MIKA 4:5 - Biblia Ilagho Jiboie Kwa Wandu Wose

⁵ Kula mbari yadatasa na kusikira mlungu ghwawo, ela isi dichamtasa BWANA Mlungu odu kwa kala na kala.

MIKA 4:5 ပူးပေါင်းရင်းမြစ်များ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

2 WAZURI 17:29

Hata huwo saki, kula mbari ikakubonyera milungu yawo kula muzi andu werekaieghe, wikaiwika andenyi ya nyumba retasira mighondinyi rerebonyeroghe ni Wasamaria.

2 WAZURI 17:34

Wandu awo waduagha wikibonya woruwo hata idime wikinugha mizango yawo ya kala. Ndewimtasagha BWANA hata kunugha memu na sharia rake orewilaghirieghe wana wa Jakobo uo oremmbangieghe Israeli.

ZABURI 20:6

Idana namanya kukaia BWANA wamkiragha Msaghulwa wake, wadamtumbulia kufuma mlungunyi kwake kuelie, kwa wusimi m'baa ghwa ndighi rake.

ZABURI 48:14

“Uhu Mlungu, ni Mlungu odu kwa kala na kala. Uchakaia ukidighenja kari kose.”

ZABURI 71:16

Nichacha na kughieresha mabonyo ghako gha ndighi ee Bwana MLUNGU, nani nichaieresha iyo hachi yako cheni.

ISAYA 2:5

Idana ee kivalwa cha Jakobo, ndedighende kwa mwengere ghwa BWANA.

ISAYA 26:13

Hata ngera dabonyero nguma ni weke bwana wazima ee BWANA Mlungu odu, ela isi daawuyarumiria andenyi ya irina jako jiekeri.

ISAYA 26:8

Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

JEREMIA 32:40

Nani nichabonya ilaghano ja kala na kala nawo, kukaia sichaaleka kuwibonyera mecha. Nichawibonya winiobuo wisechewuya nyuma na kunisigha.

ZEKARIA 10:12

Nichawibonya wandu wapo wikaie na ndighi, wichanitasa na kunisikira.” Ini BWANA naghamba.

MABONYO GHA WADUMI 14:16

Kwa vivalwa viidie, uo moni orewisighieghe wandu wa mbari rose wighende sa iji werekundieghe weni.

WUKUMBUSO 27:10

kwa huwo mumsikire na kuwadia sharia rake rose nimnekagha idime.”

WAKOLOSAI 2:6

Kwa huwo, sa iji koni moremmbusireghe Kristo Jesu kukaia Bwana, duonyi huwo koni andenyi kwake;

WAKOLOSAI 3:17

Nenyo mkakabonya ilagho ijo jose, kwa madedo angu kwa mabonyo, bonyenyi kula ilagho kwa irina ja Bwana Jesu, mkimfunyira Mlungu Aba chawucha kwa uo.

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”