MCHILI 5:8 - Biblia Ilagho Jiboie Kwa Wandu Wose

⁸ Kukawona wakiwa wikikorongwa isangenyi, na kusowelwa hachi, kuseshinike. M'baa wadazighanwa ni m'baa umu, sena oko m'baa umu aighu yake.

MCHILI 5:8 ပူးပေါင်းရင်းမြစ်များ

2 MALAGHO GHA NGELO 26:10

Ukaagha minara kireti, ukakota visima angu orekoghe na mfugho nyingi, Shefela na wurindinyi wori. Orekoghe na walimi na waboisi mizabibu mighondinyi, na andu ndoe riwurue, angu oreboilwagha ni kilimo loli loli.

AYUBU 24:23

Mlungu wadawilindia na kuwimangisha; wadawizighanira seji wighendagha.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 55:9

Kunone mipango yawo ee BWANA, kuwivurughe madedo ghawo; kwa kukaia naawuyawona nganyi na marashano mzinyi.

ZABURI 82:1

Mlungu waseria kifumbi chake cha mwandu ghwa mlungunyi; waawuyatanya aghadi ya milungu.

ZABURI 83:18

Kuwibonye wimanye kukaia ni oho kuekeri kuwangwagha BWANA; M'bonyi nguma m'baa ndoenyi kose.

ZABURI 95:3

Angu BWANA ni Mlungu m'baa, na Mzuri m'baa kuchumba milungu yose.

MAKATANISHO 22:16

Mundu umkorongagha mkiwa eri upate kufugha, angu kuneka wazuri wa mali manosi, uchawuya mkiwa.

MAKATANISHO 24:12

Mkaghamba wei ndemmanyire ilagho jingi, muaghesha uo upimagha ngolo ra wandu ndewuewona? Huwo uo umanyagha ngolo renyu ndewuemanya? Huwo ndechaalipa mundu karakara na kazi rake anguwada?

MAKATANISHO 8:17

Nadawikunda awo winikundagha, na awo winilolagha kwa kufunga ndighi wichaniwona.

MCHILI 3:16

Aighu ya agho, nawonie wurumwengunyi kukaia, andu loli na hachi ifwane ikaie, ghorekoghe wuwiwi.

MCHILI 4:1

Niko ngazighana sena, ngawona kusowa hachi kose kwawuyabonyeka wurumwengunyi. Wandu wikorongwaghwa na kulila, wisewadie mndungi owitesia. Wakorongi wawo weeka na ndighi aighu yawo; wisewadie mndungi owitesia.

MCHILI 5:9

Wandu wose wadakusaghika na mavalo gha isanga, hata mzuri moni wadaghisuwiria.

MCHILI 7:7

Mundu wa hikima ukamkalia mndumu, waawuyabonya sa mkelu; kukawusa matuwo kuchakunona kumoni.

MCHILI 8:9

Nawonie maza iri rose iji nereririkanyireghe maza ribonyekagha andu wandu wamu wiko na kudima, na wambao wakorongeka aisi yawo.

ISAYA 10:12

Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

ISAYA 3:15

Yakaia wada inyo kuwiwonia wandu wapo na kuwikita wakiwa? Ini BWANA Mlungu wa majeshi naghamba.”

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ISAYA 5:7

Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

EZEKIELI 18:18

Ela ndee, kwa kukaia orekufungishireghe ndighi kukita, ukamsoka mruna na kubonya agho ghiseboie mesonyi kwa wandu wake; ola uchafwa kwa wundu ghwa wuwiwi ghwake.

AMOSI 5:12

Naichi makosa ghenyu mengi, na kaung'a renyu seji riko mbaa. Mwadawitirira wandu wecha, na kuhongwa; mwadamtangala mkiwa usepate hachi yake kotinyi.

AMOSI 6:12

Welee, farasi rakimbiagha aighu lwalenyi? Welee, mndungi walimagha na ighembe ja ng'ombe a baharinyi? Ela inyo mwaighalusire hachi iwuye sumu, na itunda ja hachi jiwuye sa kilambo chiwawie.

MIKA 2:9

Mwadawiwinga waka wa wandu wapo wifume nyumba wirikunde; mwawisokie wana wawo watini marasimio ghapo kwa kala na kala.

ZEKARIA 8:6

“Ilagho ijo jadima kuwoneka sa jisedimikagha kwa masighariko gha wandu wa matuku agha, ela kwapo ini jadimika.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

LUKA 1:32

Uchakaia m'baa, nao uchawangwa Mwana wa Uo-Uko-Aighu-Nandighi; na Bwana Mlungu uchamneka kifumbi cha nguma cha ndee Daudi.

LUKA 1:35

Malaika ukamzera, “Roho Mweli uchakuchea aighu kwako, nandighi ra Uo-Uko-Aighu-Nandighi richakaia aighu kwako; kwa huwu mwana uchaavalwa uchawangwa Mweli Mwana wa Mlungu.

LUKA 1:76

Na oho, mwanwapo, kuchawangwa mlodi wa Uo-Uko-Aighu-Nandighi, angu kuchamkiria Bwana kum'boisira chia yake;

MABONYO GHA WADUMI 12:23

Shwa wori malaika wa Bwana ukamkaba, na kumghusha angu useremkasireghe Mlungu, ukalumwa ni vunyu ukafwa.

WAROMA 11:33

To! E mali, na hikima, na kumanya kwa Mlungu viko ndenyi! Nani udimagha kumanya kutanya kwake? Na nani udimagha kumanya chia rake?

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

1 PETRO 4:12

Wakundwa, msakeshinulwa ni agho matimo ghibirie ghawuyamchea kumtima, seji kuamba ni malagho gha kighenyi ghawuyabonyeka konyu.

1 JOHANE 3:13

Msakeshinika wanidu wurumwengu ghukazamilwa ni inyo.