MIKA 2:4 - Biblia Ilagho Jiboie Kwa Wandu Wose

⁴ Ngelo iyo ikavika, wandu wichatumia lughano lukaie mfwano ghwa wasi, nawo wichabora lumbo ulu lofwa ngolo kwa agho mughiwonie wikighamba, ‘Dameria kunonwa putu, BWANA wamerie kuwusa isanga jedu, na kujineka wandu wididwae wunyika.’”

MIKA 2:4 ပူးပေါင်းရင်းမြစ်များ

2 SAMUELI 1:17

Nao Daudi ukawililia Sauli na mwana wake Jonathani kwa lumbo,

2 MALAGHO GHA NGELO 35:25

Mlodi Jeremia wori ukadunga kililo chemlilia Josia. Wabori wose wa womi na wa waka wadatumia agho malagho ghemlilia Josia kililonyi kwawo hata linu. Wikaghibonya ghikaie mafundisho andenyi ya Israeli; nagho ghaandikilo andenyi ya Kililo.

AYUBU 27:1

Niko Ayubu ukawada kudeda sena ukaghamba,

ISAYA 14:4

mchamseka mzuri wa Babuloni mkighamba; “Mkorongi watua! Lung'eto lwa kubia kwake lwasia!

ISAYA 24:3

Ndoenyi kuchanoneka putu na kumerelwa, kwa kukaia BWANA wajighora ilagho iji.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

JEREMIA 14:18

Ngaghenda noko cha mbuwenyi, niawona awo wibwaghilo wudenyi; ngawuya mzinyi, niawona awo wibwaghwaa ni njala. Walodi na wakohani wiabonya kazi rawo isangenyi, hata ndewimanyagha ilagho jingi anduangi.”

JEREMIA 4:13

Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

JEREMIA 6:12

Nyumba rawo richanekwa wandu wazima, mbuwa rawo chiaimweri na waka wawo wori, kwa kukaia nichaghughorua mkonu ghwapo kuwikaba wandu wose wikaiagha isangenyi.

JEREMIA 8:10

Kwa wundu ugho, waka wawo nichawineka wandu wazima; na mbuwa rawo nicharineka wandu wiwisimie; kwa kukaia kufuma mtini wawo hata m'baa wawo, kula umu wawo oochulwa ni bea ya fwaida iseko ya hachi; kufuma mlodi hata mkohani, kula umu uakalia wandu.

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

JEREMIA 9:16

Nichawisasara aghadi ya mbari ra wandu wiseriichi, hata weke ndee wisererimanyireghe; nani nichawidumia majeshi hata wameria kutoteshwa.”

EZEKIELI 16:44

“Ola wandu wose widedagha kwa makatanisho wichaghora huwu aighu yako Jerusalemu, ‘Mwai ooka sa mae.’

EZEKIELI 2:10

Ukachikuchua imbiri kwapo, nacho chereandikiloghe na imbiri na nanyuma malagho ghelila na kulilia, na bugha.

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JOELI 1:8

Inyo wandu, lilenyi sa mwai umliliagha mchumba wake wafwa.

AMOSI 5:1

Sikirenyi ulu lumbo lolila inyo wandu wa Israeli:

AMOSI 5:17

wandu wichakaia wikilila andenyi ya mbuwa rose ra mizabibu, kwa kukaia nichaida aghadi konyu ngimkaba;” waghamba BWANA.

MIKA 1:15

Inyo wandu wa Maresha, BWANA uchamfunya msimo ni m'maiza, nao uchawada muzi ghonyu. Vilongozi va Israeli wichaghenda na kukuvisa mbangenyi ya Adulamu.

MIKA 1:8

Niko Mika ukaghamba, “Kwa wundu ghwa ilagho iji nichalila na kukema mchungu; nichaghenda na maghu maduu niko mtughuta; nichakema sa kikwau, na kulila sa nyagha, kuwonyera wasi ghwapo.

MIKA 2:10

Wukenyi mghende; ndemmbwadie wubanana ghungi aha sena. Kaung'a renyu rabonyere andu aha kunoneke.

HABAKUKI 2:6

Awandu wasimwa wichawiseka awo wandu na kuwimenya wikighamba, “Ni bugha konyu mmbusagha vilambo viseko venyu. M'bonya huwo hata lii mkiwilawia wasile wenyu?”

ZEFANIA 1:2

BWANA ukaghamba, “Nichatotesha kula kilambo ndoenyi.

MITALO 23:18

Balaamu ukaghamba, “Balaki wuka kusikire, nisikire, ee mwana wa Sipori:

MITALO 23:7

Balaamu ukawada kudeda na kughamba, “Balaki wanireda kufuma Aramu, mzuri wa Moabu waniredie kufuma mighondi ya mashariki. ‘Choo kuniwasirie Jakobo njowe, choo kuniewerie Israeli!’

MITALO 24:15

Nao ukawada kudeda ukaghamba, “Madedo gha Balaamu mwana wa Beori, madedo gha mundu uwonagha;

MITALO 24:3

ukawada kudeda ukaghamba, “Madedo gha Balaamu mwana wa Beori, madedo gha mundu uwonagha;

MARKO 12:12

Nao vilongozi va Wayahudi wikakunda kummbwada, kwa kukaia weremanyireghe angu mfwano ugho ni kwa wundu ghwawo. Ela wikaobua izungu, wikamsigha na kughenda chia rawo.

WUKUMBUSO 28:29

na oho kuchalaghalwa ni chia dimeghadi sa kitungure, hata maza rako nderichaakaia nicha; sena kuchakorongwa na kusokwa kari kose, hata ndekuchaakaia na mndungi okutesia anduangi.