MIKA 1:9 - Biblia Ilagho Jiboie Kwa Wandu Wose

⁹ Kushoghonoka kwa Samaria ndekudimagha kuboa; Juda walighisa kupatwa ni wasi ugho ghoni; wuwiwi ghwacha hata mbengenyi ra Jerusalemu, andu wandu wapo wikaiagha.”

MIKA 1:9 ပူးပေါင်းရင်းမြစ်များ

ISAYA 3:26

Mbenge ra muzi ghwa Jerusalemu richalila na kukema mchungu; na muzi ghuchakaia sa muka wasea kidombo wasighwa duu.

ISAYA 36:1

Mwaka ghwa ikumi na inya ghwa kubonya nguma kwa Mzuri Hezekia, Senakeribu mzuri wa Ashuru ukangia kuikaba mizi ya ngome ra Juda na kuiwada.

ISAYA 36:2

Mzuri wa Waashuru ukamduma Rabshake kufuma Lakishi kwa Mzuri Hezekia aho Jerusalemu, na ijeshi ibaa. Ukacha na kubonya kambi aho mkuonyi ghwa iyo ndiwa iko chienyi mbaa eghenda Mbuwa ya Dobi.

JEREMIA 15:18

Kwaki luwawo lwapo lusesiagha na chonda chapo chiseboagha? Welee, kuchawuya sa kamoda ka tee kwapo, kara kara na machi ghiomagha?”

JEREMIA 46:11

Inyo wandu wa Misri jokenyi cha Gileadi, mpate wughanga ghwa mavuda; mwatumie maghanga mengi duu, ghisedimagha kum'boisa.

MIKA 1:12

Wandu wa Marothi waawuyawesera kupata mecha kwa bea mbaa; kwa kukaia BWANA wawiredia mawiwi kaavui na Jerusalemu.

MIKA 6:13

Kwa huwo nazoya kubonya mipango ekunona na kukutotesha kwa wundu ghwa kaung'a rako.

NAHUMU 3:19

Kushoghonoka kwako ndekurighitikagha, vonda varo ndeviboagha. Wandu wisikiragha malagho ghako, wichakaba chui kwa kuboilwa. Nani useichi kinyanya chako chisene kutua?