba wandu witasagha sa wandu wisemwichi Mlungu, na awo wiiwagha na kubwagha eri wichure nyumba ra weke bwana wawo na vilambo vesokwa.

ZEFANIA 3:3

Wabaa wake weeka sa shimba irurumagha na watanyi wake sa vikwau viko njala, vijagha kwa lwafuo visedimagha kusighara hata indi nakesho.

MABONYO GHA WADUMI 24:9

Wayahudi wikawadana wikirumiria kukaia malagho agho ghose ni loli.

WAROMA 3:13

Marangi ghawo ni sa kaburi iko iari, watumia chumi rawo kwa kughora tee. Madedo gha memu yawo ni sa wusungu ghwa choka.