MIKA 3:11 - Biblia Ilagho Jiboie Kwa Wandu Wose

¹¹ Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 3:11 ပူးပေါင်းရင်းမြစ်များ

MAKATANISHO 17:23

Mundu mmbiwi wadahongwa kivisonyi, upate kulaghasha hachi.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 48:2

Mwadakuwanga mmbeni wana wa muzi ghwa wueli, na kukusaghika kwa uo Mlungu wa Israeli; uo irina jake ni BWANA wa majeshi.

ISAYA 5:23

awo wimlekeriagha mmbiwi angu wawituwa, na kumuima mloli hachi yake.

ISAYA 56:11

Wakaia sa koshi riwadie lwafuo, wandu wisekatwagha jingi. Awo ni walisha wisewadie kumanya kungi, wose waghalukie kula mundu chia yake, kula mundu ukikulolia fwaida rake moni kwa kula chia.

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 26:7

Wakohani, na walodi, na wandu wose wikamsikira ukighora agho malagho andenyi ya Hekalu ya BWANA.

JEREMIA 5:12

Wadedie kiwiwi aighu ya BWANA, wikighamba, “Ndedimagha kubonya ilagho jingi, hata ndedichelwagha ni wuwiwi ghungi; ndedichaawona wuda ghungi hata njala.

JEREMIA 6:13

Weechulwa ni bea wose, kufuma mtini hata m'baa wawo; wakunda kupata fwaida risena hachi, kufuma mlodi hata mkohani, kula umu uabonya mikalo.

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’

JEREMIA 8:10

Kwa wundu ugho, waka wawo nichawineka wandu wazima; na mbuwa rawo nicharineka wandu wiwisimie; kwa kukaia kufuma mtini wawo hata m'baa wawo, kula umu wawo oochulwa ni bea ya fwaida iseko ya hachi; kufuma mlodi hata mkohani, kula umu uakalia wandu.

EZEKIELI 22:12

Andenyi kwako wandu wamu wadatuwa wibwaghe wandu. Mwadaboilwa kuwivara wambenyu fwaida kwa kuwikoronga, nenyo mwaniliwa ini Bwana MLUNGU.

EZEKIELI 22:27

Wabaa wa ugho muzi weeka sa vikwau virashuagha madiwo ghawo; wibwaghagha, na kutotesha wandu, eri wipate fwaida isefwane.

EZEKIELI 34:2

“Mwana wa mdamu, funya wulodi aighu ya walisha wa Israeli kuwizere kukaia ini Bwana MLUNGU naghamba huwu: Ni bugha kwa walisha wa Israeli wikulishagha weni! Welee, ndeiwifwane walisha kulisha ng'ondi?

HOSEA 4:18

Wikameria kunywa divei waghenda imbiri na wumalaya ghwawo. Wasaghua kufushwa waya.

HOSEA 4:8

Mwawuyafugha kwa wundu ghwa kaung'a rawuyabonywa ni wandu wapo; nenyo mwaawuyaboilwa iji wachuria kubonya kaung'a.

AMOSI 5:14

Lolenyi kubonya mecha, msighe mawiwi; mpate kukaia moyo; niko huwo BWANA, uo Mlungu Uwadie-Ndighi-Rose, uchaakaia chiaimweri nenyo, sa iji koni mlalaaghamba oko aeni.

AMOSI 9:10

Wakaung'a wose wa wandu wapo wichabwaghwa wudenyi, awo wighambagha, ‘Isi ndedidimagha kupatwa ni ilagho jingi.’”

MIKA 3:5

Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi,

MIKA 7:3

Kula mundu uafunga ndighi kubonya wuwiwi. Wabaa na Watanyi wialola kuhongwa. Mundu wa wuya ghodeda wadawighoria agho ukunde ubonyero, nawo wasea kidombo chiaimweri kupanga malagho ghizamie.

ZEFANIA 3:3

Wabaa wake weeka sa shimba irurumagha na watanyi wake sa vikwau viko njala, vijagha kwa lwafuo visedimagha kusighara hata indi nakesho.

ZEFANIA 3:4

Walodi wake ni wa tee, wandu wisena wuloli; wakohani wake wadalusha vilambo va wueli, na kughalusa sharia ra Mlungu kwa fwaida rawo.

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

MALAKI 2:9

Kwa wundu ugho, nicham'bonya mmenyeke kwa wandu wa Israeli, angu msesikiragha malaghiro ghapo, nenyo mwaawuyafundisha kwa kutala wandu.”

MITALO 16:15

Musa ukazamilwa nandighi ukamzera BWANA, “Kuserumirie kizongona chawo. Ini siwusire punda wa mndungi, hata sim'bonyere mndungi wawo ilagho jingi anduangi.”

MITALO 22:7

Niko waghosi wa Moabu, na wa Midiani, wikaghenda wikidwa mafungu ghelaghuilwa, wikavika kwa Balaamu, na kumghoria malagho gha Balaki.

MATHAYO 3:9

Hata msakeghesha mkighamba wei, ‘Isi de wana wa Abrahamu.’ Angu namghoria, Mlungu wadima kughibonya magho agha ghiwuye wana wa Abrahamu.

1 TIMOTHEO 3:3

useko mmbongeri, useko mundu wa wuda, ela mmboa; usekaie orasha wandu, hata ulakie na pesa.

TITO 1:11

Suti winyamiro, kwa kukaia waawuyasumbua wandu wose kula kinyumba kwa kufundisha iro maza risewifwane kufundisha; na agho waawuyabonya kwa wundu ghwa kupata fwaida isefwanagha.

1 PETRO 5:2

Lishenyi chagha cha Mlungu chiko aisi ya wuzighaniri ghonyu. Si kwa kufungishwa ndighi anduangi, ela kwa kukunda; si kwa kulola fwaida isefwane, ela kwa ngolo ielie;

JUDA 1:11

Ni bugha kwawo! Angu wadanugha iyo chia Kaini oreinughieghe, na kwa wundu ghwa fwaida, wakulekera weni winughe ikosa ja Balaamu, na kutota seji Kora oreleghieghe, ukatota.

1 SAMUELI 8:3

Ela wana wake ndewerekoghe wikinugha mfwano ghwa ndee, wikaghaluka wikikunda kushama; wikawusa hongo, na kwa chia iyo wikailaghasha hachi.