MIKA 2:2 - Biblia Ilagho Jiboie Kwa Wandu Wose

² Wikakunda mbuwa, wiariwada; wikakunda nyumba wiariwusa; ndekuwadie familia angu vilambo va mndungi viko na wulindiri ghukate.

MIKA 2:2 ပူးပေါင်းရင်းမြစ်များ

1 WAZURI 21:1

Nabothi Mjezreeli orekoghe na mbuwa ya mizabibu kaavui na ngome ya Mzuri Ahabu.

2 WAZURI 9:26

ukighamba, ‘Kwa loli seji niwonie bagha ya Nabothi na ya wana wake ikidika ighuo, waghamba BWANA, nichalipia kisasi ahaeni mbuwenyi.’ Kwa huwo mkumbe ahoeni mbuwenyi kara kara na ilagho ja BWANA.”

AYUBU 31:38

“Ikakaia niiwie ndoe nawuyailima, ngawisoka wandu waro,

KUFUMA 20:17

“Kusakebonya iriso kwa nyumba ya mmbenyu, kusakebonya iriso kwa muka wa mmbenyu, hata kwa mzumba wake wa womi angu wa waka, hata kwa ng'ombe yake, hata kwa punda wake, hata kwa kilambo chingi chiko cha mmbenyu.”

ISAYA 3:14

BWANA wawitanya waghosi, na wabaa wa wandu wake wawizera, “Ni inyo mjie mbuwenyi ra mizabibu, vindo muwisokie wakiwa veko nyumbenyi konyu.

ISAYA 5:8

Ni bugha kwa awo wighuagha na kuchuria nyumba aighu ya nyumba, na mbuwa aighu ya mbuwa; hata wandu wazima wisowe andu kokaia, nenyo mchakaia muekeri aghadi ya ijo isanga.

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

EZEKIELI 18:12

na kumkoronga mkiwa usowagha, na kusoka, usewunjagha wufunga ghwa kilambo orekopeshereghe, utasagha milimu na kubonya wuchafu.

EZEKIELI 22:12

Andenyi kwako wandu wamu wadatuwa wibwaghe wandu. Mwadaboilwa kuwivara wambenyu fwaida kwa kuwikoronga, nenyo mwaniliwa ini Bwana MLUNGU.

EZEKIELI 22:13

“Kwa huwo idana, nichakaba chui rapo kwa wundu ghwa inyo kuwusa fwaida isefwanagha, na kwa kudia bagha aghadi konyu.

EZEKIELI 33:26

Mwakusaghika na lufu, na kubonya wuchafu; kula umu onyu waawuyakulusha kwa kulala na muka wa mmbao. Welee, mwadima kujiwusa iji isanga?

EZEKIELI 45:9

“Ini Bwana MLUNGU naghamba huwu: Uko kutumia ndighi konyu na kukoronga wandu kwakata ee wabaa wa wandu wa Israeli. Sighenyi agho, m'bonye maza ra loli na hachi; sighenyi kusoka wandu wapo. Ini Bwana MLUNGU naghamba.

EZEKIELI 46:18

M'baa wa isanga ndechaasoka wandu wa isanga mafwa ghawo, angu kuwikoronga kwa wundu ghwa mali rawo, ela uchaneka wana wake ifwa kufumanya na mali rake reni, eri mndungi wa wandu wapo usechetanywa na ifwa jake.”

EZEKIELI 8:17

BWANA ukanizera, “Mwana wa mdamu, kwawona agha? Wandu wa Juda ndewiwuekatwa ni wuchafu wawuyaghubonya aha, wachuria wuwiwi ghobonya wuda isangenyi, na kuchuria kunibonya nijoko ni machu. Wona sena wiangira lumbashu mbuonyi kwawo.

AMOSI 2:7

Wawadia chongo cha mkiwa aterinyi na kumuima mundu ukorongelo hachi yake. Mundu na ndee wasela na muka umweri, na huwo wajilusha irina japo.

AMOSI 4:1

Sikirenyi agha inyo waka wa Samaria, m'bandie sa ng'ombe ra Bashani rilishwagha aighu ya mighondi ya Samaria; mkorongagha wakiwa, na kuwitirira awo wisowagha na kuwizera womi wenyu, “Redenyi chofi dinyo.”

AMOSI 8:4

Sikirenyi agha inyo muwifashagha wandu wisena kindo chingi, na kukunda kuwitotesha wakiwa wa isangenyi.

MIKA 3:9

Nisikirenyi inyo wabonyi nguma wa Israeli, mzamilwagha ni kubonya hachi na kughalua loli iwuye tee.

MIKA 6:12

Wazuri wako wa mali waawuyasoka wakiwa na inyo mmbose mooka watee.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

1 TIMOTHEO 6:10

Angu kuzoya kwa mawiwi ghose ni kuja kukunda mali; na kwa chia ya bea nyingi wandu wamu walaghaya na kujisigha ijo irumirio, nawo wavavira ngolo rawo kwa luwawo lubaa.