MIKA 2:1 - Biblia Ilagho Jiboie Kwa Wandu Wose

¹ Ni bugha kwa wandu wilalagha wilave kwa kubonya mipango izamie. Ndoe ikaela, wichaikatisha mipango iyo iji wapata wulalo.

MIKA 2:1 ပူးပေါင်းရင်းမြစ်များ

KUZOYA 31:29

Nadima kukubonya kiwiwi, ela Mlungu wa ndeyo waghorie nani ikwau ukighamba, ‘Kukulindie kusemzere Jakobo ilagho jingi jiboie angu jizamie!’

1 WAZURI 21:7

Mkake Jezebeli ukamzera, “Ado sena ni oho kumoni mzuri? Wuka kuje vindo, kuseke na wasi ghungi. Ini nikuneka iyo mbuwa ya Nabothi Mjezreeli.”

ESTA 3:8

Nao Hamani ukamzera mzuri, “Eko mbari imu ya wandu wisasarikie andu kose kwa wuzuri ghwako, nawo weko kula isanga. Wandu awa weko na sharia zima putu risefwanane na sharia ra wandu wazima. Chiaimweri na huwo, ndewinughagha sharia rako; kwa huwo kukeduarumaghianya nawo, ndewikufwanagha kilambo chingi.

ESTA 5:14

Nao muka wake Zereshi na waghenyi wake, ukamneka agha maghesho: “Wele uo mundu ndabonyerwagha mudi ghuko na wulacha ghwa meta mrongo iwi na iwi, nao kesho kughore na mzuri Mordekai ubwagho kwa kuwanikwa aighu yaro? Niko aho kuchaangia karamunyi na mzuri kuko na kuboilwa.” Hamani ukaboilwa ni agho maghesho, ukaghuboisa ugho mudi ghobwaghia wandu.

ESTA 9:25

Ela Esta ukamghendia mzuri, na mzuri ukafunya momu kwa maandiko angu ija njama ya mikalo oreibonyereghe Hamani imghalukie moni; kukaia, uo na wana wake wibwagho kwa kuwanikwa aighu ya ghuja mudi ghobwaghia wandu.

AYUBU 15:35

Wandu awo wadabonya mipango ereda wasi, na kubonya mawiwi; ngolo rawo rachulwa ni mikalo.”

AYUBU 24:14

M'bwaghi wadawuka ndoe iko kira, upate kum'bwagha mkiwa na uo usowagha; nakio wadaiwa sa kitoi.

ZABURI 36:4

Wadapanga maza mbiwi uko wulinyi kwake; ndebonyagha ilagho jingi jiboie, hata ndeleghagha wuwiwi ghungi anduangi.

ZABURI 36:5

Lukundo lwako lukatie ee BWANA, lwavika hata mlungunyi; wuloli ghwako ghwavika hata mawingunyi.

ZABURI 58:3

Wandu wawiwi weelaghaya kufuma kifunyi; wadakosa na kughora tee kufuma kuvalwa kwawo.

MAKATANISHO 12:2

BWANA wadaboilwa ni mundu mucha; ela wadamtanya mundu wa njama mbiwi.

MAKATANISHO 14:22

Welee, wandu wibonyagha mipango ya wuwiwi ndawadakosa? Ela awo wibonyagha mipango iboie wadapata kukundwa na kurumirilwa.

MAKATANISHO 3:27

Kusakelegha kuwibonyera wucha awo ifwanagha wibonyero ingelo kuko na nguma ewibonyera.

MAKATANISHO 4:16

Wawiwi ndewilalagha wisaabonya ilagho iwiwi; ndewilalagha wisaamghusha mndumu.

ISAYA 29:20

Uchawitotesha wang'eti, na awo wisekagha kwa lumenyo uchawinyamira, na wose wichereshagha kwa kubonya wuwiwi uchawiinja putu.

