MIKA 5:2 - Biblia Ilagho Jiboie Kwa Wandu Wose

² BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

MIKA 5:2 ပူးပေါင်းရင်းမြစ်များ

KUZOYA 35:16

Niko wikadamba kufuma Betheli; hata iji werekoghe kakula na Efrata, Raheli ukazoya kulumwa na kukumba lufu.

KUZOYA 35:19

Kwa huwo Raheli ukafwa, ukarikwa mbai na mbai ya chia eghenda Efrata (nigho Bethlehemu.)

KUZOYA 48:7

Angu iji nerekoghe nikicha kufuma Padani, nerepatiroghe ni wasi kwa kufuilwa ni mayo Raheli chienyi isanga ja Kanaani, navika kaavui na Efrata, nani ngamrika aho mbai na mbai ya chia eghenda Efrata, (nigho Bethlehemu.)”

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

1 MALAGHO GHA NGELO 2:54

Salma, uo orepatireghe muzi ghwa Bethlehemu, nuo uvae wandu wa Netofati, na Ataroth-beth-joabu. Wazuri awo werekoghe vichuku viwi andenyi ya Manahathi.

1 MALAGHO GHA NGELO 4:4

na Penueli oremvaeghe Gedori, na Ezori ukamva Husha.

1 MALAGHO GHA NGELO 5:2

Kichuku cha Juda nicho chipatire ndighi kuchumba aghadi ya waruna; chikafunya m'bonyi nguma kwa wundu ghwa mbari yose.)

ZABURI 132:6

Dasikire malagho gha Sanduku ya Ilaghano diko Bethlehemu, dikaaiwonia mlambenyi ghwa Jearimu.

ZABURI 90:2

Imbiri kuseumbie mighondi angu ndoenyi na wurumwengu, oho korekoghe; sena kuchadua kwa kala na kala.

KUFUMA 18:21

Sena aighu ya agho, kusaghuo wandu wiko na kudima, wimuobuagha Mlungu, wandu wirumirikie wisekunde kuhongwa; nao kuwiwike wikaie vilongozi va wandu. Wamu wikaie wezighana wandu wa maelfu, wamu wezighana wa maghana na wamu mirongo misanu, na wazima wa makumi.

KUFUMA 18:25

Musa ukasaghua wandu wiko na kudima aghadi ya Waisraeli wose. Ukawika vilongozi va maelfu, maghana, mirongo misanu, na wa makumi.

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 53:2

Kwa kukaia erem'boieghe Mlungu mdumiki wake uzoghuo sa mudi mkoo, karakara na muri ghuko andenyi ya ndoe iomie. Nderekoghe na fwana ingi, angu kughoka, kobonya wandu wimzighane; nderewadieghe kuboa kungi kobonya wandu wikaie na bea nao.

ISAYA 55:4

Olenyi nam'bonyere ukaie wushuhuda kwa wandu, kilongozi na m'baa wa wandu.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

JEREMIA 30:21

M'baa wawo uchafuma kwawo koni, na uo ubonyagha nguma uchafuma aghadi kwawo, nicham'bonya usoghode kaavui nani, nao uchakaia kaavui nani; angu nani udimagha kunisoghodera kwa ndighi rake reni?

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

MIKA 4:10

Kung'arishenyi msirimike inyo wandu wa Jerusalemu sa muka uvagha; kwa kukaia idana kuchasigha muzi kughende isanga ja kula. Kuchaghenda Babuloni, ela BWANA uchakukira ahoeni kufuma kwa wamaiza wako.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MATHAYO 2:1

Jesu orevaloghe Bethlehemu isanga ja Judea, iji Herode orekoghe mzuri. Ngelo vui nyuma ya kuvalwa kwake, wamanyi wa nyerinyeri wikacha Jerusalemu kufuma chia ra mashariki;

MATHAYO 2:6

‘Oho Bethlehemu wa Isanga ja Juda, ndekuko mtini putu aghadi ya vilongozi va Juda; kwa kukaia kwako uchafuma kilongozi, uchaawighenja wandu wapo Israeli.’”

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

LUKA 23:2

Wikazoya kumshitakia wikighamba, “Dammbwadie mundu uhu ukilaghasha mbari edu kwa kuwighiria wandu wisemfunyire Kaisari kodi, na kughamba wei uo ni Kristo mzuri.”

