MCHILI 7:7 - Biblia Ilagho Jiboie Kwa Wandu Wose

⁷ Mundu wa hikima ukamkalia mndumu, waawuyabonya sa mkelu; kukawusa matuwo kuchakunona kumoni.

MCHILI 7:7 ပူးပေါင်းရင်းမြစ်များ

KUFUMA 23:8

Kuserumirie kuhongwa; angu kuhongwa kwadabwagha meso, mundu usewone agho ghiko gha hachi, upate kulaghasha hachi ya mundu uko mloli.

MAKATANISHO 17:23

Mundu mmbiwi wadahongwa kivisonyi, upate kulaghasha hachi.

MAKATANISHO 17:8

Kuhonga kooka sa wusawi ghwa uo wawuyafunya; andu kose uidiagha maza rake riakaia nicha.

MCHILI 4:1

Niko ngazighana sena, ngawona kusowa hachi kose kwawuyabonyeka wurumwengunyi. Wandu wikorongwaghwa na kulila, wisewadie mndungi owitesia. Wakorongi wawo weeka na ndighi aighu yawo; wisewadie mndungi owitesia.

MCHILI 5:8

Kukawona wakiwa wikikorongwa isangenyi, na kusowelwa hachi, kuseshinike. M'baa wadazighanwa ni m'baa umu, sena oko m'baa umu aighu yake.

MCHILI 8:9

Nawonie maza iri rose iji nereririkanyireghe maza ribonyekagha andu wandu wamu wiko na kudima, na wambao wakorongeka aisi yawo.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

ISAYA 33:15

Ni uja ubonyagha hachi, na kudeda agho ghiko gha loli; umenyagha mapato ghiseko gha hachi, na kughiria mikonu yake isewade matuwo; uo ughiriagha madu ghake ghisesikire njama rebwagha, na kuleghazighana wuwiwi.

WUKUMBUSO 16:19

Msede hachi ya mndungi; msetanye kwa kutala wandu; hata mserumirie kutuwa, kwa kukaia kutuwa kwadaturua meso gha wandu wiko na suku, na kulaghasha hachi ra wandu.

WUKUMBUSO 28:65

Ndekuchaapata andu kungi kohoresha kudimagha kukuwanga kwako aghadi ya iro mbari: ela BWANA uchakuneka ngolo ya kiture, na kusilwa kusowa kwa roho na akili.

1 SAMUELI 12:3

Shuhudienyi idana aighu yapo imbiri ya BWANA na imbiri ya mzuri umsaghue. Ni ng'ombe yani niiwusire? Angu nawusire punda wani? Nani nimsokie kindo chingi angu kumkoronga? Nani unihongie ukanibwagha meso? Shuhudienyi aighu yapo, na ini nichammbunjira.”

1 SAMUELI 21:14

Akishi ukawizera wabaa wake, “Ai, u mundu ndeeka na isu; kwaki mwamreda kwapo?

1 SAMUELI 8:3

Ela wana wake ndewerekoghe wikinugha mfwano ghwa ndee, wikaghaluka wikikunda kushama; wikawusa hongo, na kwa chia iyo wikailaghasha hachi.