MIKA 2:13 - Biblia Ilagho Jiboie Kwa Wandu Wose

¹³ Mlungu uchawirughuya chia ewuya; uchawilongoza wifume wubarishonyi. Wicharirughua mbenge ra muzi na kungia kwa sere; mzuri wawo, uo BWANA moni uchawilongoza shighadi.

MIKA 2:13 ပူးပေါင်းရင်းမြစ်များ

KUFUMA 14:19

Niko malaika wa Mlungu, uo orekoghe ukilongoza majeshi gha Israeli ukaghaluka na kuwuya na nyuma. Ija nguro ya iwingu wokoni ikaghaluka na kukaia na nyuma,

ISAYA 42:7

Kupate kutambua meso gha vitungure, na kufungua wafungwa wifume kifungonyi, na awo wiko kirenyi wipate kufunguka.

ISAYA 51:12

BWANA waghamba, “Ni Ini, ee, ni inimoni nikuhoreshagha, waghamba BWANA; kwaki oho kumuobuagha mdamu ufwagha, uo mwana wa mdamu uko sa nyasi riomagha shwa,

ISAYA 52:12

Kwa kukaia ndemchaafuma kwa shwa-shwa hata ndemchaakimbia, Angu BWANA uchamkiria imbiri konyu, uo Mlungu wa Israeli uchakaia mlindiri onyu nanyuma.

ISAYA 55:4

Olenyi nam'bonyere ukaie wushuhuda kwa wandu, kilongozi na m'baa wa wandu.

DANIELI 2:44

Matuku gha awo wazuri, Mlungu wa mlungunyi uchawika wuzuri ghusechaanonwa jingi, hata nguma raro nderichaasighilwa mndungi. Wuzuri ugho ghuchachikanya-chikanya agha mawuzuri ghose, na kughimeria; nagho ghuchadua kwa kala na kala.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

HOSEA 13:14

Nichawikira awandu na wurumwengu ghwa wafu; nichawikombua na ndighi ra kifwa. Ee kifwa luvia lwako loko hao? Sichaakaia na wughoma ghungi,

HOSEA 2:2

BWANA waghamba, “Wana wapo, mvoyenyi mayo, mumvoye - kwa kukaia si muka wapo kungi, na ini se mumi wake anduangi - upate kughaluka na kughusigha wumalaya ghwake, na wulaki ghwake gholeghakaia mloli;

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

MIKA 2:12

“Ela nichamkwanya chiaimweri inyo wandu wa Israeli wisigharikie. Nichamtumbanya chiaimweri sa ng'ondi riwuyagha iranunyi. Isanga jenyu jichachulwa ni wandu sena, sa wungi ghwa ng'ondi riko mlambenyi.”

MIKA 3:1

Sikirenyi inyo wabaa wa Israeli! Welee, si inyo msuwirilwagha kuitala hachi?

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

ZEKARIA 10:12

Nichawibonya wandu wapo wikaie na ndighi, wichanitasa na kunisikira.” Ini BWANA naghamba.

WAEBRANIA 6:20

andu Jesu uzoe ukakiria na kungia kwa wundu ghodu, uendawuya Mkohani M'baa wa kala na kala, kwa kunughishira wukohani ghwa Melkizedeki.

JOSHUA 3:6

Joshua ukawizera wakohani, “Wadenyi Sanduku ya Ilaghano muide nayo imbiri ya wandu.” Wikaiduka Sanduku, wikaida nayo imbiri ya wandu.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”