LUKA 23:38

Na naighu yake koreandikiloghe maandiko agha: “UHU NUO MZURI WA WAYAHUDI.”

JOHANE 7:42

Maandiko ndeghighorie angu Kristo uchafuma kwa kivalwa cha Daudi na kuvalwa Bethlehemu muzi orekaieghe Daudi?”

WUKUMBUSO 1:15

Kwa wundu ugho ngawada wabaa wa mbari renyu, wiko na suku, wiichi malagho, ngawiwika wikaie wabaa wenyu; vilongozi va maelfu, vilongozi va maghana, vilongozi va mirongo misanu, vilongozi va makumi na wabaa wa vichuku venyu kula andu.

WAKOLOSAI 1:17

Kristo oko imbiri ya vilambo vose, na vilambo vose vawadiana chiaimweri andenyi kwake.

WAEBRANIA 13:8

Jesu Kristo nuo moni ighuo, na idime, na hata kwa kala na kala.

WAEBRANIA 7:14

Ni worinyi kukaia Bwana odu orekoghe wa kivalwa cha Juda, na Musa jingi ndeghora ilagho jingi ja wukohani aighu ya mbari iyo anduangi.

1 JOHANE 1:1

Agho malagho gherekoghe kufuma kuzoenyi, agho dereghisikireghe, agho dereghiwonieghe na meso ghedu, agho dereghizighanireghe na kughiadada na mikonu yedu; gha ijo Ilagho ja Irangi.

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.

WUFUNUO 2:8

“Na malaika wa ikanisa ja Simurna kumuandikie huwu: ‘Agha ni malagho gha uo wa imbiri na wa kutua, uo orefueghe na kukaia moyo sena.

WUFUNUO 21:6

Nao ukanizera, “Ghabonyeka! Ini ne Alfa na Omega, uko kuzoya na uko kutua. U mundu uomagha, nichamneka machi gha ndoria ya machi gha irangi duu.

WATANYI 17:7

Ngelo iyo cheni, korekoghe na Mlawi umu wa irika ufumie Bethlehemu ya Juda, orekoghe ukikanya na wandu wamu aho kiwughenyi.

RUTHU 1:1

Ngelo imu, iji watanyi wa Israeli werekoghe wikibonya nguma, korekoghe na njala isangenyi; na mndumu wa muzi ghwa Bethlehemu isanga ja Juda ukaghenda kukaia kiwughenyi isanga ja Moabu, andwamweri na mkake, na wana wake wa womi wawi.

RUTHU 4:11

Waghosi na wandu wose werekoghe aho wikaghamba, “Ee, isi dakaia washahidi. Mlungu ndem'bonye uo muka uchagha nyumbenyi kwako ukaie sa Raheli na Lea awo weremvaieghe Jakobo wana wengi. Kuchurikie na kukaia m'baa kwa kichuku cha Efrata na kukaia na sare iboie Bethlehemu.

1 SAMUELI 10:19

Ela idime iji mwanilegha ini Mlungu onyu uo umkiragha kufuma kwa ndengwa na wasi ghonyu m'baa; nenyo mwanilomba nimneke mzuri om'bonyera nguma. Ni nicha. Idana kwanyikenyi mmbeni imbiri kwapo kunughana na vichuku venyu na nyumba renyu.’”

1 SAMUELI 17:12

Daudi orekoghe mwana wa Jese, Muefrate umu wa Bethlehemu isanga ja Juda; mundu uo orekoghe na wana wa womi wunyanya, na ngelo Sauli uko mzuri, Jese orekoghe waghosia nandighi umanyikie wandunyi.

1 SAMUELI 17:18

Na ivi vipande ikumi va chizi kumdwaie m'baa wawo wa majeshi gha elfu. Kukotie ngera wanyinyu weko mana, sena kuniredie kimanyisho kufuma kwawo.

1 SAMUELI 23:23

Kwa huwo mzighane nicha, mmbone andu ukuvisagha; nao mmbuye munighorie malagho gha loli. Aho niko dichaaghendanya; na ikakaia uko aeni isangenyi, nichamlola aghadi ya maelfu ghose gha kichuku cha Juda.”

1 SAMUELI 8:12

Uchakuwikia moni wabaa wa masikari gha maelfu, na wa mirongo misanu, na wandu wamu wemlimia mbuwa rake na kukuwida; wichakaia wikibonya maswagha ghake gha wuda na vilambo va magare ghake.