MIKA 5:7 - Biblia Ilagho Jiboie Kwa Wandu Wose

⁷ Masighariko gha Waisraeli wichakaia sa mami gharedwa ni BWANA kwa wundu ghwa mbari nyingi, sa mshushure aighu ya miwalwa. Nawo wichamsuwiria Mlungu uekeri.

MIKA 5:7 ပူးပေါင်းရင်းမြစ်များ

2 SAMUELI 17:12

Aho niko dichaamchea chiaimweri andu uko kose dichaamkua, na kumngiria seji mami ghiseagha ndoenyi; na aho uo moni hata na wandu wikwanye, ndekuchaasigharika hata umweri wawo.

ZABURI 110:3

Ituku kulwagha na wamaiza wako, wandu wako wichakufunya cha kwako. Wandu wako wa irika wichakuchea sa mami gha luma lwa nakesho aighu ya mighondi ya wueli.

ZABURI 133:3

Ni sa mami ghiko aighu ya Mghondi ghwa Hermoni; ghiseagha aighu ya mighondi ya Sioni! Aho niko BWANA ulaghirie marasimio ghake, irangi ja kala na kala.

ZABURI 72:6

Kumneke kukaia sa vua inyagha anyasinyi ridumbulo, na sa mshushure ghuinyosheragha ndoe.

MAKATANISHO 19:12

Machu gha mzuri gheeka sa mrurumo ghwa shimba, ela wurumirio ghwake ghooka sa mami ghiko nyasinyi.

ISAYA 32:15

Maza richakaia huwo hata Mlungu udie Roho wake aighu kodu, na kireti chiwuye mbuwa inorie na kubusa vindo vingi sa msidu.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 55:10

“Sa iji koni vua na barafu inyagha kufuma mlungunyi, nayo ndeiwuyagha, ela yadainyoshera ndoe; na kuibonya ifunye mavalo na kuzoghua, na kumneka mbeu uo orewaeghe chiaimweri na vindo veja,

ISAYA 66:19

na kumanya angu ni ini niwikabie. Kufuma kwa wandu wamu wawo wichaavuvuka, nichawiduma kwa iro mbari ra wandu: Tarshishi, Putu, na Ludi, awo witumiagha ndana, na kwa Tubali, na Javani, na kwa masanga gha pwani ghiko kula, awo wiseisikire nguma yapo angu kughuwona wubaa ghwapo; nawo wichaghenda na kughuchila wubaa ghwapo kwa iro mbari ra wandu.

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

EZEKIELI 14:22

Ela sena wikasigharika wamu wafufunuka na kudwa wana wawo wa womi na wa waka, wikakuchea, nao kuwone tabia rawo na mabonyo ghawo ghizamie, ngolo ichahoa, angu korewawiloghe ni ugho wuwiwi nereghuredieghe Jerusalemu.

EZEKIELI 47:1

Uja mundu ukanidwa na kuniwunja mnyangonyi ghwa Hekalu, ngawona machi ghikisea nandonyi ya kizingiti cha Hekalu, na kughenda cha mashariki andu Hekalu ilangayagha. Machi agho gherekoghe ghikisea kufuma chia ya kusinyi ya Hekalu na kuidiria chia ya kusinyi ya madhabahu.

EZEKIELI 5:5

Bwana MLUNGU waghamba huwu, “Wona Jerusalemu, muzi nighuwikie ghadi na ghadi ya iro mbari ra wandu, na masanga ghighumare chia rose.

DANIELI 11:32

Uchawighalua kwa mikalo awo wandu wisighie jija ilaghano ja wueli; ela awo wandu wimwichi Mlungu wawo wichafunga ndighi kujidederia.

HOSEA 14:5

Nichakaia kwa wandu wa Israeli, sa vua kwa ndoe iomie wichaghoka sa maua; wichadunga miri sa midi ya Lebanoni.

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

JOELI 2:32

Ela uo uchaalomba wutesia ghwa BWANA uchakia. Na seji BWANA ughambie, ‘Weko wamu andenyi ya Jerusalemu wichaafufufunuka, awo niwisaghue wichakaia moyo.’”

