MIKA 2:9 - Biblia Ilagho Jiboie Kwa Wandu Wose

⁹ Mwadawiwinga waka wa wandu wapo wifume nyumba wirikunde; mwawisokie wana wawo watini marasimio ghapo kwa kala na kala.

MIKA 2:9 ပူးပေါင်းရင်းမြစ်များ

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

JEREMIA 10:20

Hema yapo yamerie kunonwa, na kamba raro radumbulwa; wana wapo ndewiko, waghenda wikanisigha, ndekuwadie mndungi oidunga hema yapo sena, na kuwanika pazia rapo.”

EZEKIELI 39:21

BWANA waghamba, “Nichawonyera wubaa ghwapo aghadi ya iro mbari ra wandu, naro rose richawona kutanya kwapo seji nabonya, na seji nawikaba.

JOELI 3:6

Mwawadie wandu wa Juda na Jerusalemu mkawiuza kula kwa Wagriki, na kuwiwika kula na isanga jawo.

AMOSI 2:7

Wawadia chongo cha mkiwa aterinyi na kumuima mundu ukorongelo hachi yake. Mundu na ndee wasela na muka umweri, na huwo wajilusha irina japo.

MIKA 2:2

Wikakunda mbuwa, wiariwada; wikakunda nyumba wiariwusa; ndekuwadie familia angu vilambo va mndungi viko na wulindiri ghukate.

HABAKUKI 2:14

Kwa kukaia ndoenyi kuchachulwa ni kughumanya wubaa ghwa BWANA seji machi ghichuagha baharinyi.

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

MARKO 12:40

Awa niwo wandu wiwijagha waka wakiwa, sena wikilomba malombi mengi wipate kukaswa. Awa wichapata kutanywa kubaa.”

LUKA 20:47

nawo wawija waka wakiwa, na ichia wialomba malombi mengi gha mikalo. Awo wichapata kutanywa kubaa.”

2 WAKORINTHO 3:18

Na isi diwose, dikikaia na wushu ghusefinikiro, daghuzighana wubaa ghwa Bwana sa kwa kilole, na kughaluswa hata divikie kufwanana nao, kwa ugho wubaa ghuchumbie; angu maza iri riafuma kwa Bwana, uo uko Roho.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

1 SAMUELI 26:19

Kwa huwo idana bwana wapo sikira malagho ghapo ini mdumiki wako. Ikakaia ni BWANA ukubonyere kunidiweghe huwu, nderumirie kizongona; ela ikakaia ni wadamu, ndewiwado ni njowe imbiri ya BWANA; kwa kukaia waniwinga nisepate iwaghio jingi ja ifwa ja BWANA; wikinizera, ‘Ghenda kuidumikie milungu mizima.’