MIKA 2:12 - Biblia Ilagho Jiboie Kwa Wandu Wose

¹² “Ela nichamkwanya chiaimweri inyo wandu wa Israeli wisigharikie. Nichamtumbanya chiaimweri sa ng'ondi riwuyagha iranunyi. Isanga jenyu jichachulwa ni wandu sena, sa wungi ghwa ng'ondi riko mlambenyi.”

MIKA 2:12 ပူးပေါင်းရင်းမြစ်များ

KUZOYA 36:33

Bela ukafwa, na Jobabu mwana wa Zera kufuma muzi ghwa Bosra, ukabonya nguma wulalo ghwake.

1 MALAGHO GHA NGELO 1:44

Bela uendafwa, Jobabu mwana wa Zera kufuma Bosra ukabonya nguma wulalo ghwake.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 27:12

Ngelo iyo, BWANA uchachana na kuela wandu wake sa ngano, kufuma Moda ghwa Eufrate hata kamoda ka Misri; nenyo mchakwanywa umweri umweri, ee wandu wa Israeli.

ISAYA 34:6

Lufu lwa BWANA luchachulwa ni bagha rawo na kurogha mavuda ghawo, sa bagha na mavuda gha wana wa ng'ondi na wa mburi, kara kara na mavuda gha figho ra bauru. Kwa kukaia BWANA uchafunya kizongona aja Bosra na kubwagha wandu wengi isanga ja Edomu.

ISAYA 5:17

Niko wana wa ng'ondi wichaja nyasi sa mlambenyi ghwawo, ngache na ndaghina richaja maghachonyi.

JEREMIA 23:3

Nani nichatumbanya masighariko gha wandu wapo kufuma masanga ghose nerewiwingieghe, na kuwiwunja andu kwawo; nawo wichava na kuchurikia.

JEREMIA 3:18

Matuku agho, mbari ya Juda ichawadana na mbari ya Israeli, nawo wose wichafuma isanga ja kaskazinyi na kuwuya ijo isanga nerejinekieghe weke ndee jikaie ifwa jawo.”

EZEKIELI 34:11

“Ini Bwana MLUNGU naghamba kukaia nicharilola ng'ondi rapo hata niriwone.

EZEKIELI 34:13

Nani nicharifunya kufuma kwa wandu, na kufuma masangenyi. Nicharireda isangenyi jawo jeni, na kurilisha aighu mighondinyi ya Israeli, mbai na mbai ya ndoria ra machi, na andu kose kukailwagha ni wandu isangenyi.

EZEKIELI 34:22

nichakira ng'ondi rapo risewuye madiwo sena, nani nichatanya aghadi ya ng'ondi na ng'ondi.

EZEKIELI 34:31

Inyo mo ng'ondi rapo, iro ng'ondi ra malisho ghapo, mo wandu wapo, na ini ne Mlungu onyu. Ini Bwana MLUNGU naghamba.”

EZEKIELI 36:37

Bwana MLUNGU waghamba huwu, “Nichawibonya wandu wa Israeli winilombeghe, nani nichawibonya wichurikie kwa wungi sa ng'ondi.

EZEKIELI 37:21

kuwizere, kukaia ini Bwana MLUNGU nichawireda wandu wa Israeli kufuma kwa iro mbari ra wandu andu werekoghe wadwalwa wunyika. Nichawitumbanya kufuma andu kose, na kuwireda andenyi ya isanga jawo jeni.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

AMOSI 1:12

Kwa huwo nichaduma modo aighu ya muzi ghwa Temani, na kurikora ngome ra Bosra.”

MIKA 2:13

Mlungu uchawirughuya chia ewuya; uchawilongoza wifume wubarishonyi. Wicharirughua mbenge ra muzi na kungia kwa sere; mzuri wawo, uo BWANA moni uchawilongoza shighadi.

MIKA 4:8

Na oho, ee Jerusalemu, andu Mlungu orekoghe ukichereshera wandu wake sa mlisha uko mnarenyi, nichakubonya kukaie muzi m'baa ghwa wuzuri ghonyu sa kala.

MIKA 5:7

Masighariko gha Waisraeli wichakaia sa mami gharedwa ni BWANA kwa wundu ghwa mbari nyingi, sa mshushure aighu ya miwalwa. Nawo wichamsuwiria Mlungu uekeri.

MIKA 5:8

Wandu wisigharikagha wa Israeli aghadi ya iro mbari zima, wichakaia sa shimba ilolagha vindo akilembenyi, nayo yadangiria ng'ondi na kurirashua viluponge, hata isuwirio jingi jekia jisoweke.

MIKA 7:14

Lisha wandu wako kuwisaghue kumoni BWANA. Hata ngera wakaie wisasarikie noko cha kireti, jeko isanga jinorie jiwimare mbai mbai. Wisighe wije malisho ghinorie gha Bashani na Gileadi seji werebonyagha kala.

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

ZEFANIA 3:20

Ngelo iyo nichawiwunja mzinyi awo weresaghisiroghe; nicham'bonya mmboneke wa ishima wurumwengunyi kose, nicham'bonya mkaie nicha sena.” Ini BWANA naghamba.