MIKA 3:4 - Biblia Ilagho Jiboie Kwa Wandu Wose

⁴ Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.

MIKA 3:4 ပူးပေါင်းရင်းမြစ်များ

AYUBU 27:9

Welee, Mlungu wadima kusikira kililo chake, ingelo wapatwa ni wasi?

AYUBU 35:13

Loli Mlungu ndesikiragha kililo cha duu; Uo-Uwadie-Ndighi-Rose ndechitalagha.

ZABURI 18:41

Werekemieghe wikilola wutesia, ela ndekorekoghe na mndungi okira anduangi; wikamlilia BWANA, ela nderewitumbulieghe anduangi.

MAKATANISHO 1:28

Niko mchaniwanga ini Hikima, ela sichaadika; mchanilola nandighi, ela ndemchaaniwona.

MAKATANISHO 28:9

Mundu ukalegha kuisikira sharia, hata malombi ghake ghichamzamia Mlungu.

ISAYA 1:15

Mkaghorua mikonu yenyu kunilomba, sichaamzighana; hata mkalomba malombi mengi, sichaaghisikira anduangi; kwa kukaia mikonu yenyu eechua bagha.

ISAYA 3:11

Ni bugha kwa mmbiwi angu uchapatwa ni mawiwi, nao uchalipwa kara kara na kazi rake.

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

JEREMIA 33:5

Wamu waro wichacha kulwa na Wababuloni nawo wichabwaghwa, na kurichura iro nyumba ra awo wandu nichaawibwagha kwa machu na kubia kwapo; kwa kukaia namerie kughughalukia na mbai ughu muzi kwa wundu ghwa wuwiwi ghwawo ghose.

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

MIKA 3:7

Wandu wilodagha malagho ghichagha wichafwa waya iji ghakaia ghisekatie. Wichaserwa angu Mlungu usewitumbuliagha.

MIKA 7:13

Ela ndoenyi kuchawuya ikara kwa wundu ghwa wuwiwi ghwa wandu wawuyaikaia.

ZEKARIA 7:13

Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe.

MATHAYO 7:22

Wengi wichanizera Ituku Jija, ‘Bwana, Bwana, ndederechilieghe kwa irina jako, na kwa irina jako dikawinga pepo na kubonya weke mwakilimbiti wengi?’

LUKA 13:25

Iji mundu wa nyumba wawuka na kughurugha mnyango, inyo mchakaia kimusi shighadi na kukongoda mnyango mkighamba, ‘Bwana dirughuye.’ Nao uchamtumbulia, ‘Simmanyire andu mfumagha anduangi.’

JOHANE 9:31

Isi daichi angu Mlungu ndewisikiragha wakaung'a, ela uo usikirwagha ni uja umtasagha Mlungu, na kulubonya lukundo lwake.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

1 SAMUELI 8:18

Ngelo iyo mchalalamika kwa wundu ghwa mzuri onyu uo moremsaghueghe mmbeni; ela BWANA ndechaamtumbulia ituku ijo.”