MCHILI 9:3 - Biblia Ilagho Jiboie Kwa Wandu Wose

³ Wuwiwi ghuko kwa agho ghose ghawuyabonyeka wurumwengunyi ni ughu: wandu wose kupatwa ni kutua kumweri. Aighu ya agho, ingelo wandu wiko moyo, wachulwa ni wuwiwi na isu, konyuma wafwa.

MCHILI 9:3 ပူးပေါင်းရင်းမြစ်များ

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

AYUBU 15:16

Mdamu uzamie na kunoneka, ubonyagha wuwiwi sa kunywa machi urumirikia wada?

AYUBU 21:26

Wose wafwa na kurikwa, na wose wajokwa ni ming'ori.

AYUBU 9:22

Ghose ni kara kara; niko naghamba wadatotesha wose wecha na wawiwi.

ZABURI 51:5

Ini ne mkaung'a kufuma kuvalwa kwapo; ne mkaung'a kufuma naamwa kifunyi kwa mao.

ZABURI 64:7

Ela Mlungu uchawilasa na iwanu jake, nawo wichashoghonoka ghafla.

MAKATANISHO 14:32

Mmbiwi wadanonwa ni agho mawiwi ughibonyere, ela mundu wa hachi wadalindilwa ni wucha ghwake.

MCHILI 1:17

Ngatumia akili rapo ngikunda kumanya hikima niki, na isu na wukelu niki. Ngawona uku nako ni sa kulwa na mbeo.

MCHILI 12:7

Wandu wichawuya ndoenyi, na roho iwuye kwa Mlungu uo oreifunyireghe.

MCHILI 2:14

Mundu wa hikima wawonagha seji ughendagha, ela mkelu ndewonagha; elaima nacheewona wose wadapatwa ni ilagho jifwanane.

MCHILI 7:2

Ni baa kughenda muzi ghwa wandu wafuilwa, kuchumba kughenda muzi ghuko na karamu; kwa kukaia kifwa ni kutua kwa wandu wose, na awo wiko moyo yawifwana wikumbukeghe huwo.

MCHILI 7:25

Nerekufunyireghe nikufundishe eri nimanye; ngakunda nipate hikima na matumbulio gha makoto ghapo; nikufundishe nimanye wuwiwi ghwa wukelu.

MCHILI 8:11

Wandu waawuyabonya makosa kwa kukaia wisewuyetanywa shwa-shwa kwa wundu ghwa agho makosa wighibonyere.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

MCHILI 9:2

Wandu wose wadapata ifungu jimweri. Kutua kumweri kwa mhachi na kwa mmbiwi; kwa mundu uboie na uzamie; kwa mundu uelie na useelie; kwa mundu ufunyagha vizongona na uo usefunyagha. Mundu uboie ndemchumbie mkaung'a na uo ughemagha ndemchumbie uo useghemagha.

MCHILI 9:4

Ela uo ukwanye na wose wiko moyo, oko na isuwirio; kwa kukaia koshi iko moyo ni baa kuchumba shimba ifue.

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

LUKA 15:17

Nao iji wapata akili nicha, ukaghamba, ‘Ni wadumiki walinga wa aba wijagha, na kughuda na kusighara, nani aha niatota kwa njala!’

LUKA 6:11

Ela wikachulwa ni machu loli-loli na kuja malagho wikilola wim'bonya wada Jesu.

MABONYO GHA WADUMI 12:23

Shwa wori malaika wa Bwana ukamkaba, na kumghusha angu useremkasireghe Mlungu, ukalumwa ni vunyu ukafwa.

MABONYO GHA WADUMI 26:11

Nani nerewitiririeghe kalazi koni andenyi ya masunagogi ghose, ngitima kuwibonya wijikane irumirio jawo; na kwa kubia kubaa ngawikoronga hata mizi ya wughenyinyi.

MABONYO GHA WADUMI 26:24

Nao iji Paulo orekoghe ukikudederia huwo, Festo ukaghamba kwa lwaka lubaa, “Paulo, koko na isu! Kushoma kwako kubaa kwaawuyakuwusira isu.”

TITO 3:3

Angu na isi diweni aho imbiri derekoghe wakelu disesikiragha, dilaghashiro, na kubonywa wazumba ni maboilo na bea zima-zima, dikimeria matuku ghedu kwa wuwiwi na iriso; dikizamia wandu, na kuzamiana diweni na diweni.

2 PETRO 2:16

ela orekemeloghe kwa ikosa jake. Punda usededagha, ukadeda na lwaka lwa mdamu, na kujighiria isu ja uo mlodi.