MIKA 4:10 - Biblia Ilagho Jiboie Kwa Wandu Wose

¹⁰ Kung'arishenyi msirimike inyo wandu wa Jerusalemu sa muka uvagha; kwa kukaia idana kuchasigha muzi kughende isanga ja kula. Kuchaghenda Babuloni, ela BWANA uchakukira ahoeni kufuma kwa wamaiza wako.

MIKA 4:10 ပူးပေါင်းရင်းမြစ်များ

2 WAZURI 20:18

Na wana wako wamu wa womi aweni kuwivae, wichadwalwa wunyika na kuwunjwa weke kolowi andenyi ya ngome ya mzuri wa Babuloni.”

2 WAZURI 25:4

Hata ngera Wababuloni werekoghe waghurughaia ugho muzi, ela wurigha ghwa muzi ghorechikanyiroghe, na masikari ghose ghikakimbia nakio kwa chia ya mbenge ghadi na ghadi ya mawurigha awi, mbuwenyi kwa mzuri; wikaghenda kwa kunugha chia ya Vololo ya Jordani.

2 MALAGHO GHA NGELO 33:11

Kwa huwo BWANA ukawiredia vilongozi va ijeshi ja mzuri wa Ashuru, wikamngira Manase kiloo cha mbua, wikamfunga na pingu ra shaba, na kumghenja Babuloni.

2 MALAGHO GHA NGELO 36:20

Awandu werefufunukieghe wisebwaghilo, orewidwaeghe wunyika cha Babuloni; wikakaia wadumiki wake, na wa wana wake; hata ngelo ya wuzuri ghwa Pashia kukaia na ndighi.

2 MALAGHO GHA NGELO 36:23

“Ini mzuri wa Pashia naghamba kukaia, BWANA uo Mlungu wa mlungunyi waninekie mawuzuri ghose gha ndoenyi, nao wanilaghirie nimuaghie Hekalu Jerusalemu andenyi ya isanga ja Juda. Mndungi uo ose wa wandu wake uko aghadi konyu ndejoke aho, na BWANA Mlungu wake ndekaie andwamweri nao.”

ZABURI 106:10

Ukawikira na awo werewizamiagha; ukawivuvua kufuma kwa wamaiza wawo.

ISAYA 43:14

BWANA, uo Mkomboli wako, Mlungu Mweli wa Israeli, waghamba huwu, “Nichaduma majeshi Babuloni kwa wundu ghonyu, wipate kuwidwa Wababuloni andenyi ya meli rawo sa wakimbii, na kukukasa kwawo kuchaghaluswa kuwuye kililo.

ISAYA 45:13

Ni ini nimmbusirie Koreshi kwa hachi nani nicham'bonya upate kuwona nicha kwa chia rake rose; nao uchaagha wuwishi muzi ghwapo ghwa Jerusalemu, na kuwifungua wafungwa wapo, kuseko na zoghori hata inosi jingi.”

ISAYA 48:20

Fuma Babuloni shwa-shwa, kimbia kufume kwa Wakalidayo. Ghora agho malagho kwa kuboilwa, kughighore na kughighenja kutua kose kwa ndoenyi kukighamba, “BWANA wamkombue mdumiki wake Jakobo.”

JEREMIA 13:4

“Wada mshipi kwaghua, ugho kwaghufunga kiwonunyi kwako, kuwuke kwende Moda ghwa Eufrate, kughuvise a lukororonyi lwa igho.”

JEREMIA 15:21

Nichakukira kufuma mikonunyi ya wandu wawiwi, na kukukombua kufuma kwa wakorongi.”

JEREMIA 29:20

Sikirenyi seji Ini BWANA nighoragha konyu inyo mmbose moredwaloghe wunyika, ngamghenja kufuma Jerusalemu hata Babuloni.’

JEREMIA 4:31

Kwa kukaia namerie kusikira kililo, sa cha muka ukumbagha lufu; luwawo sa lwa muka uvagha mwana wake wa imbiri; Ni lwaka lwa Jerusalemu, ukumbagha miruke na kukumba mikonu yake nokoighu ukighamba, “Ni bugha kwapo, naawuyadumbuka imbiri ya wabwaghi.”

JEREMIA 48:41

mizi ichawuswa, na ngome richawadwa. Ngolo ra mang'oni gha Moabu ituku ijo richawuya sa ngolo ya muka ukumbagha lufu lova.

JEREMIA 52:27

Niko mzuri wa Babuloni ukawikaba na kuwibwagha aho Ribla isanga ja Hamathi. Kwa huwo wandu wa Juda wikadwalwa wunyika kufuma isangenyi jawo.

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

HOSEA 13:13

Israeli ooka sa mwana mkelu uleghagha kufuma ingelo mae wakakumba lufu lova.

HOSEA 2:14

“Kwa huwo nichamghenja cha kireti sena, na oho nichadedanya nao kwa lukundo.

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

MIKA 5:3

Kwa huwo BWANA uchawikumba Waisraeli mikonunyi kwa wamaiza wawo, hata ivike ngelo ya uo uchamva uo mwana, na wamzawo wiko wubarishonyi kuwadanishwa na wambao.

WUFUNUO 12:14

ela uo muka ukanekwa mawawa awi gha indu mbaa, eri upate kuburuka cha kireti na kuikimbia iyo choka; andu uchaakaia ukilishwa kwa kimu, na vimu na nusu ya kimu.