MIKA 4:6 - Biblia Ilagho Jiboie Kwa Wandu Wose

⁶ BWANA waghamba, “Ngelo ichacha, nani nichawitumbanya chiaimweri wandu nerewikabieghe; awo wandu wijie wasi aho wubarishonyi.

MIKA 4:6 ပူးပေါင်းရင်းမြစ်များ

ZABURI 147:2

BWANA waiagha sena Jerusalemu; wawiwunja wandu wa Israeli werebarishiroghe.

ZABURI 38:17

Nalighisa kughwa, nani naduagha ngiwawa.

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

JEREMIA 3:18

Matuku agho, mbari ya Juda ichawadana na mbari ya Israeli, nawo wose wichafuma isanga ja kaskazinyi na kuwuya ijo isanga nerejinekieghe weke ndee jikaie ifwa jawo.”

JEREMIA 31:8

Olenyi nichawireda kufuma isanga ja kaskazinyi, na kuwikwanya kufuma masanga gha kula gha ndoenyi; vitungure na wakelemeri wichakaia aghadi kwawo, chiaimweri na muka uko na kifu, na uo ukumbagha lufu kwa kuva; wichawuya aha izungu ja wandu ibaa nandighi.

EZEKIELI 36:24

Nichamfunya mfume kwa iro mbari ra wandu, nani nichamtumbanya kufuma masangenyi, na kumreda kwa isanga jenyu jeni.

MIKA 2:12

“Ela nichamkwanya chiaimweri inyo wandu wa Israeli wisigharikie. Nichamtumbanya chiaimweri sa ng'ondi riwuyagha iranunyi. Isanga jenyu jichachulwa ni wandu sena, sa wungi ghwa ng'ondi riko mlambenyi.”

ZEFANIA 3:19

Ngelo yaawuyacha; nichawikaba wakorongi wako. Nichawivuvua watighini wose, na kuwighalisha wose weredwaloghe wunyika. Waya ghwaro ghuchaghaluswa kunekwa ishima na wurumwengu ghose ghuchawikuma.

LUKA 19:10

Angu Mwana wa Mdamu orechieghe kulola na kukira icho cherelagharieghe.”

JOHANE 10:16

Sena nawadie ng'ondi rimu riseko ra iranu iji. Naro reni yanifwana kuriruda, naro richalusikira lwaka lwapo; nao kuchakaia chagha chimweri na mlisha umweri.