MCHILI 4:16 - Biblia Ilagho Jiboie Kwa Wandu Wose

¹⁶ Mzuri wadima kuwibonyera nguma wandu wengi wisene mtalo. Ela nyuma ya kufwa kwake, mndungi ndechaatala agho ubonyere. Ni malagho gha duu; ni sa kuwingisa mbeo.

MCHILI 4:16 ပူးပေါင်းရင်းမြစ်များ

2 SAMUELI 19:9

Wandu wose wa Israeli werekoghe wikisimana weni na weni wikighamba, “Mzuri wadikirie na wamaiza wedu, sena ukadikira na Wafilisti, na idana hoyu wamkimbia Absalomu na kukaia shighadi ya isanga.

1 WAZURI 1:40

Wandu wose wikamnugha nyuma wikiboilwa na kukaba misherembe kwa kuboilwa kubaa, hata ndoe ikasughusika.

MCHILI 1:14

Nawonie maza rose rawuyabonywa wurumwengunyi; ela rose ni duu; ni sa kulwa na mbeo.

MCHILI 2:11

Ngawoka kughipima agho ghose nighibonyere, na seji nerefungieghe ndighi kughibonya; ngawona ni kazi ya duu; ni sa kulwa na mbeo. Nderina fwaida ingi putu.

MCHILI 2:17

Kwa huwo neechawona kukaia moyo ndekune mana ingi, kwa kukaia uko kukaia moyo kose ndekuniredie kindo chingi ela wasi. Iro rose ni maza ra duu; ni sa kulwa na mbeo.

MCHILI 2:26

Mundu ukam'boia Mlungu, uchamneka hikima na kumanya, na kuboilwa. Ela Mlungu wadamneka mkaung'a kazi ekwanya na kutumbanya, upate kumneka uo mundu um'boiagha. Iro naro ni maza ra duu, ni sa kulwa na mbeo.

MCHILI 4:15

Naririkanyire aighu ya wandu wose wawuyakaia andenyi ya ughu wurumwengu, ngawona kukaia oko mndumu wa irika andu kumu uchaawuya mzuri.