MIKA 3:7 - Biblia Ilagho Jiboie Kwa Wandu Wose

⁷ Wandu wilodagha malagho ghichagha wichafwa waya iji ghakaia ghisekatie. Wichaserwa angu Mlungu usewitumbuliagha.

MIKA 3:7 ပူးပေါင်းရင်းမြစ်များ

ZABURI 74:9

Ndediwuewona alama redu; walodi ndewiduagha, na mndungi aghadi kodu ndewuemanya maza iri rikaia huwu hata lii.

KUFUMA 9:11

Awo waghanga ndeweredimieghe kukaia kimusi imbiri ya Musa kwa wundu ghwa iro mbama, angu iro mbama rerewibukieghe chiaimweri na Wamisri wose.

ISAYA 44:25

Ni ini nifunukuagha tee ra walaghui, na kuwimenya awo walodi wa tee; ni ini niwighaluagha awo wiwadie hikima, na kubonya kumanya kwawo kuwue duu.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

EZEKIELI 24:17

Kusorie ngolo mboaeri; kusemlilie uo ufue. Kurighe kiremba chako, kuro vadu vako; kusefinikire momu ghwako, hata kuseje vindo va ifonyi.”

EZEKIELI 24:22

Nenyo mchabonya sa iji nabonya, ndemchaafinikira memu yenyu, hata kuja vindo va ifonyi.

WALAWI 13:45

Mundu uko na sima ucharwa nguwo rirashukie nao uchalekeria iridia jake jiseshanulo, sena uchafinikira momu ghwake ghwa lughu na kughamba, ‘Ne mundu useelie! Ne mundu useelie!’

AMOSI 8:11

“Olenyi matuku ghichacha, nichaareda njala isangenyi; si njala esowa vindo, angu kau esowa machi, ela ichakaia njala esowa kughisikira malagho gha BWANA. Ini BWANA naghamba.

MIKA 3:4

Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.

MIKA 7:16

Mbari ra wandu hata ngera werekoghe na ndighi rawo rose wichaobua. Wichawadia memu yawo na kufindika madu ghawo kwa wowa.

ZEKARIA 13:4

Ngelo iyo ikavika, kula mlodi uchafushwa waya ni mawono ghake. Ndechaarwa ikoti ja mafuri, eri ukalie wandu,

1 SAMUELI 14:37

Nao Sauli ukamkotia Mlungu ukighamba, “Welee, niwiserie Wafilisti? Kuchawifunya wikabo ni Waisraeli?” Ela ijo ituku Mlungu nderemtumbulieghe anduangi.

1 SAMUELI 28:15

Nao Samueli ukamzera Sauli, “Kwaki kwanisumbua na kuniwanga?” Sauli ukatumbulia, “Nakaia na wasi m'baa, kwa kukaia Wafilisti wiabonya wuda na ini, na Mlungu wanisigha ndewuenitumbulia sena kwa walodi, angu kwa ndodo, niko nakuwanga kunighorie agho ghinifwanagha kubonya.”

1 SAMUELI 28:6

Hata iji wakotia njama kwa Mlungu, nderepatireghe matumbulio kwa ndodo hata kwa Urimu hata kwa chia ya walodi.

1 SAMUELI 9:9

(Kwa Waisraeli kala, iji mundu wakaendakotia malagho kwa Mlungu wadaghamba, “Nndokonyi dighende kwa Mmboni;” kwa kukaia umundu dimmbangagha mlodi agha matuku, kala wadawangwa Mmboni.)