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.

MIKA 2:12

“Ela nichamkwanya chiaimweri inyo wandu wa Israeli wisigharikie. Nichamtumbanya chiaimweri sa ng'ondi riwuyagha iranunyi. Isanga jenyu jichachulwa ni wandu sena, sa wungi ghwa ng'ondi riko mlambenyi.”

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

MIKA 5:3

Kwa huwo BWANA uchawikumba Waisraeli mikonunyi kwa wamaiza wawo, hata ivike ngelo ya uo uchamva uo mwana, na wamzawo wiko wubarishonyi kuwadanishwa na wambao.

MIKA 5:8

Wandu wisigharikagha wa Israeli aghadi ya iro mbari zima, wichakaia sa shimba ilolagha vindo akilembenyi, nayo yadangiria ng'ondi na kurirashua viluponge, hata isuwirio jingi jekia jisoweke.

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

ZEFANIA 3:13

Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”

ZEKARIA 14:8

Ituku ijo jikavika, machi ghielie ghenywa ghichadika kufuma Jerusalemu; nusu imu ghichaida na kungia Bahari ya Chumbi na nusu imu Bahari ya Mediterania; gichakaia ghikiida ngelo rose ya kwari na ngelo ya sumesu wori.

ZEKARIA 9:13

Nichamtumia Juda sa ndana ya asikari na Israeli sa mawanu. Nichawitumia wandu wa Sioni sa lufu, nipate kulwa na wandu wa Griki.”

MATHAYO 28:19

Idana ghendenyi m'bonye wandu wa mbari rose wikaie wanughi, mkiwibaputiza kwa irina ja Aba, na ja Mwana, na ja Roho Mweli;

MABONYO GHA WADUMI 11:15

Hata iji nazoya kughora, Roho Mweli ukawiseria wose sa iji koni orediserieghe isi aho imbiri.

MABONYO GHA WADUMI 13:46

Hata huwo saki, Paulo na Barnaba wikaghora kwa wuwana wikighamba, “Erekoghe suti ilagho ja Mlungu jighoro konyu kande. Idana angu mwajilegha, na kukutanya inyo mmbeni kukaia wandu msefwane irangi ja kala na kala, olenyi diaghenda kwa wandu wa mbari zima.

MABONYO GHA WADUMI 16:9

Paulo ukachelwa ni mawono nakio; mundu wa Makedonia ukikaia kimusi na kumvoya ukighamba, “Ruwuka nokonu cha Makedonia kuditesie.”

MABONYO GHA WADUMI 9:15

Ela Bwana ukamzera, “Ghenda, angu uo moni namsaghue ukaie chombo chapo chejidwa irina japo kwa mbari zima, na wazuri, na wandu wa Israeli;

WAROMA 10:20

Isaya nao wadeda kwa wuwana ukighamba, “Nawonelo ni wandu wiserenilolieghe, nakuwonyere ini moni kwa awo wiserenikotereghe.”

WAROMA 11:12

Idana ikakaia ikosa jawo jiareda mecha wurumwengunyi kwa wungi, na kulemwa kwawo kuareda mecha kwa wandu wa mbari zima kwa wungi, kukata kwawo-lee kuchachumba saki kureda marasimio?

WAROMA 9:30

Da dighora wada? Diaghora, wandu wa mbari zima awo wisereilolieghe hachi, waipatire; uko kutalwa kukaia na hachi kupatikagha kwa chia ya irumirio.

1 WAKORINTHO 3:6

Ini nerewaeghe, Apolo ukadunga machi; ela Mlungu nuo uibukishire.

WUKUMBUSO 32:2

Mafundisho ghapo ndeghitonye-tonye sa vua, na madedo ghapo ghisee sa mami; sa vua inyagha mboa-mboa aighu ya mghina, na sa mshushure aighu ya nyasi mbishi.

WATANYI 6:36

Niko Gideoni ukamzera Mlungu, “Ikakaia oho kuchawikira Waisraeli kwa mkonu ghwapo sa iji kughorie,