MCHILI 2:8 - Biblia Ilagho Jiboie Kwa Wandu Wose

⁸ Nerekutumbanyireghe feza na dhahabu nyingi kufuma kwa bengi ra kiwuzuri ra masanga nereghibonyeragha nguma. Nerewikieghe wabori wa womi na wa waka, na waka wekanya wengi, seji mndwawomi udimagha kukunda.

MCHILI 2:8 ပူးပေါင်းရင်းမြစ်များ

2 SAMUELI 19:35

Idime iji ne mundu wa miaka mirongo wunyanya; huwo naduagha omanya mecha na mawiwi? Huwo ini mdumiki wako naduagha omanya kusinga kwa vindo veja angu venywa? Naduagha osikiria chwaka ra wabori wa waka na wa womi? Kwaki sena ini mdumiki wako niwuyagha msigo kwa bwana wapo mzuri?

1 WAZURI 10:10

Nao ukamneka Mzuri Solomoni manosi agho oredwaeghe: dhahabu ichumbagha kilo elfu inya, na vilungo vingi nandighi, na lulu. Jingi mndungi ndemnekie mzuri vilungo vingi sa ivo.

1 WAZURI 10:14

Dhahabu yose ereredeloghe kwa Solomoni andenyi ya mwaka ghumweri ni kilo elfu mirongo iwi na idadu,

1 WAZURI 10:21

Vilambo vose venywa va Mzuri Solomoni verekoghe va dhahabu, na vilambo vose verekoghe andenyi ya nyumba ya Msidu ghwa Lebanoni verekoghe va dhahabu ielie. Ndekorekoghe na kilambo chingi cha feza, kwa kukaia feza ndeeretaliloghe kukaia kilambo chingi matuku gha Solomoni.

1 WAZURI 11:3

Orelowueghe wai wa wazuri maghana mfungade, na waka wekanya maghana adadu. Waka awo wikaghalua ngolo ya Solomoni ukatasa milungu mizima.

1 WAZURI 14:27

Mzuri Rehoboamu ukabonya ngao ra shaba wulalo ghwaro. Ukariwika rilindiloghe ni Wabaa wa walindiri, awo werelindiagha mbenge ya ngome ya mzuri.

1 WAZURI 9:14

Hiramu orekoghe wamneka Mzuri Solomoni dhahabu ichumbagha kilo elfu inya.

1 WAZURI 9:28

Wikaghenda Ofiri, wikamredia Solomoni dhahabu ichumbagha kilo elfu ikumi na inya.

1 MALAGHO GHA NGELO 25:1

Mzuri Daudi na vilongozi va Walawi werewisaghueghe Walawi winughagha wilongozeghe wutasi: Asafu, na Hemani, na Jeduthuni wikaie wachili wa ilagho ja Mlungu, jikinughwa ni chumbo riborwagha kwa zeze, na vinubi, na banjo. Ughu nigho mtalo ghwa awo werebonyeroghe kwa iyo kazi:

1 MALAGHO GHA NGELO 25:6

Wose werekoghe aisi ya wulongozi ghwa ndee kwa kubonya muziki andenyi ya Hekalu ya Mlungu. Asafu, Jeduthuni, na Hemani werekoghe aisi ya mzuri.

2 MALAGHO GHA NGELO 9:11

Mzuri ukabonya viluwatiro na iro mbau ra msandali kwa wundu ghwa Hekalu ya BWANA, na kwa wundu ghwa ngome ya mzuri, na zeze na vinubi kwa wundu ghwa wabori, ivo na jingi viserewonekieghe andenyi ya isanga ja Juda.

EZRA 2:65

wabonyi kazi wawo wa womi na wa waka werekoghe elfu mfungade, maghana adadu, na mirongo idadu na mfungade; wabori wa womi na wa waka werekoghe maghana awi.

MCHILI 1:2

Mchili waghamba, Ni duu! Ni duu! Maza rose ni duu.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 3:5

iji mwasikira chwaka ra tarumbeta, na misherembe, na zeze, na ngoma, na kayamba, na firimbi, na kula chombo chebora, kula mundu ugho na kuitasa iyo fwana ya dhahabu iwikilo ni mzuri Nebukadnezari.

DANIELI 3:7

Nao iji wandu wose wasikira lwaka lwa tarumbeta, na misherembe, na zeze, na ngoma, na kayamba, na firimbi, na kula chombo chebora, wandu wose, wa mbari na viteto wikaghwa na kuitasa ija fwana ya dhahabu erewikiloghe ni mzuri Nebukadnezari.

AMOSI 6:5

inyo m'boragha chumbo mkitumia vinubi, na kukubonyera vombo vebora sa Daudi.