MIKA 5:3 - Biblia Ilagho Jiboie Kwa Wandu Wose

³ Kwa huwo BWANA uchawikumba Waisraeli mikonunyi kwa wamaiza wawo, hata ivike ngelo ya uo uchamva uo mwana, na wamzawo wiko wubarishonyi kuwadanishwa na wambao.

MIKA 5:3 ပူးပေါင်းရင်းမြစ်များ

1 WAZURI 14:16

BWANA uchaisigha Israeli putu kwa wundu ghwa kaung'a ribonyero ni Jeroboamu, na kuwishekeria wandu wa Israeli wibonye kaung'a.”

2 MALAGHO GHA NGELO 30:7

Msakekufwananisha na weke ndeyo, na wanyinyu awo wiserekoghe waloli kwa BWANA Mlungu wa weke ndee, nao ukawibonya wikaie waduu seji muwiwonagha.

ZABURI 67:3

Wandu ndewikukase oho ee Mlungu, wandu wose ndewikukase.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

JEREMIA 23:5

“Olenyi matuku ghichacha, nichawusira umu wa kivalwa cha Daudi uchaakaia mzuri wa hachi nao uchabonya nguma kwa hikima, na kubonya hachi na loli isangenyi.

JEREMIA 31:1

BWANA waghamba, “Ngelo ija nichakaia Mlungu wa vichuku va Israeli, nawo wichakaia wandu wapo.

EZEKIELI 34:16

“Nicharilola iro rilagharie, na kuriwunja chienyi iro rilagharilo ni chia; nicharifunga iro richikie, na kutesia iro risewadie ndighi; iro ribandie riko na ndighi, nicharitotesha; nani nicharilisha kwa hachi.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

HOSEA 2:14

“Kwa huwo nichamghenja cha kireti sena, na oho nichadedanya nao kwa lukundo.

HOSEA 2:9

Kwa huwo, ngelo ya makuwido nichamuima viro, na ngelo ya zabibu nichamuima divei nichamsoka nguwo ra sufu na kitani, iro rerefinikireghe wuduu ghwake.

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.

MIKA 4:4

Kula mundu uchakaia na sere aisi ya mzabibu na mtini ghwake, hata ndekuwadie mndungi uchaamuobosha; angu BWANA Uwadie-Ndighi-Rose walaghira.

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

MIKA 5:7

Masighariko gha Waisraeli wichakaia sa mami gharedwa ni BWANA kwa wundu ghwa mbari nyingi, sa mshushure aighu ya miwalwa. Nawo wichamsuwiria Mlungu uekeri.

MIKA 5:8

Wandu wisigharikagha wa Israeli aghadi ya iro mbari zima, wichakaia sa shimba ilolagha vindo akilembenyi, nayo yadangiria ng'ondi na kurirashua viluponge, hata isuwirio jingi jekia jisoweke.

MIKA 6:14

Kuchaja, ela ndekuchaaghuda; kuchasigharika na njala yako wokoni. Kuchaduka vilambo, ela ndevichaawikika; na icho chose kuchachiwika akiba, nichachinona na wuda.

MIKA 7:13

Ela ndoenyi kuchawuya ikara kwa wundu ghwa wuwiwi ghwa wandu wawuyaikaia.

ZEKARIA 10:6

“Nichawibonya wandu wa Juda wikaie na ndighi; nichawikira wandu wa Israeli. Nichakaia na wughoma nawo, na kuwiwunja wose mzawo. Wichakaia seji serewileghieghe jingi. Ini ne BWANA Mlungu wawo; nani nichatumbulia malombi ghawo.

MATHAYO 1:21

Nao uchava mwana wa womi, na oho kuchammbanga irina jake Jesu, angu nuo uchaawikira wandu wake kufuma kaung'enyi rawo.”

MATHAYO 12:50

Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

WAROMA 8:29

Awo orewimanyireghe kufuma imbiri, orewisaghueghe wipate kufwanana na Mwana wake moni, eri Mwana upate kukaia wa imbiri kuvalwa aghadi ya wanidu wengi.