MIKA 3:5 - Biblia Ilagho Jiboie Kwa Wandu Wose

⁵ Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi,

MIKA 3:5 ပူးပေါင်းရင်းမြစ်များ

MAKATANISHO 28:21

Kudawiria wandu ndekuboie; ela mundu wadima kukosa kwa wundu ghwa kuhongwa kutinieri.

ISAYA 3:12

Wandu wapo wadakorongwa ni wana, na waka wadawibonyera nguma. Ee wandu wapo, mwaawuyalaghashwa ni vilongozi venyu, na kuvurugha chia ra mighendo enyu.

JEREMIA 23:27

Waghesha kuwibonya wandu wapo winiliwe kwa iro ndodo rawo wighorianagha weni na weni, sa iji koni weke ndee wereniliwieghe wikatasa Baali.

JEREMIA 23:32

Olenyi sikwanye na awo walodi wighoragha tee kwa ndodo rawo, wighoragha na kuwilaghasha wandu wapo kwa tee rawo ra duu, ingelo nisewidumie, hata kuwilaghira; nawo ndewichaawifwana wandu awa hata kutini,” waghamba BWANA.

JEREMIA 6:14

Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.

JEREMIA 6:4

Wichaaghamba, “Kuboisenyi dilo na Jerusalemu, diwikabe ngelo ya dime ghadi.” Ela sena ii chia wiaghamba, “Dachelewa nandighi ndoe yameria kuswa; na virerendi va luma lwa kenyi vaawuyachurikia kusea.

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

EZEKIELI 13:9

Nichawikaba walodi wiwonagha mawono gha tee, na kulaghua malagho gha tee; ndewichaakaia andenyi ya njama ra wandu wapo, hata ndewichaandikwa andenyi ya chuo cha wandu wa Israeli, angu kungia andenyi ya isanga ja Israeli; nenyo mchamanya kukaia Ini ne Bwana MLUNGU.

HOSEA 4:5

Mwaawuyakuwa kio na dime, na mloli waawuyakuwa chiaimweri nenyo. Kwa huwo nichamtotesha mayo Israeli.

JOELI 3:9

“Ereshenyi malagho agha kwa mbari zima: ‘Kaienyi tayari kwa wuda wangenyi mang'oni ghenyu; kwanyenyi masikari ghenyu ghose mghende.

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MALAKI 2:8

“Ela idana inyo wakohani mwaghalukie na mbai na kuisigha chia; mwawikuwishire wandu wengi kwa mafundisho ghenyu; mwamerie kujinona ilaghano nibonyere nenyo.

MATHAYO 15:14

Wisighenyi noko! Awo ni vilongozi vifue meso. Kitungure ukamghenja kitungure mmbao, wose wawi wichachunukia kinenyi.”

MATHAYO 7:15

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

WAROMA 16:18

Angu wandu sa awo ndewimdumikiagha Bwana odu Jesu Kristo, ela wadadumikia vifu vawo veni; na kwa malagho ghidendere ghesesea-sesea, wawikalia wandu wisemanyagha.