MIKA 4:2 - Biblia Ilagho Jiboie Kwa Wandu Wose

² Mbari ra wandu wengi wichacha na kughora, “Nndokonyi dijoke aighu ya mghondi ghwa BWANA, Hekalunyi kwa Mlungu wa Israeli. Uchadifundisha agho ukunde dighibonye; nesi dichaghenda na chia uisaghue. Kwa kukaia sharia ichafuma Sioni, na ilagho ja BWANA jichafuma Jerusalemu.”

MIKA 4:2 ပူးပေါင်းရင်းမြစ်များ

ZABURI 110:2

BWANA uchaghushabua wuzuri ghwako ghuwadie ndighi kufuma Sioni. Kuchawibonyera wamaiza wako nguma.

ZABURI 119:1

Warasimilwa awo wisewadie ikosa jingi, widuagha moyo kwa kunugha sharia ya BWANA.

ZABURI 119:171

Nichakukasa tuli tuli, angu kwawuyanifundisha sharia rako.

ZABURI 122:1

Nereboiloghe iji wandu werenizerieghe, “Ndedighende nyumbenyi kwa BWANA!”

ZABURI 25:12

Umundu umuobuagha BWANA, BWANA uchamfundisha chia imfwanagha kunugha.

ISAYA 2:3

Wandu wengi wichacha wikighamba, “Nndokonyi dighende mghondinyi ghwa BWANA, Hekalunyi kwa Mlungu wa Jakobo; upate kudifundisha seji ifwane dibonye, nesi dipate kubonya. Kwa kukaia sharia ichafuma Sioni, na ilagho ja BWANA jichafuma Jerusalemu.”

ISAYA 54:13

Nichawifundisha wana wako wose, nawo wichawona nicha na sere.

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

JEREMIA 31:6

Ngelo ichacha walindiri wichaawanga andenyi ya isanga ja mighondinyi ja Efraimu, ‘Wukenyi dijoke Sioni kwa BWANA Mlungu odu.’”

JEREMIA 42:3

eri BWANA Mlungu wako upate kudiwonyera chia ifwanagha diinughe, na agho ghidifwanagha kubonya.”

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

ZEKARIA 14:16

Niko kula mundu usigharikagha wa iro mbari rose ra wandu wichee kulwa na Jerusalemu, uchajoka aho kula mwaka kumtasa uo BWANA Uwadie-Ndighi-Rose ukikaia mzuri, na kubonya Ndima ya Viwanda.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

ZEKARIA 9:10

BWANA waghamba, “Nichainja magare gha wuda kufuma Israeli, na farasi kufuma Jerusalemu; na ndana ra wuda richanonwa. Mzuri onyu uchabonya sere ikaie aghadi ya mbari ra wandu; na nguma yake ichaera kufuma bahari hata bahari, na kufuma Moda ghwa Eufrate hata kutua kwa ndoenyi.”

MARKO 16:20

Wanughi wikafuma, wikachila andu kose, Bwana moni ukibonya kazi andwamweri nawo; ukijimangisha jija ilagho kwa weke mwakilimbiti werebonyeroghe. Amen.]

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

JOHANE 6:45

Walodi wereandikieghe, ‘Kula mundu uchafundishwa ni Mlungu.’ Uo ose umsikiragha uja Aba, na kukufundisha kwake, uchacha kwapo.

JOHANE 7:17

Mndungi ukakunda kubonya agho ughikundagha Mlungu, uchamanya ngera agho mafundisho nifundishagha gheefuma kwa Mlungu angu ngera ni gha nguma rapo reni.

MABONYO GHA WADUMI 1:8

Ela mchapata ndighi, iji Roho Mweli wamchea aighu konyu; nenyo mchakaia washahidi wapo andenyi ya Jerusalemu, Judea kose, Samaria, na hata kutua kwa ndoenyi.”

MABONYO GHA WADUMI 13:42

Nao iji werekoghe wikifuma, wandu wikalomba wighorelo malagho agho Sabato ya kawi.

WAROMA 15:19

kwa ndighi ra weke mwakilimbiti na mashiniko, na kwa ndighi ra Roho Mweli. Huwu namerie kujichila Ilagho Jiboie ja Kristo kufuma Jerusalemu hata Iluriko.

WUKUMBUSO 6:1

“Idana ughu nigho momu na sharia na malaghiro, agho BWANA Mlungu onyu orenilaghirieghe nimfundishe, eri mpate kughikatisha andenyi ya isanga ijo mghendagha kujiwusa.