MCHILI 5:2 - Biblia Ilagho Jiboie Kwa Wandu Wose

² Kusakededa kusepimie, hata kusebonye malaghiro kwa Mlungu shwa-shwa. Mlungu wadakaia mlungunyi, na oho kwadakaia ndoenyi; kwa huwo kusedede malagho mengi.

MCHILI 5:2 ပူးပေါင်းရင်းမြစ်များ

KUZOYA 18:27

Abrahamu ukaghamba, “Nifuye wughoma nidedanye na oho BWANA ini nisefwane kindo chingi, ela ne teri na maivu gheni.

KUZOYA 18:30

Abrahamu ukaghamba, “Nakuvoya kusezamilo BWANA, leka nidede. Welee, kukawikua mirongo idadu ikaia wada?” Nao ukatumbulia, “Kwa wundu ghwa mirongo idadu sichaaghutotesha anduangi.”

KUZOYA 18:32

Abrahamu ukaghamba, “Kusejoko ni machu BWANA, nichadeda iji indo jimweri tu. Kukawikua ikumi uko ni wada?” Nao ukaghamba, “Kwa wundu ghwa ikumi sichaatotesha anduangi.”

KUZOYA 28:20

Jakobo ukabonya ighemi ukighamba, “Mlungu ukakaia andwamweri nani na kunilindia chienyi, unineke mkate ghoja na nguwo rerwa,

KUZOYA 28:22

Na igho iji najidunga sa nguro, jichakaia nyumba emtasira Mlungu, nani nichafunya ifungu ja ikumi ja ivo vose uchaanineka.”

ZABURI 115:3

Mlungu odu oko mlungunyi, wadabonya ijo jose ujikundagha.

MAKATANISHO 10:19

Malagho ghikakaia mengi, ndeghisowagha kaung'a; mundu usededagha malagho mengi oko na hikima.

MAKATANISHO 20:25

Ririkanya nicha imbiri kusebonyere ilaghiro ja mafunyo kwa Mlungu; konyuma kwadima kujuta.

MCHILI 10:12

Mundu wa hikima ukadeda malagho, ghadamredia ishima; ela madedo gha mkelu, ghadamnona moni.

MCHILI 10:13

Wadazoya kudeda malagho gha wukelu, na kutuonyi kwa malagho ghake kwadareda wuwiwi ghwa isu.

MCHILI 5:3

Ndodo rizamie radaredwa ni kusumbukia maza nyingi, na madedo mengi ghadareda wukelu.

MCHILI 5:7

Ndodo nyingi na malagho mengi ndeghina mana. Kwa huwo muobuo Mlungu.

ISAYA 55:9

Sa iji koni mlungunyi kuko ighu kuchumba ndoenyi, niko koni na chia rapo riko ighu kuchumba renyu.

WALAWI 5:4

“Mndungi ukabonya ighemi kisha kisha usemanyire usepimagha, ikaiagha ni jebonya kiwiwi angu nicha usemanyagha, ingelo wachamanya, uchatalwa kukaia mkosi.

MATHAYO 6:7

“Nenyo iji mwakalomba, msakededa madedo mengi ghiseeliagha sa wandu wisemwichi Mlungu, awo wigheshagha wichasikirwa kwa wundu ghwa madedo ghawo mengi.

MATHAYO 6:9

Idana mlombeghe sa huwu: ‘Aba odu kuko mlungunyi, Irina jako jikaso.

MARKO 6:23

Sena ukamghemia, “Icho chose kuchaanilomba, nichakuneka, hata nusu ya wuzuri ghwapo.”

JAKOBO 3:2

Isi diwose dabonyagha makosa mengi; na ikakaia oko mndungi usedimagha kubonya makosa kwa agho ughoragha, uo ni mundu ukatie; udimagha kughumazira mumbi ghose wori.

WATANYI 11:30

Jefitha ukabonya ighemi kwa BWANA ukaghamba, “Kukawifunya Waamoni mkonunyi kwapo,