MIKA 5:4 - Biblia Ilagho Jiboie Kwa Wandu Wose

⁴ Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

MIKA 5:4 ပူးပေါင်းရင်းမြစ်များ

ZABURI 145:12

eri wandu wose wipate kumanya mabonyo ghako gha ndighi, na kuboa kwa wubaa ghwa wuzuri ghwako.

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

ZABURI 72:8

Kumneke kubonya nguma kufuma bahari hata bahari, na kufuma Moda ghwa Eufrate hata kutua kwa ndoenyi.

ZABURI 93:1

BWANA ni Mzuri, uwadie wubaa na kudima; Waghuwikie wurumwengu na kughumangisha ghusechaanyavurika.

ZABURI 98:3

Wakumbuka lukundo lwake lukatie na wuloli ghwake kwa wandu wa Israeli. Wandu wose kula andu wawonie wusimi ghwa Mlungu odu.

KUFUMA 23:21

Mkulindie, mumsikire. Msakemlegha; kwa kukaia ni ini namduma; angu ndechaamfuya wughoma agho makosa ghenyu.

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 49:5

Na idana, BWANA uo oreniumbieghe nikaie mdumiki wake kufuma kifunyi, eri nimghaluye wana wa Jakobo cha kwake, na Israeli upate kutumbanywa kwake, angu ninekelo ishima mesonyi kwa BWANA, na Mlungu wapo wawurie ndighi rapo.

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 52:13

BWANA waghamba, “Olenyi mdumiki wapo uchawona nicha, uchakumwa na kujoswa ighu; nao uchakaia ighu na ndighi.

ISAYA 8:7

ola, nichawiredia mzuri wa Ashuru na wubaa ghwake ghose, upate kuwuka aighu ya wandu wa Juda, kara kara na moda ghwa Eufrate ingelo ghuchuagha machi na kudika-dika.

MIKA 7:14

Lisha wandu wako kuwisaghue kumoni BWANA. Hata ngera wakaie wisasarikie noko cha kireti, jeko isanga jinorie jiwimare mbai mbai. Wisighe wije malisho ghinorie gha Bashani na Gileadi seji werebonyagha kala.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

ZEKARIA 9:10

BWANA waghamba, “Nichainja magare gha wuda kufuma Israeli, na farasi kufuma Jerusalemu; na ndana ra wuda richanonwa. Mzuri onyu uchabonya sere ikaie aghadi ya mbari ra wandu; na nguma yake ichaera kufuma bahari hata bahari, na kufuma Moda ghwa Eufrate hata kutua kwa ndoenyi.”

MALAKI 1:5

Wandu wa Israeli wichawona agho na meso ghawo, nawo wichaghamba, “BWANA wawadie ndighi hata shighadi ya isanga ja Israeli.”

MATHAYO 16:18

Nani nakuzera, Oho ko Petro, na aighu ya igho iji, nichajiagha ikanisa japo, hata kifwa ndechichaadima kujisima anduangi.

MATHAYO 2:6

‘Oho Bethlehemu wa Isanga ja Juda, ndekuko mtini putu aghadi ya vilongozi va Juda; kwa kukaia kwako uchafuma kilongozi, uchaawighenja wandu wapo Israeli.’”

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

LUKA 1:32

Uchakaia m'baa, nao uchawangwa Mwana wa Uo-Uko-Aighu-Nandighi; na Bwana Mlungu uchamneka kifumbi cha nguma cha ndee Daudi.

JOHANE 10:38

ela ikakaia naribonya, hata ngera mwalegha kunirumiria, kumangu mwarirumiria iro kazi reni, mpate kumanya angu Aba oko andenyi kwapo, na ini andenyi kwake.”

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

WAEFESO 1:3

Ndekaso uo Mlungu, Ndee wa Bwana odu Jesu Kristo, uo oredirasimieghe andenyi ya Kristo na kula irasimio ja kiroho cha mlungunyi.

1 PETRO 1:5

inyo mlindilwagha ni ndighi ra Mlungu, kwa chia ya irumirio; mpate kuvikia kukia kuko tayari kufunukulwa ngelo ya kutua.

JUDA 1:1

Ini Juda mdumiki wa Jesu Kristo mruna Jakobo, nawiandikia awo wandu wiwangilo, wikundo ni Mlungu uja Aba, na kulindilwa kwa wundu ghwa Jesu Kristo.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”