MIKA 5:6 - Biblia Ilagho Jiboie Kwa Wandu Wose

⁶ Wichamsima Muashuri, ijo isanga ja Nimrodi, nawo wichadikira disekabo ni Waashuru iji wangia isangenyi kodu.

MIKA 5:6 ပူးပေါင်းရင်းမြစ်များ

2 WAZURI 15:29

Matuku gha Peka mzuri wa Israeli, Tiglathi-pileseri mzuri wa Ashuru, ukacha na kuikaba mizi ya Ijoni, Abel-beth-maaka, Janoa, Kedeshi, Hazori, Gileadi, na Galilaya, isanga jose ja Naftali; ukadwa wandu wunyika hata Ashuru.

1 MALAGHO GHA NGELO 1:10

Kushi oremvaeghe Nimrodi uo orezoeghe kukaia ing'oni ndoenyi.

2 MALAGHO GHA NGELO 33:11

Kwa huwo BWANA ukawiredia vilongozi va ijeshi ja mzuri wa Ashuru, wikamngira Manase kiloo cha mbua, wikamfunga na pingu ra shaba, na kumghenja Babuloni.

AYUBU 29:22

Ngameria kudeda, ndeweewuyadeda sena; wedengilwa ni malagho ghapo wikaakatwa.

ZABURI 110:3

Ituku kulwagha na wamaiza wako, wandu wako wichakufunya cha kwako. Wandu wako wa irika wichakuchea sa mami gha luma lwa nakesho aighu ya mighondi ya wueli.

ZABURI 72:6

Kumneke kukaia sa vua inyagha anyasinyi ridumbulo, na sa mshushure ghuinyosheragha ndoe.

ISAYA 14:2

Na wandu wa iro mbari wichawitesia wandu wa Israeli kuwuya isangenyi jawo, nawo wichakaia andenyi ya isanga werenekeloghe ni Mlungu. Waja wandu wichawuya wazumba wawo wa womi na wa waka; awo wandu weni werewidwaeghe wunyika, niwo weni sena wandu wa Israeli wichaawidwa wunyika na kuwibonyera nguma.

ISAYA 14:25

Nichawitotesha Waashuru andenyi ya isanga japo ja Israeli, na kuwiwadia-wadia aighu ya mighondi yapo; na ghongolo yawo ichafuma kwa wandu wapo, na msigo ghwawo ghuchainjika maweghenyi kwawo.

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ISAYA 37:37

Niko Senakeribu mzuri wa Waashuru, ukafuma na kughala; ukakaia Nineve.

ISAYA 6:13

Hata ukasigharika mundu umweri kwa ikumi, huwo saki uchatoteshwa sa mvinje angu mwaloni ghwademwa, na kishiki charo chisigharike kimusi.” Mbeu ielie nicho kishiki charo.

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

NAHUMU 2:11

Ugho muzi ghorekoghe sa mruma ghwa shimba ghoko hao, iyo mbanga ya wana wa shimba, andu shimba ya womi na ya waka rerekoghe rikireda madiwo ghawo, andu wana wake werekoghe wiseoboshwagha ni mndungi?

ZEFANIA 2:13

BWANA uchamtotesha Ashuru kwa ndighi rake. Muzi ghwa Nineve ghuchakimbilwa ghuwuye kireti chisena machi.

ZEFANIA 3:12

Nichasigha wandu wikuserie na wa mboa aho, awo wilolagha wulindiri ghwapo.

LUKA 1:71

angu uchadikira kufuma kwa wamaiza wedu; na kwa mikonu ya wose widimenyagha;

LUKA 1:74

iji dakirwa kufuma mikonunyi kwa wamaiza wedu, dichamdumikia kuseko na wowa,

LUKA 24:27

Niko ukawitambuya maza rose riandikilo kwa wundu ghwake ukizoya na vuo va Musa na va walodi wose.

WUKUMBUSO 32:2

Mafundisho ghapo ndeghitonye-tonye sa vua, na madedo ghapo ghisee sa mami; sa vua inyagha mboa-mboa aighu ya mghina, na sa mshushure aighu ya nyasi mbishi.