MIKA 1:6 - Biblia Ilagho Jiboie Kwa Wandu Wose

⁶ Kwa huwo BWANA waghamba, “Nichaibonya Samaria iwuye kitungasi cha mbuwenyi, iwuye andu kowa mizabibu; nicharimicha kokoto ra muzi ghwavuchulwa nokoisi cha vololonyi, na misingi ya muzi ichasighwa miduu.

MIKA 1:6 ပူးပေါင်းရင်းမြစ်များ

2 SAMUELI 17:13

Ukangia na kukuvisa andenyi ya muzi ghumu, Waisraeli wose wichacha na kamba na kughukokota ugho muzi cha vololonyi, hata igho jingi jisesigharike.”

2 WAZURI 18:10

na kutua kwa miaka idadu, ukaghuwada ugho muzi. Mwaka ghwa karandadu ghwa Hezekia, nagho ni mwaka ghwa ikenda ghwa Hoshea mzuri wa Israeli, muzi ghwa Samaria ghukawadwa.

2 WAZURI 18:9

Mwaka ghwa kana ghwa kubonya nguma kwa mzuri Hezekia, nagho ni mwaka ghwa mfungade ghwa Hoshea mwana wa Ela, Mzuri wa Israeli, niko Shalmaneseri mwana wa Ela, mzuri wa Ashuru orejokieghe kulwa na Samaria; ukaghurughaia ugho muzi,

2 WAZURI 19:25

“Jingi ndekusikire kukaia nereibonyereghe mipango kokala uko? Ngabonya mipango iyo nawuyaikatisha idana, kupate kughalua mizi ya ngome iwue maghacho;

ISAYA 17:1

Agha nigho malagho aighu ya Dameshki. “Dameshki ndeichaakaia muzi sena, ela ghuchawuya maghacho.

ISAYA 25:12

na BWANA uchaghusha mawurigha gha ngome rawo ghiko ighu, na kughighusha andoenyi hata terinyi.

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

JEREMIA 31:5

Mchawa mizabibu sena aighu ya mighondi ya Samaria, na awo wiwagha, wichaboilwa ni matunda gharo.

JEREMIA 51:25

Ola nichalwa na oho ee Babuloni Mnoni kuko sa mghondi ghototesha, nagho ghwadatotesha ndoenyi kose; nichaghorua mkonu ghwapo aighu yako, nani nichakung'arisha kufuma mchombololonyi ghwa igho, nikughushe andoenyi na kukubonya sa mghondi ghukorelo.

JEREMIA 51:37

Na Babuloni ichanonwa na kuwuya ighacho; iwuye andu kwa mizozo, koshinikilwa na kusekwa, kusekailwagha ni wandu.

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

KILILO CHA JEREMIA 4:1

Dhahabu yedu ing'alaa-ng'ala eefuwia; magho gha zoghori mbaa gha Hekalu gheesasarika achienyi.

EZEKIELI 13:14

Nani nichaghuchikanya ugho wurigha moreghushingieghe chokaa na kughusasara andoenyi, eri msingi ghwaro ghusigho mduu; na iji ghwameria kughwa, inyo mchatoteshwa aghadi yaro, nenyo mchamanya kukaia ini ne BWANA.

HOSEA 13:16

Suti Samaria ikabo kwa wundu ghonilegha. Wandu wake wichafwa wudenyi; wana wawo wichabarilwa ndonyi, na waka wawo wiko na vifu wicharashulwa.”

AMOSI 5:11

Mwawikorongie wakiwa kwa kuwisoka viro vawo. Kwa huwo ndemchaarikaia iro nyumba ra magho muriaghie, hata kunywa divei iboie ifumagha kwa iyo mizabibu iboie muiwae.

AMOSI 6:8

Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”

MIKA 3:12

Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.

HABAKUKI 3:13

Oho korefumieghe kuwikire wandu wako, kupate kumkira mzuri uo mshingwa mavuda wako. Oho korem'barieghe chongo uo kilongozi wa wawiwi, kukawitotesha wanughi wake putu.

MATHAYO 24:2

Ela uo ukawitumbulia, “Mwaghiwona agha ghose? Namghoria loli, ndekuwadie igho jingi jichaasigharika aighu ya mmbao jiseghushiro andoenyi anduangi.”