MCHILI 7:4 - Biblia Ilagho Jiboie Kwa Wandu Wose

⁴ Mundu wa hikima wadaririkanya kifwa ngelo rose; uo uririkanyagha maboilo ngelo rose ni mkelu.

MCHILI 7:4 ပူးပေါင်းရင်းမြစ်များ

2 SAMUELI 13:28

Niko Absalomu ukawilaghira wadumiki wake ukighamba, “Mumzighanireghe Amnoni; iji wanywa divei na kuwongia, ngamzera, ‘Mkabenyi Amnoni,’ basi moom'bwagha. Mseobuo, nechi nimoni namzera mkufungishe ndighi, mkaie mang'oni.”

1 WAZURI 20:16

Wuda ghukazoya dime ghadi, ngelo Ben-hadadi orekoghe ukinywa andenyi hemenyi chiaimweri na waja wazuri mirongo idadu na wawi weremtesiagha.

MCHILI 2:1

Natimie kubonya maseko nimanye ngera niki chiko andenyi ya kuboilwa. Ela ngawona iri niro maza ra duu.

MCHILI 7:3

Wasi ni baa kuchumba kuseka; ghwadima kukubonya kukuche wushu, ela ghuakutesia kutambukilwa nicha.

MCHILI 7:5

Ni baa kukemelwa ni mundu wa hikima, kuchumba kukaswa ni wakelu.

ISAYA 21:4

Nakambwa ni chongo, na kiture chaningia; ugho mwengere naghusuwiriagha, ghwaachawuya kusughusika.

JEREMIA 51:39

Wikawawa, nichawibonyera karamu na kuwiwongera hata wiboilo; wichalala dilo wisechaawuka sena.

JEREMIA 51:57

Nichawiwongera wabaa wake na wandu wake wa hikima, wabonyi nguma wake, na wabaa wake wa majeshi, na masikari ghake; wichalala putu wisechaawuka sena, Ini Mzuri, niwangwagha BWANA wa majeshi, naghamba.

DANIELI 5:30

Kio icho cheni, Belshazari mzuri wa Babuloni ukabwaghwa,

HOSEA 7:5

Ituku ibaa ja mzuri odu, wabaa werewongerieghe kwa divei ibirie hata wikadaika, na mzuri ukarangana nawo.

NAHUMU 1:10

Inyo wawongeri, mkeduaranganywa sa minjwa na matasa, mchakorwa na modo mmerelo.

1 SAMUELI 25:36

Niko Abigaili ukawuya kwa Nabali, ukamkua ukija karamu nyumbenyi kwake, sa karamu ya mzuri. Nabali orekoghe wasikira raha ngolonyi kwake, angu orewongerieghe nandighi; na Abigaili nderemghorieghe ilagho jingi hata ndoe ikaela nakesho.

1 SAMUELI 30:16

Nao iji Daudi waghenjwa ukawikua waja wandu wasasarika isangenyi kose, wikija na kunywa na kuvina kwa wundu ghwa ivo vilambo vingi wavidwa wunyika kufuma isanga ja Wafilisti, na isanga ja Juda.