MCHILI 3:2 - Biblia Ilagho Jiboie Kwa Wandu Wose

² Ngelo evalwa na ngelo ya efwa; ngelo ewa na ngelo ekua;

MCHILI 3:2 ပူးပေါင်းရင်းမြစ်များ

KUZOYA 17:21

Ela ilaghano japo ijo, nichajibonya na kujimangisha kwa Isaaka, uo Sara uchaakuvaia kimu sa ichi, mwaka ghuchagha.”

KUZOYA 47:29

Nao iji ngelo ya kufwa kwake Israeli yalighisa, ukammbanga mwana wake Josefu ukamzera, “Ngera narumirikia mesonyi kwako, ngira mkonu ghwako barenyi kwapo, nao kunighemie angu kuchanibonyera malagho gha loli na gha hachi.

1 WAZURI 13:2

Niko uja mlodi ukaghikemia madhabahu kwa kunugha malaghiro gha BWANA ukighamba, “Ee madhabahu, madhabahu, BWANA waghamba huwu: ‘Mwana wa womi wa kivalwa cha Daudi uchavalwa na irina jake uchawangwa Josia. Uchawibwagha aighu yako wakohani widumikagha aighu yako, na maindi gha wadamu ghichakorwa aighu yako.’”

2 WAZURI 4:16

Nao Elisha ukamzera, “Kimu sa ichi mwaka ghuchagha, kuchammbwadia mwana wa womi.” Uja muka ukaghamba, “Ii hata bwana wapo, mundu wa Mlungu kuseningire isuwirio ja tee ini mdumiki wako.”

AYUBU 14:14

Mundu ukafwa-lee, uwuyakaia moyo sena? Matuku ghose gha wudumiki ghwapo ghukurie, nichaweseria hata nivikie kufungulwa.

AYUBU 14:5

Irangi jake jeepimwa, na mtalo ghwa meri yake koko nagho; oho kwapangie kutua kwake, usedimagha kughalua.

AYUBU 7:1

“Mdamu oko na wudumiki ghukurie ndoenyi, na matuku ghake gheeka sa matuku gha kibarua.

ZABURI 113:9

Wadam'bonyera ishima muka kolowi mzinyi kwake; wam'bonya uboilo kwa kumneka wana. BWANA ndekaso!

ZABURI 52:5

Ela Mlungu uchakutotesha kwa kala na kala; uchakufunya mzinyi kwako na kukurashua, nao uchakuinja isangenyi ja wandu wiko moyo.

MAKATANISHO 24:27

Boisa kiwacha chako, kuwike kula kilambo nicha.

ISAYA 28:24

Welee, uo ulimagha eri upate kuwa mbeu wadalima ngelo rose? Welee, uchakaia ukiibubula ndoe ngelo rose?

ISAYA 38:1

Matuku agho, Mzuri Hezekia ukawuya mkongo kaavui na kufwa. Mlodi Isaya mwana wa Amozi ukacha na kumzera, “BWANA waghamba, kuboise maza ra nyumbenyi kwako, kwa kukaia ndekuchaaboa kungi, ela kuchafwa.”

ISAYA 38:5

ughende umzere Hezekia kukaia, BWANA, uo Mlungu wa ndee Daudi waghamba, “Nasikira malombi ghako, na kuwona mbori rako; nao ola nichaghichuria matuku ghako miaka ikumi na misanu.

ISAYA 54:1

BWANA waghamba, “Bora ee Jerusalemu, kuko sa muka uko kolowi, bora nandighi kwa kuboilwa, oho jingi kusekumbie lufu! Wana wako wichakaia wengi, kuchumba wa muka ulowolo.

JEREMIA 1:10

Wona, idime nakuneka nguma aighu ya mbari ra wandu na aighu ya mawuzuri, kukuo na kuchikanya; kunone na kukumba noko, kuaghe na kuwa.”

JEREMIA 45:4

“Ola naawuyachikanya agho nereghiaghieghe, na kukua ivo nereviwaeghe isangenyi kose.

MATHAYO 13:41

uja Mwana wa Mdamu, uchawiduma weke malaika wake wiwikwanye na kuwiinja na mbai ya wuzuri ghwake, awo wose wiredagha kaung'a na wose wibonyagha wuwiwi;

MATHAYO 15:13

Jesu ukawitumbulia, “Kula muwalwa ghusewalo ni Aba uko mlungunyi ghuchakulwa.

LUKA 1:13

Ela uja malaika ukamzera, “Kusakeobua Zakaria, kwa kukaia malombi ghako ghasikirikie, na mkako Elizabeti uchakuvaia mwana wa womi, na oho kuchammbanga Johane.

LUKA 1:20

Nao ola, kuchakaia kituri kusededagha, hata ituku ijo maza iri richaakatia; angu kuserumirie malagho ghapo anduangi; nagho ghichakatishwa kwa kimu charo.”

LUKA 1:36

Kumanye na mwamayo Elizabeti wori, uo orewangiloghe kolowi, idana oko na kifu cha mwana wa womi, na ughu ni mori ghwake ghwa karandadu.

JOHANE 16:21

Iji muka wakakufungua, wadakaia na wasi angu ngelo yake ekumba lufu yameria kuvika; ela iji mwana wameria kuvalwa wadaliwa luja luwawo lose kwa kuboilwa, angu mundu wavalwa wurumwengunyi.

JOHANE 7:30

Waja wandu wikakunda kummbwada, ela mndungi nderedimieghe kummbwada angu ngelo yake ndeerevikieghe anduangi.

MABONYO GHA WADUMI 7:17

“Nao iji ngelo yavika kaavui Mlungu ukatishe ilaghiro oremnekieghe Abrahamu, mtalo ghwa awo wandu ghukachurikia nandighi Misri;

MABONYO GHA WADUMI 7:20

Ngelo iyo niko Musa orevaloghe; mwana ughokie na ndighi. Ukalelwa meri idadu nyumbenyi kwawo;

WAGALATIA 4:4

Ela iji ngelo yakatia, Mlungu oremdumieghe Mwana wake ukavalwa ni muka, nao orevaloghe aisi ya Sharia,

WUKUMBUSO 34:5

Kwa huwo Musa mdumiki wa BWANA ukafwa isanga ja Moabu kunughana na ilagho ja BWANA;

WAEBRANIA 9:27

Na seji koni iwikilo kwa wandu kufwa indo jimweri, na nyuma yaro kutanywa,

1 SAMUELI 2:5

Awo werekoghe wighudie wabonya vibarua wipate vindo, ela awo werekoghe na njala waghuda. Kolowi wavae wana mfungade, ela uo muka uvae wana wengi wasighwa duu.