MIKA 1:3 - Biblia Ilagho Jiboie Kwa Wandu Wose

³ BWANA waawuyacha kufuma andu kwake kwa wueli; uchacha na kusela aighu ya mido ya mighondi.

MIKA 1:3 ပူးပေါင်းရင်းမြစ်များ

AYUBU 40:12

Mzighane kula mundu ukujosere kumsere; kuwifashe wawiwi andu koni wiko.

ZABURI 115:3

Mlungu odu oko mlungunyi, wadabonya ijo jose ujikundagha.

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ISAYA 26:21

Olenyi BWANA uacha shwa-shwa kufuma andu kwake; upate kuwikaba wandu wiko ndoenyi, kwa wundu ghwa kaung'a rawo; ndoe ichaifunukua iyo bagha erediriloghe aighu yaro, hata ndeichaawivisa awo werebwaghiloghe anduangi.

EZEKIELI 3:12

Niko Roho wa Mlungu ukaniwusira nokoighu, nani ngasikira lwaka nanyuma yapo, lwaka lubaa losughusa ndoe lukighamba, “Wubaa ghwa BWANA ndeghukaso mlungunyi koighu.”

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

AMOSI 9:5

BWANA Uwadie-Ndighi-Rose wadaadada ndoe nao isughusike; wandu wose wikaiagha aho walila. Wurumwengu ghose ghwawuka na kusea sa Moda ghwa Naili.

HABAKUKI 3:19

Mlungu, uo BWANA Uwadie-Ndighi uchanineka ndighi, uchabonya maghu ghapo ghikaie ghiangue sa gha shaa wadanibonya nighende aighu mighondinyi banana.

ZEKARIA 14:4

Ituku ijo, BWANA uchakaia kimusi aighu ya Mghondi ghwa Mizeituni kulangaya cha mashariki ya Jerusalemu. Niko Mghondi ghwa Mizeituni ghuchawaghika vibelele viwi kufuma mashariki hata magharibi na vololo mbaa aghadi. Nusu imu ya mghondi ichakaia cha kaskazinyi, na nusu imu ichakaia cha kusinyi.

WUKUMBUSO 32:13

“Orewisighieghe wibonye nguma masanga ghiko ighu, wikaja vindo va mbuwenyi. Werepatireghe wuki amaghonyi, na mizeituni ikazoghua nicha andoenyi ra magho.

WUKUMBUSO 33:29

Israeli kuboilwa saki! Ndekuwadie ungi ufwanane nenyo, mburi ikirilo ni BWANA. BWANA moni ni ngao yenyu na lufu lonyu upate kumlindia na kumneka wusimi. Wamaiza wako wichacha wikikulomba wughoma, na oho kuchawifasha-fasha.