ISAYA 3:14

BWANA wawitanya waghosi, na wabaa wa wandu wake wawizera, “Ni inyo mjie mbuwenyi ra mizabibu, vindo muwisokie wakiwa veko nyumbenyi konyu.

ISAYA 32:7

Mundu wa mikalo ni mmbiwi, wadaghesha malagho gha wuwiwi, upate kumkita mkiwa kwa mikalo yake, hata ngera malombi gha uo mkiwa ni gha hachi.

ISAYA 5:8

Ni bugha kwa awo wighuagha na kuchuria nyumba aighu ya nyumba, na mbuwa aighu ya mbuwa; hata wandu wazima wisowe andu kokaia, nenyo mchakaia muekeri aghadi ya ijo isanga.

ISAYA 59:3

Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

EZEKIELI 11:2

Nao Mlungu ukanizera, “Mwana wa mdamu, awa niwo wandu widungagha malagho gha wuwiwi, na kufunya njama ra wuwiwi andenyi ya ughu muzi.

EZEKIELI 33:26

Mwakusaghika na lufu, na kubonya wuchafu; kula umu onyu waawuyakulusha kwa kulala na muka wa mmbao. Welee, mwadima kujiwusa iji isanga?

EZEKIELI 38:10

Bwana MLUNGU wakuzera huwu oho Gogu, “Ngelo iyo ikavika, kuchachelwa ni maghesho ghebonya mipango ya wuwiwi.

EZEKIELI 46:18

M'baa wa isanga ndechaasoka wandu wa isanga mafwa ghawo, angu kuwikoronga kwa wundu ghwa mali rawo, ela uchaneka wana wake ifwa kufumanya na mali rake reni, eri mndungi wa wandu wapo usechetanywa na ifwa jake.”

MIKA 6:12

Wazuri wako wa mali waawuyasoka wakiwa na inyo mmbose mooka watee.

NAHUMU 1:11

Mundu ubonyere njama mbiwi aighu ya BWANA oofuma kwako ee Nineve, uo ubonyere mipango ya wuwiwi.

ZEKARIA 7:10

Msewikoronge waka wakiwa, wana wakiwa, waghenyi wiko aghadi konyu, angu mndungi usowagha. Msekaie na njama em'bonyera mndungi kiwiwi chingi.’

MARKO 15:1

Hata nakesho kio, wakohani wabaa, waghosi, walimu wa Sharia na wandu wa mwandu wose, wikabonya njama chia imweri, wikamfunya Jesu na kumghenja kwa Pilato.

LUKA 20:19

Walimu wa Sharia na wakohani wabaa weremanyireghe angu Jesu oreghorieghe mfwano ugho kwa wundu ghwawo, wikakunda kummbwada ija ngelo cheni, ela werewiobueghe wandu.

JOHANE 19:11

Jesu ukamzera, “Oho ndakwakaiagha na nguma ringi aighu yapo ngera kuserenekeloghe ni Mlungu. Kwa wundu ughu, uo wanireda kwako nuo uko na kaung'a mbaa kuchumba.”

MABONYO GHA WADUMI 23:12

Nao iji ndoe yaela, Wayahudi wikabonya njama, wikafungana kwa kughema kukaia ndewichaaja hata kunywa wisem'bwaghie Paulo.

MABONYO GHA WADUMI 23:15

Idana inyo chiaimweri na mwandu, mghenje malagho kwa m'baa wa majeshi, umrede konyu seji mookunda kumanya nicha malagho ghake; nesi dicham'bwagha imbiri usevikie kaavui.”

WAROMA 1:30

Ni wandu wizighirianagha, wizamilwagha ni Mlungu, wishughunukie, wikujosagha, na kukukasa. Wandu wichue sheshe, wisesikiragha wavi,

WUKUMBUSO 28:32

Wana wako wa womi na wa waka wichanekwa wandu wazima kukiwona, na oho kuchawizighanira dime dii hata kusilo kukikunda kuwiwona, kusedimagha kuwitesia na ilagho jingi.